Cyclone Ditwah : ચક્રવાત દિત્વાના કારણે 3 રાજ્યોમાં એલર્ટ, ઘણી ફ્લાઇટો રદ

શાળાની દિવાલ તૂટી પડી

ચક્રવાત દિત્વાની અસરે ભારે વરસાદ પડી રહ્યો છે, જેના કારણે તંજાવુરની મિશન મેટ્ટૂ સ્ટ્રીટ સ્થિત બ્લેક હાયર સેકન્ડર શાળાના પરિસરની દિવાસ ધસી ગઇ હતી.

ચક્રવાત દિત્વાના કારણે દરિયામાં કરંટ છે અને ઉંચા મોજા ઉછર રહ્યા છે. પરિસ્થિતિને ધ્યાનમાં રાખી માછીમારોને દરિયામાં માછલી પકડવા ન જવા સૂચના આપી છે. IMD મુજબ ચક્રવાત દિત્વા આગામી 24 કલાક દરમિયાન ઉત્તર તમિલનાડુ પોંડુચેરીના દરિયા કિનારની સમાંતર ઉત્તર તરફ આગળ વધવાની સંભાવના છે. ઉત્તર તરફ આગળ વધતું વાવાઝોડું દિત્વા આજે 30 નવેમ્બરે બપોર બાદ કે સાંજે તમિલનાડુ પોંડુચેરીના દરિયા કિનારે ઓછામાં ઓછા 70 કિમી અને 30 કિમી દૂર પર બંગાળની ખાડીમાં દક્ષિણ પશ્ચિમમાં કેન્દ્રિત છે.

ચક્રવાત દિત્વા તમિલનાડુના દરિયા કિનારથી 50 કિલોમીટર દૂર, બંગાળની ખાડીના દક્ષિણ પશ્ચિમમાં કેન્દ્રિત છે અને સાંજ સુધી નજીક પહોંચી જશે. અલબત્ત, હવાની ગતિ સવારે 90 કિમી પ્રતિ કલાક થી ઘટીને 55 – 65 કિમી પ્રતિ કલાક થવાની સંભાવના છે.

તમિલનાડુના મંત્રી કેકે એસએસઆર રામચંદ્રને ચક્રવાત દિત્વા વિશે કહ્યું કે, તમિલનાડુમાં ભારે વરસાદના કારણે 3 લોકોના મોત થયા છે.

હવે ચક્રવાત દિત્વાના નામની વાત કરીએ તો તેનો અર્થ થાય છે ‘લૈગૂન’. આ નામ યમન દ્વારા ચક્રવાત નામકરણ પ્રણાલી હેઠળ સૂચવવામાં આવ્યું હતું. આ નામ યમનના સોકોત્રા ટાપુ પર સ્થિત ડેટવા લૈગૂન પરથી ઉતરી આવ્યું છે. આ સ્થળ તેની દુર્લભ અને આકર્ષક દરિયાકાંઠાની ઇકોસિસ્ટમ માટે જાણીતું છે.

હવામાન વિભાગે તામિલનાડુના પુડુચેરી અને કરાઇકલ અને કુડ્ડાલોર, નાગપટ્ટિનમ, મયિલદુથુરાઇ, વિલ્લુપુરમ અને ચેંગલપટ્ટુ જિલ્લામાં કેટલાક સ્થળોએ અતિભારે વરસાદની આગાહી કરી છે.

વાવાઝોડા દિત્વાની અસર વધુ તીવ્ર બનતાં પુડુચેરીના દરિયા કિનારે ઊંચા મોજાં ઉછળ્યા હતા, ભારે પવન અને વરસાદ જોવા મળ્યો હતો. હવામાન વિભાગના જણાવ્યા અનુસાર વાવાઝોડું આજે દરિયાકાંઠે ત્રાટકશે.

હવામાન વિભાગે જણાવ્યું હતું કે શ્રીલંકામાં તબાહી મચાવનાર ચક્રવાત દિત્વાહ છેલ્લા છ કલાકમાં 5 કિમી પ્રતિ કલાકની ઝડપે ઉત્તર તરફ આગળ વધ્યું છે અને રવિવાર સવાર સુધીમાં ઉત્તર તમિલનાડુ, પુડુચેરી અને દક્ષિણ આંધ્રપ્રદેશના દરિયાકાંઠે પહોંચશે.

ચેન્નાઈ અને નજીકના દરિયાકાંઠાના શહેરોએ સાવચેતીના પગલા વધારી દીધા છે. ચેન્નાઈ એરપોર્ટે શનિવારે 54 ફ્લાઇટ્સ રદ કરી હતી અને રવિવારે 47 ફ્લાઇટ્સ રદ કરવાની જાહેરાત કરી હતી.

હવામાન વિભાગે 30 નવેમ્બરના રોજ સવારે 2.55 વાગ્યે ચક્રવાત દિતવાહ અંગે અપડેટ આપ્યું છે. હવામાન વિભાગે જણાવ્યું હતું કે વાવાઝોડું છેલ્લા 6 કલાક દરમિયાન 5 કિમી પ્રતિ કલાકની ઝડપે ઉત્તર તરફ આગળ વધ્યું હતું અને શનિવાર, 29 નવેમ્બરના રોજ રાત્રે 11.30 વાગ્યા સુધી દક્ષિણ-પશ્ચિમ બંગાળની ખાડીની નજીક કેન્દ્રિત હતું.

દિત્વા ચકવાત શ્રીલંકામાં તબાહી મચાવ્યા બાદ હવે ભારત તરફ આવી રહ્યું છે. ચક્રવાત તામિલનાડુ, પુડુચેરી અને દક્ષિણ આંધ્રપ્રદેશના દરિયાકાંઠા તરફ આવી રહ્યું છે. ભારતીય હવામાન વિભાગ (આઇએમડી) એ માહિતી આપી છે કે વાવાઝોડું આજે દરિયાકાંઠે ત્રાટકશે. સમાચાર એજન્સી રોઇટર્સના જણાવ્યા અનુસાર, આ વાવાઝોડું શનિવારે બપોરે શ્રીલંકા માંથી પસાર થઇ ગયું હતું, જેમાં ઓછામાં ઓછા 153 લોકોના મોત થયા હતા અને 191 લોકો લાપતા હતા.