Amrit Udyan: રાષ્ટ્રપતિ ભવનના ગાર્ડનમાં નામ સિવાય અન્ય કયા કયા ફેરફાર જોવા મળશે, સામાન્ય લોકોને શું થશે ફાયદો?

Mughal Gardens Renamed Amrit Udyan: રાષ્ટ્રપતિ ભવનના મુઘલ ગાર્ડનનું નામ બદલીને અમૃત ઉદ્યાન રાખવામાં આવ્યું છે. રાષ્ટ્રપતિ દ્રૌપદી મુર્મુ રવિવારે (29 જાન્યુઆરી, 2023) અમૃત ઉદ્યાનનું ઉદ્ઘાટન કરશે. સાથે જ મુગલ ગાર્ડનનું નામ બદલવા ઉપરાંત અમૃત ઉદ્યાનમાં અનેક ફેરફારો કરવામાં આવ્યા છે. આ વખતે બગીચાઓ (હર્બલ ગાર્ડન, બોંસાઈ ગાર્ડન, સેન્ટ્રલ લૉન, લોંગ ગાર્ડન અને સર્ક્યુલર ગાર્ડન) લગભગ બે મહિના સુધી ખુલ્લા રહેશે. આ ગાર્ડન મંગળવારે (31 જાન્યુઆરી, 2023) સામાન્ય લોકો માટે ખુલશે અને 26 માર્ચ, 2023 સુધી ખુલ્લો રહેશે. 28 માર્ચથી, બગીચા નીચેના દિવસોમાં વિશેષ શ્રેણીઓ માટે ખુલ્લા રહેશે-

અમૃત ઉદ્યાન આ દિવસે ખેડૂતો અને દિવ્યાંગો માટે ખુલ્લું રહેશે
આ બગીચો 28 માર્ચે ખેડૂતો માટે ખુલ્લો મુકવામાં આવશે.
દિવ્યાંગ વ્યક્તિઓ માટે બગીચો 29 માર્ચ.
30 માર્ચે સંરક્ષણ દળો, અર્ધલશ્કરી દળો અને પોલીસના જવાનો માટે ખુલ્લું મુકાશે
31મી માર્ચના રોજ આદિવાસી મહિલા સ્વસહાય જૂથ સહિતની મહિલાઓ માટે

વોક-ઇન મુલાકાતીઓને પણ ગાર્ડનમાં પ્રવેશ મળે તેવી શક્યતા છે. જો કે, તેઓએ રાષ્ટ્રપતિ ભવનના ગેટ નંબર 12 પાસેની સુવિધા કાઉન્ટર તેમજ સેલ્ફ-સર્વિસ કિઓસ્ક પર પોતાનું રજીસ્ટ્રેશન કરાવવું પડશે. મુલાકાતીઓને સલાહ આપવામાં આવે છે કે, તેઓ ધસારો ટાળવા અને સમય બચાવવા અગાઉથી સ્લોટ ઓનલાઈન બુક કરી લે. બધા મુલાકાતીઓ માટે પ્રવેશ અને બહાર નીકળવાનું ગેટ નંબર 1 થી હશે.

Also Read

Umesh Pa case : અતીક અહમદને ઉમરકેદની સજા, અશરફ સહિત 7 મૂક્ત, ઉમેશ પાલ અપહરણ કેસમાં કોર્ટનો મોટો ચૂકાદો

ભાજપની ગુજરાત અને પૂર્વોત્તર જીતથી વિપક્ષો ડરી ગયા : પીએમ મોદીએ ભાજપના સાંસદોને કહ્યું…

મોદી અટક ધરાવતા લોકો કેટલા? કઈ જાતિના લોકો આ સમુદાય સાથે સંકળાયેલા છે?

કડક સુરક્ષા વચ્ચે આજે અતીક અહમદને કોર્ટમાં રજૂ કરાશે, ઉમેશ પાલ અપહરણ કેસમાં આવશે નિર્ણય

ત્યાં આવતા લોકોને બગીચાની અંદર કોઈપણ બ્રીફકેસ, કેમેરા, રેડિયો/ટ્રાન્ઝિસ્ટર, બોક્સ, છત્રી, ખાદ્યપદાર્થો સાથે ન લાવવા અપીલ કરવામાં આવી છે. તેઓ બાળકો માટે મોબાઈલ ફોન, ઈલેક્ટ્રોનિક ચાવી, પર્સ/હેન્ડબેગ, પાણીની બોટલ અને દૂધની બોટલ લઈ જઈ શકે છે.

મુલાકાતીઓ ખાસ ઉગાડવામાં આવેલી ટ્યૂલિપ્સની 12 અનોખી જાતો પણ જોઈ શકશે જે આ વર્ષના ગાર્ડન ફેસ્ટિવલમાં તબક્કાવાર ખીલવાની અપેક્ષા છે, અન્ય ઘણા આકર્ષણોની સાથે. લોકો મુલાકાત દરમિયાન કોઈ ચોક્કસ ફૂલ, છોડ અથવા વૃક્ષ વિશે વધુ માહિતી મેળવવા બગીચાઓમાં મૂકવામાં આવેલા QR કોડને સ્કેન કરી શકશે.

આ પણ વાંચો – Air Force Plane Crash : ગ્વાલિયરથી વિમાને ભરી હતી ઉડાન, એક પાયલટ શહીદ, જાણો 5 મોટી વાતો

રાષ્ટ્રપતિ ભવનના બગીચા ઉપરાંત, લોકો રાષ્ટ્રપતિ ભવન સપ્તાહમાં પાંચ દિવસ (બુધવારથી રવિવાર) અને રાષ્ટ્રપતિ ભવન મ્યુઝિયમની મુલાકાત અઠવાડિયામાં છ દિવસ (મંગળવારથી રવિવાર) તેમજ 20 ઓક્ટોબરે ચેન્જ-ઓફ-ગાર્ડ સમારોહની પણ મુલાકાત લઈ શકે છે.