Bihar Election 2025 Date Announcement: બિહાર ચૂંટણી 2025 બે તબક્કામાં યોજાશે, મતદાન 6 અને 11 નવેમ્બર, ગણતરી 14મીએ થશે

પરદો કે અન્ય એવા કિસ્સાઓમાં મતદારની ઓળખ કેવી રીતે કરાશે એવા સવાલ પર જવાબ આપતાં મુખ્ય ચૂંટણી કમિશ્નર જ્ઞાનેશ કુમારે જણાવ્યું કે, દરેક મતદાન બુથ પર આંગણવાડી કાર્યકરો ઉપલબ્ધ હશે જે જરુર પડે પરદાનસિન મહિલા મતદારોની ઓળખ કરશે.

સોશિયલ મીડિયા પર સેલ્ફ રેગ્યુલેશનથી મોટી કોઇ વાત નથી. જો ખોટો પ્રચાર કરાશે તો જિલ્લા અધિકારીઓને આ માટે સત્તા છે તે કાર્યવાહી કરશે. સોશિયલ મીડિયાની સ્વતંત્રતાનો લોકો દુરપયોગ ન કરે.

5 વાગ્યા બાદ મતદાન આંકડામાં મોટો તફાવત આવતો હોવા અંગે પુછાયેલા એક સવાલ પર જવાબ આપતાં મુખ્ય ચૂંટણી કમિશ્નર જ્ઞાનેશ કુમારે કહ્યું કે, પહેલા એવું થતું હતું કે, ફોન પર ડેટા લઇને વોટર ટર્ન આઉટમાં ફિલ કરાતો હતો. આમ જનતાની સુવિધાને લઇને આમ કરાતું હતું. 5 વાગ્યા બાદ પ્રીસાઇડિંગ ઓફિસર અન્ય કામગીરીમાં હોવાથી ડેટા આપી શકતા નથી હોતા. કોઇ પ્રિસાઇડિંગ ઓફિસરને પરત આવતાં ક્યારેક મોડું થતું હોય છે. એને લઇને ડેટા છેલ્લે અપડેટ થાય છે. જેથી તફાવત આવતો હતો. પરંતુ હવે નવી વ્યવસ્થા લાગુ કરવામાં આવી છે. જે પ્રિસાઇડિંગ ઓફિસર ઇસીઆરની વેબસાઇટમાં આ આંકડા ભરશે. જેનાથી અંદાજિત આંકડા મળી જશે.

બિહાર ચૂંટણી 2025 બે તબક્કામાં યોજાશે. પ્રથમ તબક્કા માટે 6 નવેમ્બર અને બીજા તબક્કા માટે 11 નવેમ્બરે મતદાન થશે. જ્યારે મત ગણતરી અને પરિણામ 14 નવેમ્બરે જાહેર કરાશે.

બિહાર ચૂંટણી 2025 માં 243 જનરલ ઓબ્ઝર્વર, 39 પોલીસ ઓબ્ઝર્વર અને 67 એક્સપેન્ડિચર ઓબ્ઝર્વર કામગીરી બજાવશે.

ચૂંટણી દરમિયાન કોઇ પણ સમસ્યા કે ક્ષતિ અંગે ચૂંટણી પંચ હેલ્પ લાઇન નંબર 1950 પર કોલ કરી શકાશે. આ ઉપરાંત દરેક મતદાર પોતાના બીએલઓ સાથે વાત કરી શકશે. એ માટે +91 STD code 1950 નંબર ડાયલ કરવાનો રહેશે.

મુખ્ય ચૂંટણી કમિશ્નર જ્ઞાનેશ કુમારે કહ્યું કે, બિહાર ચૂંટણી 2025માં એક ખાસ સુધાર કરાયો છે કે, મતદાન સૂચિમાં ઉમેદવારનો ફોટો કલરફુલ લગાવાશે.

બિહાર ચૂંટણી કાર્યક્રમ જાહેર કરતાં મુખ્ય ચૂંટણી કમિશ્નર જ્ઞાનેશ કુમારે કહ્યું કે, આજનો સમય જોતાં મતદારોને મોબાઇલ સાથે લઇ જવા અંગે દ્વિધા રહેતી હોય છે જેના ઉકેલ માટે મતદાન મથકોએ મોબાઇલ રાખવા માટે સુવિધા ઉભી કરવામાં આવી છે.

મુખ્ય ચૂંટણી કમિશ્નર જ્ઞાનેશ કુમારે કહ્યું કે, આ વખતે બિહાર ચૂંટણીમાં તમામ મતદાન મથકે વેબ કાસ્ટિંગ કરાશે. રાજ્યમાં 90712 મતદાન બુથ પર મતદાન થશે. દરેક મતદાન મથકે સરેરાશ 818 મતદારો હશે.

મુખ્ય ચૂંટણી કમિશ્નર જ્ઞાનેશ કુમારે કહ્યું કે, બિહારની પાવન ભૂમિ પર પાંચ વર્ષ બાદ ચૂંટણીનો અવસર આવ્યો છે. આ વખતે બિહાર ચૂંટણી ઘણી રીતે ખાસ હશે. એ માત્ર મતદાતાઓ માટે જ નહીં પરંતુ ચૂંટણી પંચ માટે પણ હશે. શાંતિપૂર્ણ માહોલમાં ચૂંટણી સંપન્ન કરવા તમામ પ્રયાસ કરાયા છે.

બિહાર ચૂંટણી 2025 તારીખ અને કાર્યક્રમ અંગે મુખ્ય ચૂંટણી કમિશ્નર જ્ઞાનેશ કુમાર, ડો.સુખબીર સિંહ સંધુ, ચૂંટણી કમિશનર અને ડો. વિવેક જોશી, ચૂંટણી કમિશનર પ્રેસ પરિષદ કરી રહ્યા છે.

બિહાર વિધાનસભા ચૂંટણી 2025 તારીખ કાઉન્ટ ડાઉન શરુ થઇ ગયું છે. થોડી વારમાં એટલે કે 4 વાગ્યે ચૂંટણી પંચ દ્વારા આ અંગે એક પત્રકાર પરિષદ કરવામાં આવશે. બિહારની 243 બેઠકો માટે ચૂંટણીની તારીખો અને કાર્યક્રમ જાહેર કરવામાં આવશે.

કોંગ્રેસ સાંસદ રંજીત રંજને ચૂંટણી પંચની પ્રેસ કોન્ફરન્સ સંદર્ભે કહ્યું કે, ચૂંટણીની જાહેરાત અગાઉ થવી જોઇતી હતી જે આજે થવા જઇ રહી છે. અમે તૈયાર છીએ. બિહાર તૈયાર છે અને નિશ્વિત રુપથી ચૂંટણી એક તબક્કામાં થાય કે બે તબક્કામાં અમને વિશ્વાસ છે કે આ વખતે બિહાર મુદ્દાઓ પર મતદાન થશે.

બિહાર ચૂંટણી 2025 સંદર્ભે કેન્દ્રિય મંત્રી રામનાથ ઠાકુરે કહ્યું કે, બિહારની જનતા આ શુભ અવસરની રાહ જોઇ રહી છે. ચૂંટણી પંચ દ્વારા આજે સાંજે ચૂંટણી તારીખોની જાહેરાત કરવામાં આવશે. બિહારની જનતા છેલ્લા 20 વર્ષોથી નીતિશ કુમારના નેતૃત્વમાં કરાયેલા વિકાસ કાર્યો જોઇ રહી છે. જે જોતાં જનતા ફરી એકવાર નીતિશ કુમારને તક આપશે.

બિહાર વિધાનસભા ચૂંટણી 2020 ત્રણ તબક્કામાં યોજાઇ હતી. જોકે બિહાર ચૂંટણી 2025 ને લઇને રાજકીય પક્ષોમાં વિવિધ મત છે. ભાજપના સુત્રોનું માનવું છે કે, ચૂંટણી 2 તબક્કામાં યોજાવી જોઇએ તો જેડીયૂ સુત્રોનું કહેવું છે કે ચૂંટણી એક તબક્કામાં જ સંપન્ન થવી જોઇએ તો બીજી તરફ મહાગઠબંધનના સુત્રો આ ચૂંટણી 2 તબક્કામાં ઇચ્છી રહ્યા છે.

ગત બિહાર વિધાનસભા ચૂંટણી 2020 પરિણામ 10 નવેમ્બરે જાહેર થયા હતા. 243 બેઠકો માટે યોજાયેલ ચૂંટણીમાં રાષ્ટ્રીય લોકશાહી ગઠબંધન (NDA) ને 125 બેઠકો મળી હતી. જ્યારે કોંગ્રેસ સહિત પક્ષોના મહાગઠબંધનને 110 બેઠકો મળી હતી.

બિહાર ચૂંટણી 2025 તારીખ આજે સાંજે જાહેર થશે. અહીં આપણે એ જાણીએ કે ગત ચૂંટણી ક્યારે અને કેટલા તબક્કામાં યોજાઇ હતી. 2020 બિહાર ચૂંટણી ત્રણ તબક્કામાં યોજાઇ હતી. પ્રથમ તબક્કામાં 71 બેઠકો માટે 28 ઓક્ટોબરે મતદાન થયું હતું. 3 નવેમ્બરે બીજા તબક્કામાં 94 બેઠકો માટે અને 7 નવેમ્બરે ત્રીજા તબક્કામાં 78 બેઠકો માટે મતદાન થયું હતું. 10 નવેમ્બરના રોજ મતગણતરી અને પરિણામ જાહેર કરાયા હતા.

અઢારમી બિહાર વિધાનસભા ચૂંટણી 2025 માટે આજે સાંજે તારીખો જાહેર થશે. બિહાર ચૂંટણી 2025 243 બેઠકો માટે જંગ ખેલાશે. હાલમાં ભાજપના સહયોગથી જેડીયૂ નીતિશ કુમારની સરકાર છે.