Gujarat Latest News in Gujarati, Gujarat Samachar (ગુજરાત સમાચાર) 27 February 2024 Highlights : આજે તારીખ 27 ફેબ્રુઆરી, 2024 મંગળવાર છે. આજના મહત્વપૂર્ણ સમાચારોની વાત કરીએ તો આજે રાજ્યસભામાં રાજ્યોની 15 બેઠક માટે મતદાન યોજાયું હતું. જેના પરિણામ સામે આવી ગયા છે. રાજ્યસભા ચૂંટણીમાં ઉત્તર પ્રદેશ, હિમાચલ પ્રદેશ અને કર્ણાટકમાં ક્રોસ વોટિંગ થયું છે. કર્ણાટકથી કોંગ્રેસ પાર્ટીના ત્રણ ઉમેદવાર જીતી ગયા છે. તેમના નામ અજય માકન, નાસિર હુસૈન અને જીસી ચંદ્રશેખર છે. આ સિવાય ભાજપના એક ઉમેદવાર પણ જીત્યા છે. જે નારાયણ બંદિગે છે.
ઉત્તર પ્રદેશમાં ભાજપે મોટો ખેલ કરી દીધો છે. રાજ્યસભાની ચૂંટણીમાં ભાજપના બધા જ 8 ઉમેદવારો જીતી ગયા છે. ભાજપના 8 માં ઉમેદવાર સંજય શેઠને સપાના ધારાસભ્યોના ક્રોસ વોટિંગનો ફાયદો થયો છે. રાજ્યસભા ચૂંટણી 2024માં હિમાચલ પ્રદેશની સત્તાધારી પાર્ટી કોંગ્રેસને મોટો ઝટકો લાગ્યો છે. જ્યાં પાર્ટી લાઇનથી હટીને કોંગ્રેસના 6 ધારાસભ્યોએ ભાજપના ઉમેદવાર હર્ષ મહાજનના પક્ષમાં ક્રોસ વોટિંગ કર્યું છે. આ કારણે કોંગ્રેસના રાજ્યસભાના ઉમેદવાર અભિષેક મનુ સિંઘવીનો પરાજય થયો છે.
બીજી તરફ લોકસભા ચૂંટણી માટે દિલ્હીમાં આપે ચાર ઉમેદવારની જાહેરાત કરી હતી. જેમાં સોમનાથ ભારતી નવી દિલ્હીથી લડશે. આજની મહત્વપૂર્ણ ઘટનાઓની પળેપળની અપડેટ…





