today Gujarat National world News latest update: ગુજરાતના રાજકારણના સમાચાર હોય કે પછી ક્રાઈમના, વેપાર ઉદ્યોગના હોય કે પછી ધર્મના તમામ પ્રકારના સમાચારથી અવગત કરાવીશું. ગુજરાતના તમામ પ્રકારના તાજા સમાચાર ઉપરાંત દેશ અને વિદેશમાં બનતી મોટી ઘટનાઓ અંગે માહિતીગાર કરાવીશું. રમત-ગમત હોય કે પછી ટેક્નોલોજી, ધર્મભક્તિ કે પછી કરિયરમાં બનતી તમામ ઘટનાઓ વિશે જાણવા માટે વાંચતા રહેતો ગુજરાતી ઇન્ડિયન એક્સપ્રેસની વેબસાઇટ.
દક્ષિણ આફ્રિકામાં રમાય રહેલ મહિલા ટી-20 વર્લ્ડ કપ 2023માં ભારતીય ટીમે આયર્લેન્ડ સામે ડકવર્થ લુઇસ નિયમ પ્રમાણે 5 રને વિજય મેળવ્યો છે. આ જીત સાથે હરમનપ્રીત કૌરની આગેવાનીમાં ભારતની ટીમે સેમિ ફાઇનલમાં પ્રવેશ કર્યો છે. ભારતે પ્રથમ બેટિંગ કરતા 20 ઓવરમાં 6 વિકેટે 155 રન બનાવ્યા હતા. સ્મૃતિ મંધાનાએ 56 બોલમાં 87 રન બનાવ્યા હતા. જવાબમાં આયર્લેન્ડની ટીમ 8.2 ઓવરમાં 2 વિકેટે 54 રન બનાવ્યા હતા. આ પછી વરસાદને કારણે મેચ શરુ થઇ શકી ન હતી.
બીજેપીના રાષ્ટ્રીય અધ્યક્ષ જેપી નડ્ડા ત્રણ દિવસના કર્ણાટક પ્રવાસે છે. ઉડુપી જિલ્લાના બ્યંદૂરમાં એક રેલીને સંબોધિત કરતા જેપી નડ્ડાએ પૂર્વની સિદ્ધારમૈયા સરકાર અને કોંગ્રેસ પર પ્રહાર કર્યો હતો. આ સાથે જેપી નડ્ડાએ પીએમ મોદી અને કેન્દ્ર સરકારની ઘણી પ્રશંસા કરી હતી. તેમણે પૂછ્યું કે દુનિયામાં કયા પ્રધાનમંત્રીએ યુદ્ધ રોકાવીને ભારતીય નાગરિકોનું રેસ્ક્યૂ કર્યું છે. આપણે ગર્વથી કહીએ છીએ કે પીએમ મોદીએ પુતિન અને જેલેંસ્કી સાથે વાત કરી હતી અને 22,500 ભારતીય છાત્ર સુરક્ષિત ભારત પરત ફર્યા હતા.
બિહારની રાજનીતિમાં ફરી એક વખત હલચલ મચી છે. મુખ્યમંત્રી નીતિશ કુમારની પાર્ટી જનતા દળ યૂનાઇટેડ (JDU)ના વરિષ્ઠ નેતા ઉપેન્દ્ર કુશવાહાએ પાર્ટી છોડી દીધી છે. તેમણે નવો પક્ષ બનાવવાની જાહેરાત કરી છે. તેમની નવી પાર્ટીનું નામ રાષ્ટ્રીય લોક જનતા દળ રહેશે. છેલ્લા ઘણા સમયથી ઉપેન્દ્ર કુશવાહા રાજ્યના સીએમ નીતિશ કુમાર અને તેમની પાર્ટીના નેતાઓથી નારાજ ચાલી રહ્યા હતા.
અરવલ્લીમાં એસીબીએ લાંચીયો એએસઆઈ વિનોદ ખાતરાને દારૂના કેસમાં 3 હજારની લાંચ લેતા રંગેહાથ પકડ્યો હતો. અરવલ્લીમાં લાંચિયો પોલીસકર્મી ઝડપાયો
કચ્છની ધરતી ફરીથી ધ્રૂજી હતી. કચ્છમાં 3.2ની તીવ્રાનો ભૂકંપનો આંચકો અનુભવાયો હતો. જોકે ભૂકંપનું કેન્દ્ર બિન્દુ દૂધઈથી 28 કિલોમીટર દૂર નોંધાયું હતું. આ આંચકો સવારે 11.41 વાગ્યાની આસપાસ અનુભવાયો હતો.
વિપક્ષી એકતા અંગે બિહારના સીએમ નીતિશ કુમારના નિવેદન બાદ કોંગ્રેસ તરફથી પણ પ્રતિક્રિયા આવી છે. કોંગ્રેસ મહાસચિવ કેસી વેણુગોપાલે સોમવારે (20 ફેબ્રુઆરી, 2023) એક મોટું નિવેદન આપ્યું છે. વેણુગોપાલે કહ્યું કે કોંગ્રેસ વિપક્ષી એકતા અંગે પણ એટલી જ ચિંતિત છે. રાહુલ ગાંધી અને કોંગ્રેસ અધ્યક્ષ મલ્લિકાર્જુન ખડગેએ અનેક અવસરો પર કહ્યું કે વર્તમાન સ્થિતિમાં કોંગ્રેસ એકલી આ સરકાર સામે લડી શકે તેમ નથી.
બિહારની રાજધાની પટના પાસેના જેઠુલી ગામમાં પાર્કિંગને લઈને થયેલી અથડામણમાં એક વ્યક્તિનું મોત થયું છે અને અન્ય પાંચ ઘાયલ થયા છે. રવિવારે આ વિસ્તારમાં પાર્કિંગના વિવાદને લઈને બે જૂથો વચ્ચે અથડામણ થયા બાદ ગુસ્સે ભરાયેલા ટોળાએ કેટલીક ઈમારતોને આગ ચાંપી દીધી હતી. પોલીસે મુખ્ય આરોપી સહિત અન્ય છની ધરપકડ કરી છે. હાલ સ્થિતિ સામાન્ય છે. ઘાયલોને એનએમસીએચમાં દાખલ કરવામાં આવ્યા હતા અને બાદમાં સારવાર માટે પીએમસીએચમાં રેફર કરવામાં આવ્યા હતા.
મેઘાલયના રમતગમત વિભાગે મુખ્ય પ્રધાન કોનરાડ સંગમાના ગૃહ મતવિસ્તાર દક્ષિણ તુરાના પીએ સંગમા સ્ટેડિયમમાં વડા પ્રધાન નરેન્દ્ર મોદીની ચૂંટણી રેલી યોજવાની ભારતીય જનતા પાર્ટી (બીજેપી)ને મંજૂરી નકારી દીધી છે. વિભાગે સ્થળ પર બાંધકામના કામોને ટાંકીને પરવાનગી નકારી કાઢી છે.
ભાજપે વિકાસ પર નારાજગી વ્યક્ત કરી, આરોપ લગાવ્યો કે સત્તારૂઢ નેશનલ પીપલ્સ પાર્ટી (NPP), તૃણમૂલ કોંગ્રેસ અને અન્ય વિરોધ પક્ષો સાથે મળીને રાજ્યમાં ભાજપની લહેરને રોકવાનો પ્રયાસ કરી રહી છે. વડાપ્રધાન 24 ફેબ્રુઆરીએ શિલોંગ અને તુરામાં ચૂંટણી પ્રચારમાં ભાગ લેવાના છે.
રાજકોટમાં 86 વર્ષીય વૃદ્ધ દ્વારા અડપલાં કરવાની ફરિયાદ થઈ છે. બાળકીએ માતાને જાણ કરતા વૃદ્ધની કરતૂતનો ભાંડો ફૂટયો હતો. ભક્તિનગર પોલીસ સ્ટેશનમાં વૃદ્ધ સામે ફરિયાદ નોંધાઈ છે.
અલ્હાબાદ હાઈકોર્ટે 2021ના લખીમપુર હિંસા કેસમાં વધુ આઠ આરોપીઓને 20 માર્ચ સુધી વચગાળાના જામીન આપ્યા છે. આ સાથે, રાજ્યના કેન્દ્રીય ગૃહમંત્રી અજય મિશ્રા ઉર્ફે ટેનીના પુત્ર આશિષ મિશ્રા સહિત આ કેસના તમામ 13 આરોપીઓ હવે જામીન પર બહાર છે. આશિષ મિશ્રાને જામીન આપવાના સુપ્રીમ કોર્ટના 25 જાન્યુઆરીના આદેશને ધ્યાનમાં રાખીને લખનૌની બેન્ચે મંગળવારે આ આદેશ આપ્યો હતો.
સુરેન્દ્રનગરઃ લગ્નમાં જમણવાર બાદ બોલાચાલી થઈ હતી. બોલાચાલી હિંસક થતાં હુમલો કરવામાં આવ્યો હતો. પરિવારના 2 મહિલા સહિત 7 લોકો ઉપર હુમલો કરવામાં આવ્યો હતો.
ગુજરાતમાં ઉનાળાની શરુઆત થઈ ગઈ હોય એમ લાગી રહ્યું છે. ગરમીનો પારો ઉંચોને ઉંચો જઇ રહ્યો છે. ત્યારે આગામી બે દિવસમાં હિટવેવની પણ આગાહી કરવામાં આવી રહી છે. ફેબ્રુઆરીમાં પહેલીવાર ગરમીના પગલે યલો એલર્ટ આપવામાં આવ્યું છે. આગામી 24 કલાકમાં સૌરાષ્ટ્ર-કચ્છમાં હીટવેવની આગાહી આપવામાં આવી છે. જ્યારે ગરમીનો પારો 40 ડિગ્રી સેલ્સિયસ સુધી પહોંચવાનું અનુમાન છે.
અમદાવાદ મ્યુનિસિપલ કોર્પોરેશનમાં બજેટ સત્ર ચાલી રહ્યું છે. બજેટ સત્રનો આજે સોમવારે બીજો દિવસ છે. આજે 9482 કરોડના જનરલ બજેટ ઉપર ચર્ચા થશે
ઉત્તરાખંડ: સોમવતી અમાવસ્યાના અવસરે હરિદ્વારમાં ભક્તો ગંગા નદીમાં પવિત્ર ડૂબકી લગાવે છે
