Gujarati News 27 February 2024 Highlights : લોકસભા ચૂંટણી : દિલ્હીમાં આપ પાર્ટીએ ચાર ઉમેદવારની જાહેરાત કરી

હિમાચલ પ્રદેશમાં રાજ્યસભાની ચૂંટણી જીતનાર ભાજપના નેતા હર્ષ મહાજને કહ્યું કે આ જીત બીજેપીની છે અને સુખુ સરકારની નિષ્ફળતાની હાર છે.

સીએમ યોગી આદિત્યનાથે રાજ્યસભાની ચૂંટણીમાં જીત મેળવનાર ભાજપના ઉમેદવારોને અભિનંદન આપ્યા છે.

વડાપ્રધાન નરેન્દ્ર મોદીએ તમિલનાડુના મદુરાઈમાં મીનાક્ષી અમ્માન મંદિરમાં પ્રાર્થના કરી.

ઉત્તર પ્રદેશમાં ભાજપે મોટો ખેલ કરી દીધો છે. રાજ્યસભાની ચૂંટણીમાં ભાજપના બધા જ 8 ઉમેદવારો જીતી ગયા છે. ભાજપના 8 માં ઉમેદવાર સંજય શેઠને સપાના ધારાસભ્યોના ક્રોસ વોટિંગનો ફાયદો થયો છે.

રાજ્યસભાની ચૂંટણી હારી જનાર અભિષેક મનુ સિંઘવીએ કહ્યું કે જે 9 ધારાસભ્યોએ પાર્ટી બદલી તેમાંથી ઘણાએ મારું નામ પ્રસ્તાવિત કર્યું હતું. મારા નામાંકન પત્ર પર સિગ્નેચર પર કર્યા હતા.

રાજ્યસભાની ત્રણ રાજ્યોની 15 બેઠકો માટે મંગળવારે ચૂંટણી યોજાઈ હતી. હિમાચલની એક બેઠક માટે મતદાન યોજાયું હતું. હિમાચલમાં મોટો ઉલટફેર થયો છે, જ્યાં 40 ધારાસભ્યો હોવા છતા કોંગ્રેસને માત્ર 34 મત મળ્યા છે. આ કારણે પાર્ટીને હારનો સામનો કરવો પડ્યો હતો અને ભાજપના ઉમેદવારની જીત થઇ હતી.

હિમાચલ પ્રદેશના મુખ્યમંત્રી સીએમ સુખવિંદર સિંહ સુક્ખુંએ કહ્યું કે સીઆરપીએફ અને હરિયાણા પોલીસનો ફાફલો 5-6 ધારાસભ્યોને લઇ ગયા છે.

કર્ણાટકથી કોંગ્રેસ પાર્ટીના ત્રણ ઉમેદવાર જીતી ગયા છે. તેમના નામ અજય માકન, નાસિર હુસૈન અને જીસી ચંદ્રશેખર છે. આ સિવાય ભાજપના એક ઉમેદવાર પણ જીત્યા છે. જે નારાયણ બંદિગે છે.

તામિલનાડુ : વડાપ્રધાન નરેન્દ્ર મોદીએ જર્મન ગાયિકા કૈસેન્ડ્રા માઇ સ્પિટમૈન અને તેમની માતા સાથે મુલાકાત કરી.

રાજ્યસભા ચૂંટણી માટે વોટિંગ પ્રક્રિયા પુરી થઇ ગઇ છે. પાંચ વાગ્યાથી મત ગણતરી શરુ થઇ ગઇ છે. રિપોર્ટ છે કે જીતની ઉજવણી કરવા માટે ઉત્તર પ્રદેશમાં બીજેપી ઓફિસ પર તૈયારીઓ ચાલી રહી છે.

રાજ્યસભા ચૂંટણી માટે વોટિંગ પ્રક્રિયા પુરી થઇ ગઇ છે. પાંચ વાગ્યાથી મત ગણતરી શરુ થઇ ગઇ છે. રિપોર્ટ છે કે જીતની ઉજવણી કરવા માટે ઉત્તર પ્રદેશમાં બીજેપી ઓફિસ પર તૈયારીઓ ચાલી રહી છે.

AAP નેતા અને દિલ્હીના મંત્રી ગોપાલ રાયે આગામી લોકસભા ચૂંટણી માટે આપના ઉમેદવારોના નામની જાહેરાત કરી છે. જેમાં કુલદીપ કુમાર પૂર્વ દિલ્હીથી, સોમનાથ ભારતી નવી દિલ્હીથી, સહીરામ પહેલવાન દક્ષિણ દિલ્હીથી અને મહાબલ મિશ્રા પશ્ચિમ દિલ્હીથી ચૂંટણી લડશે. હરિયાણામાંથી સુશીલ ગુપ્તા કુરુક્ષેત્રથી ચૂંટણી લડશે.

અરવિંદ કેજરીવાલને એન્ફોર્સમેન્ટ ડિરેક્ટોરેટે 8મી વખતી સમન્સ બજાવ્યું છે. દિલ્હીના મુખ્યમંત્રી અને આપ પાર્ટીના પ્રમુખ અરવિંદ કેજરીવાલને ઇડીએ 4 માર્ચના રોજ હાજર થવા નિર્દેશ આપ્યો છે. નોંધનિય છે કે, દિલ્હી લીકર કૌભાંડ કેસમાં તપાસ ચાલી રહી છે અને તે અંતર્ગત ઈડી તેમને વારંવાર સમન્સ મોકલી રહી છે. અલબત્ત અરવિંદ કેજરીવાલ એક પણ વખત ઇડી સમક્ષ હાજર થયા નથી.

લોકસભા ચૂંટણી પહેલા કોંગ્રેસને વધુ એક ફટકો લાગ્યો છે. પાંચ વાર સાંસદ બનેલા કોંગ્રેસ નેતા નારણ રાઠવા ભાજપમાં જોડયા છે.

વડાપ્રધાન નરેન્દ્ર મોદીએ કેરળમાં તિરુવનંતપુરમ ખાતે આવેલા વિક્રમ સારાભાઈ સ્પેસ સેન્ટરની મુલાકાત લીધી હતી. આ દરમિયાન ઈસરોના વડા એસ. સોમનાથે તેમને સ્પેસ સેન્ટર વિશે માહિતી આપી હતી.

મહારાષ્ટ્ર વિધાનસભાની બહાર વિપક્ષ નેતાઓ દ્વારા વિરોધ પ્રદર્શન કરવામાં આવ્યું હતુ. રાજ્યમાં કથળથી કાયદા વ્યવસ્થાને લઇ વિપક્ષે આ વિરોધ પ્રદર્શન કર્યું હતું.

ઉત્તર પ્રદેશના મેરઠમાં મવાના રોડ સ્થિત દુર્ગા એન્ટરપ્રાઇસ નામની ફેક્ટરીમાં બોઈલર ફાટતા બે લોકોના મોત થયા છે અને 2 વ્યક્તિ ઘાયલ છે. આ ફેક્ટર કેમિકલ બનાવતી હતી. ઘટના સ્થળે પોલીસ પહોંચી ગઇ છે અને હાલ તપાસ કાર્યવાહી કરી રહી છે.

ઉત્તર પ્રદેશમાં સપાના સાંસદ શફીક નું નિધન થયું છે. 94 વર્ષના સાંસદ ઘણા સમયથી બીમાર હતા. તેઓ યુપીના સંભલ લોકસભા બેઠકથી સાંસદ હતા. આ વખતે લોકસભા ચૂંટણીના ઉમેદવારોની યાદીમાં પણ તેમનું નામ હતું. તેઓ ચાર વખત ધારાસભ્ય અને 5 વખત સાંસદ તરીકે ચૂંટાઇ આવ્યા છે.

રાજ્યસભામાં ઉત્તર પ્રદેશની 10 બેઠક માટે મતદાન થઇ રહ્યું છે. આ દરમિયાન સપાના મુખ્ય સચેતક મનોજ પાંડે રાજીનામું આપ્યું છે.

રાજ્યસભામાં 15 બેઠક માટે મતદાન ચાલુ રહ્યું છે, જેમાં યુપીને 10 બેઠક સામેલ છે. સમાજવાદી પાર્ટીના વડા અખિલેશ યાદવે રાજ્યસભા ચૂંટણી માટે મતદાન કર્યું છે.

આંધ્રપ્રદેશના વિશાખાપટ્ટનમના ગજુવાકા ખાતે એક કોચિંગ સેન્ટરમાં ભયંકર આગ લાગી છે. ફાયર બ્રિગડની ગાડીએ ઘટનાસ્થળે આગ ઓલવવાની કામગીરી કરી રહી છે.

ભારતીય શેરબજાર મંગળવારે નેગેટિવ ટ્રેન્ડ સાથે ખુલ્યા હતા. સેન્સેક્સ 90 પોઇન્ટથી વધુ ઘટાડે ખૂલ્યો હતો. આ બધા વચ્ચે આશ્ચર્યજનક રીતે પેટીએમ કંપનીનો શેર ખુલતાની સાથે જ 5 ટકા ઉછળ્યો હતો. સવારે પેટીએમ એટલે કે વન97 કોમ્યુનિકેશન્સનો શેર 5 ટકા ઉછળીને 440.30 રૂપિયા થયો હતો. તેની અગાઉના દિવસે આ શેરનો બંધ ભાવ 428 રૂપિયા હતો.

રાજ્યસભામાં આજે ઉત્તર પ્રદેશ, હિમાચલ પ્રદેશ અને કર્ણાટકની કુલ 15 બેઠક માટે મતદાન થવાનું છે. સવારે 9 વાગ્યાથી સાંજના 4 વાગ્યા સુધી મતદાન ચાલુ રહેશે, જ્યારે મોડી રાત સુધી ચૂંટણીના પરિણામો આવવાની શક્યતા છે. ઉત્તર પ્રદેશ અને કર્ણાટકમાં ક્રોસ વોટિંગનો ડર છે. ક્રોસ વોટિંગની આશંકાને લઇ ભાજપ અને સમાજવાદી પાર્ટી યુપીમાં કોઇ ભૂલ કરવા ઇચ્છતી નથી. હિમાચલમાં કોંગ્રેસના ઉમેદવારની જીત લગભગ નક્કી માનવામાં આવી રહી છે. તમને જણાવી દઈએ કે, 15 રાજ્યોમાં રાજ્યસભા ની 56 બેઠકો ખાલી છે.