Rahul Gandhi Give Gift to Sonia Gandhi On World Animals Day : કોંગ્રેસ નેતા રાહુલ ગાંધીએ ગોવાથી તેમના પરિવારમાં એક નવો સભ્યનો ઉમેરો કર્યો છે. રાહુલ ગાંધીએ ‘નૂરી’ નામના પાલતુ કૂતરાને તેમના પરિવારના નવા સભ્ય તરીકે ઉમેરવાનો વીડિયો શેર કર્યો છે. આ વિડિયોમાં, રાહુલ ગાંધી તેમની માતા અને કોંગ્રેસ નેતા સોનિયા ગાંધીને ભેટમાં લપેટી બોક્સ ખોલવા વિનંતી કરતા પહેલા કહે છે, “મમ્મી માટે થોડું સરપ્રાઈઝ.” રાહુલ ગાંધીએ ઓગસ્ટમાં ઉત્તર ગોવાના માપુસામાં ડોગ હાઉસમાંથી ત્રણ મહિનાના જેક રસેલ ટેરિયર પપીને દત્તક લીધું હતું.
એરપોર્ટથી ઘરે જતા રાહુલ ગાંધીએ દિલ્હી મેટ્રોમાં મુસાફરી કરી અને મુસાફરો સાથે વાતચીત કરી. આ વીડિયોમાં બતાવવામાં આવ્યું છે કે એક મહિલા તેની બહેનનો પરિચય રાહુલ ગાંધી સાથે કરાવવા માટે વીડિયો કોલ કરી રહી છે. ત્યારબાદ રાહુલ તેની માતા સોનિયાના ઘરે પહોંચે છે અને નૂરી સાથે તેનો પરિચય કરાવે છે. સોનિયા ગાંધી નૂરી તરફ જુએ છે અને કહે છે, “તે ખૂબ જ સુંદર છે.”
આ વીડિયોમાં નૂરી સોનિયા ગાંધી અને તેના પાલતુ ડોગ ‘લાપો’ની સાથે રમતા અને મોબાઈલ કવર અને લોન્ડ્રી બાસ્કેટ ચાવતી જોવા મળે છે. માપુસામાં ડોગ હાઉસ ચલાવતા શરવાની પિત્રે ધ ઈન્ડિયન એક્સપ્રેસને જણાવ્યું કે, “તે (રાહુલ) તેની સાથે એક કુરકુરિયું લઈ ગયા અને બીજાને ત્યારબાદ પાછળથી મોકલવામાં આવશે.”
આ પહેલીવાર નથી જ્યારે રાહુલ ગાંધી પાલતુ કૂતરાને ચર્ચામાં આવ્યા છે. વર્ષ 2017માં પાલતુ ડોગ ‘પીડી’ પરની તેમની ટ્વીટ વાયરલ થઈ, જેના કારણે તેમની અને આસામના મુખ્યમંત્રી હિમંતા બિસ્વા સરમા વચ્ચે વિવાદ થયો.
તમને જણાવી દઈએ કે આ વર્ષે દેશના ત્રણ રાજ્યોમાં વિધાનસભા ચૂંટણી યોજાવા જઈ રહી છે. મધ્યપ્રદેશ, છત્તીસગઢ અને રાજસ્થાનમાં વિધાનસભાની ચૂંટણી યોજાવા જઈ રહી છે. સમગ્ર કોંગ્રેસ પાર્ટી વિધાનસભા ચૂંટણી પ્રચારમાં વ્યસ્ત છે. રાહુલ ગાંધીએ પણ ચૂંટણી પ્રચાર શરૂ કરી દીધો છે. દરમિયાન રાહુલ ગાંધીનો તેમની માતા સાથેનો આ વીડિયો સોશિયલ મીડિયા પર ચર્ચાનો વિષય બન્યો છે.
