Apple એ આજે 19 સપ્ટેમ્બરના રોજ તેના iPhone 17 સિરીઝનું વેચાણ શરૂ કર્યું છે. હંમેશાની જેમ નવા iPhones માટેનો ક્રેઝ સ્પષ્ટ દેખાઈ રહ્યો છે. Apple Store પર ભારે ભીડને કારણે મુંબઈના Jio BKC સેન્ટરમાં અરાજકતા ફેલાઈ ગઈ. પરિસ્થિતિ એટલી વણસી ગઈ કે ઝપાઝપી થઈ ગઈ, જેના કારણે સુરક્ષા કર્મચારીઓને દરમિયાનગીરી કરવાની ફરજ પડી. આજે સવારે સ્ટોર ખુલતા પહેલા સ્ટોરની બહાર લાંબી લાઇનો જોવા મળી હતી. ગઈ રાતથી જ લોકો iPhone 17 ખરીદવા માટે લાઇનોમાં ઉભા હતા.
શુક્રવારે Apple Store ખુલતાની સાથે જ અંદર મોટી ભીડ એકઠી થઈ ગઈ. ભીડએ અંદર અરાજકતા મચાવી દીધી, જેના કારણે ઘણા લોકો એકબીજા સાથે લડવા લાગ્યા. આ ઘટનાનો એક વીડિયો પણ સામે આવ્યો છે. અહેવાલો અનુસાર, Apple Store ની અંદરની પરિસ્થિતિ એટલી હદે બગડી ગઈ કે પોલીસ અને સુરક્ષા કર્મચારીઓએ દરમિયાનગીરી કરીને ભીડને શાંત કરવા માટે બળનો ઉપયોગ કરવો પડ્યો. માત્ર મુંબઈમાં જ નહીં પરંતુ દિલ્હીમાં પણ Apple Store ની બહાર ભારે ભીડ જોવા મળી.
દિલ્હીમાં લાંબી લાઈનો જોવા મળી
દિલ્હીના સાકેતમાં સિલેક્ટ સિટી વોક પર પણ લાંબી લાઈનો જોવા મળી. સાકેતમાં લોકો iPhone 17 ખરીદવા માટે મધ્યરાત્રિથી જ લાઈનોમાં ઉભા રહેવા લાગ્યા. ભીડને ધ્યાનમાં રાખીને સુરક્ષા વ્યવસ્થા પણ કરવામાં આવી છે.
આ પણ વાંચો: ભારતમાં આવતીકાલથી iPhone 17 સિરીઝનો સેલ શરૂ થશે, જાણો સંપૂર્ણ કિંમતની યાદી, EMI અને ઓફર્સ
- આઈફોનના દરેક વેરિયેન્ટની કિંમત
- આઈફોન 17 256GB – ₹.82,900
- આઈફોન 17 512GB – ₹. 1,02,900
- આઈફોન એયર 256GB – ₹.1,19,900
- આઈફોન એયર 512GB – ₹. 1,39,900
- આઈફોન એયર 1TB – ₹. 1,59,900
- આઈફોન 17 પ્રો 256GB – ₹. 1,34,900
- આઈફોન 17 પ્રો 512GB – ₹. 1,54,900
- આઈફોન 17 પ્રો 1TB – ₹. 1,74,900
- આઈફોન 17 પ્રો મેક્સ 256GB – ₹. 1,49,900
- આઈફોન 17 પ્રો મેક્સ 512GB – ₹.1,69,900
- આઈફોન 17 મેક્સ મેક્સ 1TB – ₹.1,89,900
- આઈફોન 17 પ્રો મેક્સ 2TB – ₹. 2,29,900
iPhone 17 ક્યાંથી ખરીદવો
Appleની સત્તાવાર વેબસાઇટ અને રિટેલ સ્ટોર્સ ઉપરાંત, iPhone 17 શ્રેણી Flipkart, Amazon અને Blinkit જેવા ઈ-કોમર્સ પ્લેટફોર્મ પર પણ ઉપલબ્ધ થશે. રિલાયન્સ ડિજિટલ, ક્રોમા, વિજય સેલ્સ, લોટસ ઇલેક્ટ્રોનિક્સ અને ઇન્ગ્રામ માઇક્રો ઇન્ડિયા જેવા સત્તાવાર રિટેલર્સ પણ તેનું વેચાણ કરશે.
