Egg White Benefits: ઇંડા કે ઇંડાની સફેદી? શેમાં વધારે પ્રોટીન હોય છે, મસલ્સ વધારવા શું ઉત્તમ છે? એક્સપર્ટ પાસેથી જાણો

Health Benefits Of Whole Egg VS Egg White : ઇંડા સુપરફૂડ કહેવામાં આવે છે. તેનો સ્વાદ અદ્દભુત હોય છે એટલું જ નહીં શરીર માટે જરૂરી ઘણા પોષક તત્વો પણ ઈંડામાં ભરપૂર પ્રમાણમાં જોવા મળે છે. આવી સ્થિતિમાં, જ્યારે ફિટનેસ અને સ્નાયુઓના નિર્માણની વાત આવે છે અને ઇંડાનો ઉલ્લેખ ન થાય આવું ભાગ્યે જ થાય છે. જો કે, ઘણીવાર લોકો મૂંઝવણમાં હોય છે કે શું આખું ઇંડું ખાવું વધુ સારું છે કે માત્ર ઇંડાનો સફેદ ભાગ? આ સિવાય બંને માંથી કયામાં વધુ પ્રોટીન હોય છે અને જે સ્વાસ્થ્ય માટે સૌથી વધુ ફાયદાકારક હોય છે. ન્યુટ્રિશનિસ્ટ જિયા નવાનીએ જણાવ્યું હતું કે, ઇંડાની સફેદી અથવા આખું ઇંડું ખાવું, શું વધુ ફાયદાકારક છે.

ન્યુટ્રિશનિસ્ટ જિયા નવાનીએ જણાવ્યું હતું કે ,ઇંડાના બે મુખ્ય ભાગ (ઇંડાની સફેદી) અને પીળો ભાગ (ઇંડાની જરદી) છે. ઇંડાની સફેદી મુખ્યત્વે પ્રોટીન અને પાણીની બનેલી હોય છે, જ્યારે જરદીમાં પ્રોટીન તેમજ ચરબી, વિટામિન્સ અને ખનિજો હોય છે. તેમણે કહ્યું કે આખા ઇંડા કે ઇંડાની જરદી બંનેમાં પ્રોટીન હોય છે, પરંતુ ઇંડાની સફેદીમાં પ્રોટીનનું પ્રમાણ વધારે હોય છે. એક આખા ઇંડામાં ઇંડાની સફેદીમાં લગભગ ૩.૬ ગ્રામ અને જરદીમાં ૨.૭ ગ્રામ પ્રોટીન હોય છે. જો કે, જરદીમાં ઇંડાની બધી ચરબી અને પાણીમાં દ્રાવ્ય વિટામિન્સ અને ખનિજો હોય છે.

શું કહે છે અભ્યાસ

2017 માં એક અભ્યાસ અનુસાર, આખા ઇંડા માત્ર ઇંડાની સફેદી ખાવાની તુલનામાં 42 ટકા વધુ સ્નાયુ પ્રોટીન સંશ્લેષણને ઉત્તેજીત કરે છે. ભલે બંનેમાં પ્રોટીનનું પ્રમાણ સરખું જ હોય. ઇંડાની સફેદી મુખ્યત્વે આલ્બ્યુમિનથી બનેલી હોય છે, જે ઉચ્ચ ગુણવત્તાનું પ્રોટીન છે, જે સ્નાયુઓની રિકવરી માટે શ્રેષ્ઠ છે. જો કે, તેમની પાસે જરદીમાં જોવા મળતા ઘણા ઉપયોગી પોષક તત્વોનો અભાવ છે. જરદીમાં પોષક શક્તિ હોય છે.

આખા ઈંડા ખાવાના ફાયદા

• આખા ઇંડા ખાવાથી વિટામિન એ, ડી અને ઇ ભરપૂર માત્રામાં હોય છે.
• આંખો, હાડકાં અને રોગપ્રતિકારક શક્તિના સ્વાસ્થ્ય માટે આખું ઇંડું જરૂરી છે.
• તેમાં વિટામિન બી 12 અને ફોલેટ ગુણધર્મો છે જે લાલ રક્તકણોની રચના માટે અને મગજ માટે ફાયદાકારક છે.
• આખા ઇંડામાં આયર્ન અને ઝિંક ભરપૂર માત્રામાં હોય છે.
• ઇંડામાં હાજર કોલીન મગજ અને યકૃતના વિકાસ માટે વધુ સારી રીતે કાર્ય કરવા માટે જરૂરી છે.
• ઇંડા તેના પ્રોટીન ગુણધર્મોને કારણે મસલ્સ ગ્રેઇન અને રિકવરી માટે ઉત્તમ આહાર છે.

ઇંડાની સફેદી ખાવાના ફાયદા

• ઇંડાની સફેદીમાં રાઈબોફ્લેવિન હોય છે, જે શરીરમાં એનર્જી લેવલ વધારવામાં મદદ કરે છે.
• તેમાં સેલેનિયમ એન્ટીઓકિસડન્ટ તરીકે કામ કરે છે અને રોગપ્રતિકારક શક્તિને વેગ આપે છે.
• ઇંડાની સફેદી એ શુદ્ધ પ્રોટીન સ્રોત છે જે વધારે ચરબી વિના સ્નાયુઓ મજબૂત બનાવે છે.
• ઇંડાની સફેદીમાં કોલેસ્ટ્રોલ હોતું નથી.
• કોલેસ્ટ્રોલ ઓછું કરનારા લોકો માટે આ ઇંડાની સફેદી ખાવાથી લાભ થાય છે.