કેરળનનો 15 મહિનાનો નિરવાણ સ્પાઈનલ મસ્કુલર એટ્રોફી બીમારી સામે સંઘર્ષ રહ્યો છે. આ બીમારીમાં આપવામાં આવતી દવાની કિંમત 17.5 કરોડ રૂપિયા છે. સારવારની કિંમત વિશે સાંભળીને, પરિવારના હોશ ઉડી ગયા. આવી સ્થિતિમાં, એક અજાણ્યો વ્યક્તિ તેમના જીવનમાં દેવદૂત બનીને આવ્યો, જેણે નિરવાણની સારવાર માટે 11 કરોડ રૂપિયા દાનમાં આપ્યા.
જ્યારે નિરવાણના માતાપિતા સારંગ મેનન અને અદિતિ નાયરને એસએમએ રોગ વિશે જાણ થઈ, ત્યારે તેઓએ ‘મિલાપ’ દ્વારા ક્રાઈડ ભંડોળ મેલવવાનું નક્કી કર્યું. આ દ્વારા, તેમને 19 ફેબ્રુઆરી સુધીમાં રૂ. 5.42 કરોડ મળ્યા હતા. 20 ફેબ્રુઆરીએ, તેમણે ફેસબુક પર એક પોસ્ટ દ્વારા જાહેરાત કરી કે, તેમને 1.4 મિલિયન ડોલર અથવા 11 કરોડનું દાન આપવામાં આવ્યું છે. જો કે, તેઓ તે પણ જાણતા નથી કે આ કોણે દાન કર્યું છે. આ માટે, તેમણે મિલાપ સંસ્થાનો સંપર્ક પણ કર્યો, જેમણે કહ્યું કે, દાન આપનાર તેની ઓળખ આપવા માંગતો નથી.
સારંગ મેનન એન્જિનિયર છે અને કેરળના પલક્કડમાં રહે છે. તેમણે કહ્યું, “અમને ખબર નથી કે આટલી મોટી રકમ કોણે દાન આપી છે.” આ અમારા માટે એક ચમત્કાર જેવું છે. હું દિવસમાં ઓછામાં ઓછા 10 વખત મિલાપની તપાસ કરતો હતો, તે જાણવા માટે કે કોઈના વતી દાન કરવામાં આવ્યું છે કે નહી અને જ્યારે મેં કાલે તપાસ કરી ત્યારે મેં જોયું કે, એક વ્યક્તિએ મોટુ દાન કર્યું છે. જ્યારે મેં તેના વિશે મિલાપને પૂછ્યું, ત્યારે તેમણે કહ્યું કે, એક વ્યક્તિએ આ રકમ દાન કરી છે, પરંતુ તેણે તેની ઓળખ જાહેર કરવાનો ઇનકાર કર્યો છે. ” નિરવાણ માટે અત્યાર સુધીમાં 72,000 લોકોએ દાન કર્યું છે, જેમાં તે અજાણ્યો વ્યક્તિ પણ સામેલ છે.
કરોડરજ્જુની સ્નાયુબદ્ધ એટ્રોફી (એસએમએ) એ એક જેનેટિક બીમારી છે, જેમાં સ્નાયુઓ નબળા પડી જાય છે. મોટર ન્યુરોન્સના ઘટાડાને કારણે, તે સ્નાયુઓને નબળા પાડે છે અને શરીરની વૃદ્ધિની ગતિ ઘટાડે છે. આ રોગ દૈનિક પ્રવૃત્તિ કઠણ બનાવે છે, જેમ કે શ્વાસ લેવો અને ખોરાક ગળવામાં તકલીફ થવી. જો તેની સમયસર સારવાર કરવામાં ન આવે તો, વ્યક્તિનું મૃત્યુ થાય છે.
નિરવાણની બીમારી વિશે 13 જાન્યુઆરીએ ખબર પડી હતી. આ માટે, તેમનો પરિવાર કેરળના આરોગ્ય પ્રધાન વીના જ્યોર્જને પણ મળ્યો. આરોગ્ય પ્રધાને રાજ્ય સરકારની સહાયની ખાતરી આપી હતી. આ રોગમાં વાપરવામાં આવતી દવા ઝોલ્જેન્સમા હાલમાં ભારતમાં ઉપલબ્ધ નથી. તે તબીબી પ્રિસ્ક્રિપ્શન પર યુ.એસ.થી નિકાસ કરવામાં આવે છે. આ વિશ્વની સૌથી મોંઘી દવા છે, જેની કિંમત 2 મિલિયન ડોલર છે.
આ પણ વાંચો – કોરોના વાયરસથી બચવા માટે હરિયાણામાં માતા-પુત્ર ત્રણ વર્ષ સુધી ઘરમાં રહ્યા બંધ
એવું માનવામાં આવે છે કે, આ નાણાં અમેરિકામાં રહેતા એક મૂળ કેરળ રહેવાસી દ્વારા મોકલવામાં આવ્યા છે. આ વ્યક્તિએ ક્રાઉડફાઇન્ડિંગ એજન્સીને કહ્યું, “મને મીડિયા દ્વારા બાળકની માંદગી વિશે ખબર પડી, મને લાગ્યું કે, મારે તેને મદદ કરવી જોઈએ.” હું ખ્યાતિ માટે આ દાન આપી રહ્યો નથી. બાળકના પરિવારને મારું નામ પણ ખબર નથી. બાળકનું જીવન મહત્વપૂર્ણ છે, મારું નામ નથી.”
