Palak Aloo Pakoda Recipe | શિયાળો (Winter) શરૂ છે, કડકડતી ઠંડી હાલના દિવસોમાં પડી રહી છે, આ સીઝનમાં શાકભાજી ભરપૂર માત્રામાં આવે છે જેમ કે પાલક.પાલકમાંથી મોટેભાગે તેની ભાજી, પાલક પનીર, પરાઠા વગેરે બનાવામાં આવે છે પરંતુ મેથીના પકોડા અથવા ભજીયાની જેમ તમે પાલકના પકોડા પણ બનાવી શકો છો. પરંતુ ઘણા બાળકોને ખાલી પાલકના પકોડા ભાવતા નથી, એ લોકો માટે તમે પાલક આલુ પકોડા બનાવી શકો છો જે ખુબજ ટેસ્ટી બને છે અને ઝટપટ બની જાય છે, અહીં જાણો પાલક આલુ પકોડા રેસીપી (Palak Aloo Pakoda Recipe)
પાલક સ્વાસ્થ્ય માટે ગુણકારી માનવામાં આવે છે, તેનું સેવન કરવાથી ઘણા સ્વાસ્થ્ય લાભ મળે છે, અહીં શેફ ભરત વાધવાએ તેના ઇન્સ્ટાગ્રામ ટેસ્ટી પાલક આલુ પકોડા રેસીપી શેર કરી છે જે તમને જરૂર પસંદ આવશે, જાણો આલુ પકોડા રેસીપી (Palak Aloo Pakoda Recipe)
પાલક આલુ પકોડા રેસીપી (Palak Aloo Pakoda Recipe)
સામગ્રી :
- 150 ગ્રામ પાલક
- 3 બટાકા
- 2 ઇંચ આદુ
- 7-8 લસણની કળી
- 1 ચમચી જીરું
- 2 ચમચી ધાણા
- 1/2 ચમચી વરિયાળી
- ૨ કપ ચણાનો લોટ
- 3/4 કપ પાણી
- 1/2 ચમચી હળદર પાવડર
- 1/2 ચમચી અજમા
- 1 ચમચી આમચૂર પાવડર
- 3-4 સમારેલા લીલા મરચાં
- તાજી કોથમીર
- 1 ચમચી કસુરી મેથી
- 2 ચમચી મીઠું
- 1/4 કપ ચોખાનો લોટ
- 1/4 ચમચી ખાવાનો સોડા
આ પણ વાંચો: ઓવન વગર બનાવો નાસ્તામાં હેલ્ધી પીઝા, બાળકો ખાતા રહી જશે
પાલક આલુ પકોડા રેસીપી (Palak Aloo Pakoda Recipe)
- સૌ પ્રથમ આદુ, લસણ, વરિયાળી,આખા ધાણા બધું સાથે વાટીને પેસ્ટ બનાવો અને સાઈડમાં રાખો, ત્યારબાદ એક મોટા બાઉલમાં ચણાનો લોટ લો અને પાણી નાખો.
- બેટરને હવે બરોબર મિક્ષ કરો એમાં હળદર પાઉડર, અજમો, આદુ લસણ પેસ્ટ, સમારેલ લીલા મરચા નાખો અને કોથમીર નાખો.
- હવે બધું બેટર સારું રીતે મિક્ષ કરીને એમાં સ્વાદ મુજબ મીઠું નાખો અને ઝીણા સમારેલા બટાકા નાખો, કસ્તુરી મેથી નાખો.
- હવે પાલકની ઝીણી સમારેલ ભાજી અને ખાવાનો સોડા અને ચોખાનો લોટ નાખો અને બેટરને ફરી મિક્ષ કરો.
- એક પેનમાં તેલ ગરમ કરો, એમાં બધા પાલક આલુ પકોડાને તળી લો અને બન્ને સાઈડ ગોલ્ડન બ્રાઉન થવા દો થઇ જાય એટલે ગરમ ગરમ પકોડાને ચા અથવા ચટણી અથવા સોસ સાથે સર્વ કરો.
