Which Aircraft Better Than Rafale vs Su57e : ભારતને લડાકુ વિમાન ફાઇટર જેટ ખરીદવા માટે રશિયા અને ફ્રાન્સ બંને તરફથી આકર્ષક ઓફર મળી રહી છે. રશિયાએ Su 57E પર 126 વિમાનનો સોદો વધારવાનો પ્રસ્તાવ મૂક્યો હતો, જે રાફેલને ટક્કર આપી શકે છે. તો બીજી બાજુ, ફ્રાન્સે રાફેલ ની સાથે સાથે તેજસ MK-2 માટે સફ્રાનનું M88-4 એન્જિન ઓફર કર્યું છે. આ પહેલા અમેરિકી રાષ્ટ્રપતિ ડોનાલ્ડ ટ્રમ્પે આ વર્ષની શરૂઆતમાં વડાપ્રધાન નરેન્દ્ર મોદી સાથેની બેઠકમાં ભારતને અમેરિકા પાસેથી એફ-35 લાઈટનિંગ II ફાઇટર જેટ ખરીદવાનો પ્રસ્તાવ મૂક્યો હતો. એફ 35 ફાઇટર જેટને દુનિયાનું સૌથી ખતરનાક લડાકુ વિમાન માનવામાં આવે છે. ચાલો જાણીએ કે દુનિયાના સૌથી શક્તિશાળી ફાઇટર એરક્રાફ્ટ કયા છે અને તેમની વિશેષતા શું છે.
ફ્રાંસનું રાફેલ વિમાન
ફ્રાંસનું રાફેલ વિમાન ભારત પાસે પહેલેથી જ છે અને ટૂંક સમયમાં ઉપલબ્ધ થઈ શકે છે. ફ્રાન્સે રાફેલ એફ-4 સાથે તેજસ એમકે-2 એન્જિનની ઓફર કરી છે. રાફેલ વિમાનની કિંમત લગભગ 1,000 કરોડ રૂપિયા પ્રતિ વિમાન છે. આ 4.5 જનરેશનનું એરક્રાફ્ટ છે જેમાં AESA રડાર, મેટિયોર મિસાઇલ, રેન્જ 3700 કિમી, સ્પીડ મેક 1.8, પેલોડ 9.5 ટન છે. તેની સાથે મળતા, તેજસ Mk-2 એરક્રાફ્ટ માટે સફ્રાનનું M88-4 એન્જિન GE F414 અને MRFA (મલ્ટિ રોલ ફાઇટર એરક્રાફ્ટ) નો વિકલ્પ હોઈ શકે છે.
ઓપરેશન સિંદૂરમાં તે સફળ સાબિત થયું છે. જો કે, ભારત સરળતાથી તેની ટેક્નોલોજી અથવા હથિયારો તેમાં ઉમેરી શકતું નથી. ફ્રાન્સ સોર્સ કોડ શેર કરતું નથી, જેના કારણે આ કરવું મુશ્કેલ બને છે. મોંઘા હોવાની સાથે રાફેલ વિમાનોના અપગ્રેડ પણ મોંઘા છે. તેમની ડિલિવરીમાં વિલંબ થવાની પણ સંભાવના છે.
રશિયાનું સુખોઈ-57ઈ વિમાન ફ્રાંસના રાફેલ કરતા સસ્તું
રશિયાના Su-57E વિમાન – રશિયાના 126 Su-57E ફાઇટર જેટની કિંમત પ્રતિ વિમાન 670 કરોડ રૂપિયા છે અને ફાઇટર જેટ્સ સ્ટીલ્થ કેટેગરીના છે. આ રશિયન ફાઇટર એરક્રાફ્ટ થોડા સસ્તું છે પરંતુ તેની વિશ્વસનીયતા સામે શંકા છે. તે 5મી જનરેશનનું વિમાન છે પરંતુ તેનું એન્જિન હજી પણ અપરિપક્વ છે. Su-57E અમેરિકન એફ -35 જેવું સ્ટીલ્થ ફાઇટર જેટ છે જે દુશ્મનના રડાર સિસ્ટમને છેતરવામાં આપવામાં સક્ષમ છે. રશિયન પાંચમી પેઢીનું આ જેટ સ્પીડ અને ઓપરેશનલ રેન્જમાં અન્ય સમકક્ષ ફાઇટર જેટ પણ છે. આ એરક્રાફ્ટ સોર્સ કોડથી સજ્જ છે અને તેના 70 થી 80% પાર્ટ્સ HAL નાસિકમાં બનાવવામાં આવ્યા છે. આ એરક્રાફ્ટ એસ્ટ્રા અને રુદ્રમ જેવા ભારતીય શસ્ત્રોને એકીકૃત કરવામાં સક્ષમ છે.
આ લડાકુ ઇન્ટરનલ વેપન બે, સુપરમેન્યુવરેબિલિટી, ઓપન આર્કિટેક્ચર છે. Su-57E એરક્રાફ્ટની રેન્જ 3500 કિલોમીટર, સ્પીડ મેક 2 અને 10 ટનનો પેલોડ છે. આ એરક્રાફ્ટ Su-30MKI સાથે સુસંગત છે, પરંતુ એરક્રાફ્ટનું સ્ટીલ્થ રડાર ક્રોસ-સેક્શન (RCS) 0.1-1 MA છે, જે એક મોટી ખામી છે. આ એરક્રાફ્ટનું એન્જિન AL-41F1S ના થ્રસ્ટ 147 kN છે, જે હળવું અને ઓછો પાવર ધરાવે છે.
F-16 ફાઇટર જેટ દુનિયાના સૌથી ખતરનાક લડાકુ વિમાનોમાં સામેલ
ઓપરેશન સિંદૂર દરમિયાન ભારતીય સેનાએ પાકિસ્તાનના ત્રણ લડાકુ વિમાનોને તોડી પાડ્યા હતા. તેમાં અમેરિકન નિર્મિત એફ-16 વિમાન પણ હતું. આવી સ્થિતિમાં, ચાલો જાણીએ અમેરિકાનું એફ -16 ફાઇટર જેટ કેટલું શક્તિશાળી છે, જેને ભારતીય સેનાએ તેની એસ -400 એર ડિફેન્સ સિસ્ટમથી તોડી નાંખ્યુ હતું. એફ -16 ફાઇટર જેટની ગણતરી વિશ્વના સૌથી વિશ્વસનીય અને ખતરનાક લડાકુ વિમાનોમાં થાય છે, જે દુશ્મનના કોઈપણ હુમલાનો જવાબ આપવા સક્ષમ છે. તેની વિશેષતા ફ્લાય વાયર સિસ્ટમ છે. આ ફાઇટર એરક્રાફ્ટ તેની સાથે 6 એર-ટુ-એર મિસાઇલ સાથે ઉડાન ભરી શકે છે. તેની મહત્તમ સ્પીડ મેક 2 એટલે કે લગભગ 2400 કિમી પ્રતિ કલાક છે. દુનિયાના 25થી વધુ દેશો પાસે એફ-16 વિમાન છે. એફ-16ની કિંમત તેના મોડેલ પર નિર્ભર કરે છે. નવા એફ-16ની કિંમત લગભગ 40-70 મિલિયન ડોલર એટલે કે લગભગ 300-500 કરોડ રૂપિયા છે.
એફ-16 ફાઇટર જેટને ફાઇટિંગ ફાલ્કન તરીકે ઓળખવામાં આવે છે. તે સિંગલ એન્જિન, સુપરસોનિક, મલ્ટિરોલ ફાઇટર એરક્રાફ્ટ છે. આ એરક્રાફ્ટ હળવા, ઝડપી અને ટેક્નોલોજીની દ્રષ્ટિએ અદ્યતન છે. આ વિમાનનો ઉપયોગ ખરાબ હવામાનમાં પણ થઈ શકે છે. તેની રડાર સિસ્ટમ 84 કિમી સુધીના 20 લક્ષ્યોને ટ્રેક કરી શકે છે. એફ-16 વિમાનને 4.5 જનરેશનનું સૌથી અદ્યતન ફાઇટર જેટ માનવામાં આવે છે. તેની હથિયારોની ક્ષમતા 7700 કિલોગ્રામ છે જે રાફેલ કરતા ઓછી છે.
ચીનનું J-10 વિમાન ભારત અને પાકિસ્તાન વચ્ચે કાશ્મીરમાં એર વોર દરમિયાન, પાકિસ્તાને દાવો કર્યો હતો કે તેણે ચીન નિર્મિત જે-10 સી લડાકુ વિમાનોનો ઉપયોગ કરીને ફ્રેન્ચ રાફેલ જેટ સહિત ભારતીય વાયુસેનાના ઘણા વિમાનોને તોડી પાડ્યા હતા. જો કે, ભારતે આ દાવાઓને નકારી કાઢ્યા હતા અને તેને અફવા અને ખોટી માહિતી ગણાવી હતી. જે -10 ચીનની એવીઆઈસી ચેંગડુ એરક્રાફ્ટ કંપની લિમિટેડ દ્વારા વિકસાવવામાં આવ્યું છે. તે સિંગલ એન્જિન, મલ્ટિરોલ ફાઇટર જેટ છે. ચીનનું જે-10 સી તેના પોતાના એઇએસએ રડાર સાથે આવે છે. તે પીએલ -15 મિસાઇલ પર ચાલે છે અને ફક્ત ચીનના ભાગો અને જાળવણી નેટવર્ક પર ચાલે છે.
