જેડીયુના રાષ્ટ્રીય અધ્યક્ષ લલન સિંહે (Lalan Singh) વડાપ્રધાન નરેન્દ્ર મોદી (PM Narendra Modi) પર આકરા પ્રહારો કર્યા છે. હાલમાં જ ભાજપ (BJP) દ્વારા એવો આક્ષેપ કરવામાં આવ્યો હતો કે, લલન સિંહે પીએમ મોદીની જાતિ વિશે ટિપ્પણી કરી છે. જેના જવાબમાં લલન સિંહે કહ્યું કે, તેમણે કોઈપણ પ્રકારના અપશબ્દોનો ઉપયોગ કર્યો નથી. આ દરમિયાન, લાલન સિંહે તેમના સોશિયલ મીડિયા હેન્ડલ પરથી પીએમ નરેન્દ્ર મોદીની ઘણી તસવીરો શેર કરીને કટાક્ષ કર્યો છે.
લલન સિંહે તસવીર શેર કરી છે
લલન સિંહે વડાપ્રધાન નરેન્દ્ર મોદીની ઘણી તસવીરો શેર કરી છે. આ તમામ તસવીરોમાં પીએમ મોદી અલગ-અલગ પાઘડી અને કેપ પહેરેલા જોવા મળે છે. આ તસવીરો શેર કરતા લલન સિંહે લખ્યું, ‘દેશના આદરણીય વડાપ્રધાનના અનેક સ્વરૂપોની મુલાકાત લો અને તમારા પેટની આગ બુઝાવો. દેશના લાખો બેરોજગાર યુવાનો જ્યાં સુધી પીએમની ખુરશી પર આ રહે ત્યાં સુધી રોજગારની ઈચ્છા છોડી દે.લલન સિંહની આ પોસ્ટ પર લોકો અનેક પ્રકારની પ્રતિક્રિયાઓ આપી રહ્યા છે. કેટલાક લોકોએ કટાક્ષ કર્યો, તો કેટલાક લોકોએ લલન સિંહની પોસ્ટને સમર્થન પણ આપ્યું છે.
લોકોની પ્રતિક્રિયાઓ
નિતેશ શ્રીવાસ્તવ નામના ટ્વીટર યુઝરે લખ્યું હતું કે, સર, કમસેકમ, તમારે રોજગાર વિશે તો વાત જ ન કરવી જોઈએ. આટલા વર્ષો સુધી ભાજપ સાથે સત્તામાં હતા પરંતુ યુવાનોની હિજરત રોકી શક્યા નથી અને માથા પર ટોપી શા માટે શણગારવામાં આવે છે. તમે તેનો અર્થ જાણતા જ હશો. રાજકારણીઓ માત્ર ટોપી લગાવતા નથી પહેરાવે છે . રોશન નામના યુઝરે લખ્યું હતું કે, બિહારમાં કેટલી રોજગારી આપવામાં આવી છે, કૃપા કરીને એ પણ જણાવો. દિવાળી અને છઠ પૂજાના પ્રસંગે ક્યારેય રેલવે સ્ટેશન પર જાઓ અને જુઓ કે તમે બિહારનું શું બનાવી દીધુ છે?
રાશિ નામના એક ટ્વિટર યુઝરે કમેન્ટ કરી કે, ‘મોદીના કપડા પર કરોડો રૂપિયા વધારવામાં આવે છે અને સામાન્ય લોકોને કપડા, રોટી ઔર મકાન પણ નથી મળી રહ્યા.’ મુકેશ નિગમ નામના યુઝરે લખ્યું – બસ આટલું જ કામ કરતા રહો અને તમારી પાર્ટીનું અસ્તિત્વ ધીમે ધીમે ખતમ કરો. સુનીલ નામના યુઝરે કમેન્ટ કરી કે, આ અમારા માટે સંતોષ અને ગર્વની વાત છે કે, આ તસવીરમાં PMએ સફેદ કેપ અને એક પણ ફોટોમાં લીલો ગમછા પહેર્યો નથી. નિરંજન કુમાર નામના યૂઝરે પૂછ્યું- આટલા વર્ષો સુધી તમે પણ તેમની સાથે હતા, પછી તમે તેમનું આ સ્વરૂપ સમજ્યા ન હતા?
આ પણ વાંચો – ગુજરાત વિધાનસભા ચૂંટણીઃ ગુજરાતમાં આમ આદમી પાર્ટીને ધાર્મિક લાગણીથી રાજકીય ‘લાભ’ મળશે!
લલન સિંહના નિવેદન પર રાજકીય ગરમાવો જોવા મળી રહ્યો છે. આ દરમિયાન ભાજપે પ્રહાર કરતા કહ્યું કે, તેમણે પીએમ નરેન્દ્ર મોદી માટે અપમાનજનક શબ્દોનો ઉપયોગ કર્યો છે, જેના માટે તેમણે માફી માંગવી જોઈએ. લલન સિંહે માફી માંગવાની ના પાડી અને કહ્યું કે, હું શા માટે માફી માંગુ? આ સાથે તેમણે કહ્યું કે, મારા નિવેદનને ખોટી રીતે રજૂ કરવામાં આવી રહ્યું છે. મેં અસંસદીય શબ્દોનો ઉપયોગ કર્યો નથી.
