Gujarati News 25 August 2024 Highlights : દિલ્હી વિધાનસભા ચૂંટણી પહેલા કેજરીવાલને મોટો ઝટકો, આપના 5 કાઉન્સિલર ભાજપમાં જોડાયા

વડા પ્રધાન નરેન્દ્ર મોદી જમ્મુ કાશ્મીર વિધાનસભાની ચૂંટણી પહેલા યોજાયેલી ભાજપની કેન્દ્રીય ચૂંટણી સમિતિની બેઠકમાં હાજરી આપ્યા બાદ પાર્ટીના મુખ્યાલયમાંથી રવાના થયા હતા.

વડાપ્રધાન નરેન્દ્ર મોદીની અધ્યક્ષતામાં કેન્દ્રીય કેબિનેટે દેશભરમાં પેન્શન યોજના શરૂ કર્યાના એક દિવસ બાદ મુખ્યમંત્રી એકનાથ શિંદેના નેતૃત્વમાં મહારાષ્ટ્ર સરકાર રાજ્યના કર્મચારીઓ માટે યુનિફાઇડ પેન્શન સ્કીમ લાગુ કરનારું પ્રથમ રાજ્ય બન્યું છે. રવિવારે એકનાથ શિંદેની અધ્યક્ષતામાં મહારાષ્ટ્ર કેબિનેટની બેઠક બાદ આ નિર્ણય લેવામાં આવ્યો છે. રાજ્ય મંત્રીમંડળે યુપીએસને લીલી ઝંડી આપી હતી. માર્ચ 2024થી મહારાષ્ટ્રમાં સરકારી કર્મચારીઓ માટે તેનો અમલ કરવામાં આવશે.

મથુરા, ઉત્તર પ્રદેશ: શ્રી કૃષ્ણ જન્માષ્ટમી પહેલા શ્રી કૃષ્ણ જન્મભૂમિ મંદિરમાં ભક્તોની ભીડ જોવા મળી હતી.

છેલ્લા લગભગ 5 મહિનાથી જેલમાં બંધ અરવિંદ કેજરીવાલની ગેરહાજરીમાં સત્તાધારી આમ આદમી પાર્ટી (આપ)ને મુશ્કેલીઓનો સામનો કરવો પડી રહ્યો છે. આમ આદમી પાર્ટીને 5 કાઉન્સિલરોએ ભાજપમાં જોડાયા છે. આપના પાંચ કાઉન્સિલરો આજે દિલ્હી ભાજપ પ્રમુખ વિરેન્દ્ર સચદેવા અને લોકસભાના સાંસદ રામવીરસિંહ બિધુડીની હાજરીમાં બીજેપીમાં જોડાયા હતા. આ પાંચ કાઉન્સિલરમાં સુગંધા બિધુડી, રામચંદ્ર, પવન સેહરાવત, મંજુ નિર્મલ અને મમતા પવનનો સમાવેશ થાય છે.

ગુજરાત: ગુજરાતના વલસાડમાં ભારે વરસાદને કારણે ઘણા વિસ્તારોમાં પાણી ભરાઇ ગયા છે. વરસાદી પાણી ભરાતા લોકોનું સ્થળાંતર કરવામાં આવી રહ્યું છે.

કલકત્તા દૂષ્કર્મ કેસમાં સીબીઆઈની ભ્રષ્ટાચાર વિરોધ ટીમ દ્વારા આરજી કર મેડિકલ કોલેજ અને હોસ્પિટલના પૂર્વ આચાર્ય સંદીષ દોષના ઘર તપાસ કરવામાં આવી રહી છે.

ઈઝરાયલ દ્વારા લેબનાન પર એરસ્ટ્રાઇક કરવામાં આવી છે. ગાઝા પટ્ટીમાં ઈઝરાયલ હમાસ વચ્ચેનું યુદ્ધ હવે લેબનાન સુધી પહોંચી ગયું છે. ઈઝરાયલ સેનાએ આજે રવિવાર લેબનાન પર એરસ્ટ્રાઇક કરી છે. તો બીજી બાજુ ઈરાન સમર્થિત હિઝબુલ્લાહ એ પણ ઈઝરાયલ પર મોટી સંખ્યામાં ડ્રોન અને રોકેટ હુમલો કરવાની ઘોષણા કરી છે.