Gandhinagar Akshardham Diwali Deepotsav 2023 : બીએપીએસ સ્વામિનારાયણ અક્ષરધામ મંદિર ગાંધીનગર ખાતે દિપાવલી નિમિત્તે પરંપરાગત 10,000 દીવડા પ્રગટાવી દિવાળી ઉત્સવની શરૂઆત કરવામાં આવી, બીએસપીએસ (BAPS) સંસ્થા દ્વારા દિવાળી કાર્યક્રમની પણ જાહેરાત કરવામાં આવી.
અક્ષરધામ સંસ્થા દ્વારા જણાવવામાં આવ્યું છે કે, આ વર્ષે પણ દીપાવલીના આ અલૌકિક પર્વે દર્શનાર્થીઓ રવિવાર, તા. 12-11-2023 થી રવિવાર, તા. 19-11-2023 સુધી દરરોજ સાંજે 6.00 થી 7.45 દરમિયાન નયનરમ્ય દીવડાઓ તેમજ ગ્લો ગાર્ડનથી આલોકિત અક્ષરધામ દર્શનનો આસ્વાદ માણી શકશે. સોમવાર, તા. 13-11-2023 ના રોજ પ્રદર્શન ખંડો, વોટર શો સહિત અક્ષરધામના તમામ આકર્ષણો ખુલ્લાં રહેશે.
ઉલ્લેખનીય છે કે, દેશ-વિદેશના તમામ બીએપીએસ સ્વામિનારાયણ મંદિરોમાં દીપોત્સવ પર્વની ઉજવણીનું ધામધૂમપૂર્વક આયોજન કરવામાં આવે છે. આ શૃંખલામાં બીએપીએસ સ્વામિનારાયણ મંદિર - અમદાવાદ ખાતે આ વર્ષે દિવાળી, અન્નકૂટ અને નૂતનવર્ષે અનેકવિધ કાર્યક્રમોનું આયોજન કરવામાં આવ્યું છે. આ સિવાય પારિવારિક, સામાજિક અને આધ્યાત્મિક મૂલ્યોને ઉજાગર કરતું "સનાતન સંસ્કૃતિ દર્શન" નામક સુંદર પ્રદર્શનનું આયોજન પણ કરવામાં આવ્યું છે.
