Happy Krishna Janmashtami 2024 : શ્રી કૃષ્ણ જન્માષ્ટમી પર ભગવાન કૃષ્ણ પર આધારિત આ લોકપ્રિય સિરિયલ જુઓ, આ રહી લિસ્ટ
Happy Krishna Janmashtami 2024 : શ્રી કૃષ્ણ જન્માષ્ટમી (Krishna Janmashtami 2024) ની આજે સોમવારે 26 ઓગસ્ટ 2024 ના રોજ સમગ્ર ભારતમાં ઉજવણી થઇ રહી છે. ટીવી પર આવતું મહાભારત હોય કે એનિમેશનમાં બતાવવામાં આવેલ બાળ ગોપાલ. આ ખાસ અવસર પર, આજે આપણે શ્રી કૃષ્ણ પર આધારિત તે સિરિયલ વિશે જણાવીશું, જે દર્શકોના દિલ જીતી ચુકી છે.
શ્રી કૃષ્ણ જન્માષ્ટમી (Krishna Janmashtami 2024) ની આજે સોમવારે 26ઓગસ્ટ 2024 ના રોજ સમગ્ર ભારતમાં ઉજવણી થઇ રહી છે. આ દિવસે ભગવાન શ્રી કૃષ્ણની જન્મજયંતિ દેશભરમાં ધામધૂમથી ઉજવવામાં આવે છે. સમયાંતરે આપણે શ્રી કૃષ્ણ સાથે નવી-નવી શૈલીમાં રૂબરૂ થઇએ છીએ, પછી તે ટીવી પર આવતું મહાભારત હોય કે એનિમેશનમાં બતાવવામાં આવેલ બાળ ગોપાલ. આ ખાસ અવસર પર, આજે આપણે શ્રી કૃષ્ણ પર આધારિત તે સિરિયલ વિશે જણાવીશું, જે દર્શકોના દિલ જીતી ચુકી છે.
'દ્વારકાધીશ- ભગવાન શ્રી કૃષ્ણ' : 4 જુલાઈ 2011 થી પ્રસારિત કરવામાં આવી હતી. આ સીરિયલમાં ભગવાન કૃષ્ણ દ્વારકાના રાજા બન્યા પછીની સ્ટોરી બતાવવામાં આવી છે. વિશાલ કરવલે આ સીરિયલમાં શ્રી કૃષ્ણની ભૂમિકા ભજવી હતી.
મહાભારત : દૂરદર્શન પર આવતી સીરીયલ મહાભારત બધાએ જોઈ હશે. આજે પણ લોકો બીઆર ચોપરા દ્વારા બનાવેલી આ સિરિયલને ખૂબ જ રસથી જોવાનું પસંદ કરે છે. આ સીરિયલમાં કૌરવો અને પાંડવો વચ્ચેનું મહાભારતનું યુદ્ધ બતાવવામાં આવ્યું હતું. આ સિરિયલનું પ્રસારણ 2 ઓક્ટોબર 1988થી શરૂ થયું હતું, જેમાં કુલ 94 એપિસોડ પ્રસારિત થયા હતા. નીતિશ ભારદ્વાજે આ સિરિયલમાં ભગવાન કૃષ્ણની ભૂમિકા ભજવી હતી, જેના કારણે તેમને ખૂબ જ લોકપ્રિયતા મળી હતી.
'જય શ્રી કૃષ્ણ' : 21 જુલાઈ 2008થી પ્રસારિત થઈ હતી. આ સીરિયલમાં ભગવાન શ્રી કૃષ્ણના બાળપણના મનોરંજન બતાવવામાં આવ્યા હતા, જેમાં તોફાની કૃષ્ણ અને તેમની માતા યશોદાના બાળપણના મનોરંજન બતાવવામાં આવ્યા હતા. આ સિરિયલને દર્શકોએ ખૂબ પસંદ કરી હતી. કુલ 285 એપિસોડ પ્રસારિત કરવામાં આવ્યા હતા. આ સિરિયલમાં શ્રી કૃષ્ણના બાળપણના કારનામાઓને ટીવી પર સુંદર રીતે રજૂ કરવામાં આવ્યા હતા, જેમાં ધૃતિ ભાટિયાએ ભગવાન શ્રી કૃષ્ણનું બાળ પાત્ર ખૂબ જ નિર્દોષતાથી ભજવ્યું હતું.
'રાધા કૃષ્ણ' : આ સીરિયલમાં શ્રી કૃષ્ણ અને રાધાજીની પર ફોકસ કરવામાં આવ્યું હતું. સીરીયલ 1 ઓક્ટોબર 2018 થી પ્રસારિત કરવામાં આવી હતી, જેમાં કુલ 1145 એપિસોડ પ્રસારિત થયા હતા. સુમેધ મુદગલકરે આ સીરિયલમાં ભગવાન શ્રી કૃષ્ણની ભૂમિકા ભજવી હતી.
'શ્રી કૃષ્ણ' : શ્રી કૃષ્ણ પર આધારિત બીજી સદાબહાર સિરિયલ છે રામાનંદ સાગરની 'શ્રી કૃષ્ણ'. તેણે ભાગવત પુરાણ પર આધારિત આ સિરિયલ બનાવી છે. આ શોમાં ભગવાન શ્રી કૃષ્ણની તમામ પ્રવૃત્તિઓને ખૂબ જ વિગતવાર બતાવવામાં આવી હતી. 18 જુલાઈ 1993થી પ્રસારિત થયેલી આ સિરિયલમાં કુલ 221 એપિસોડ બતાવવામાં આવ્યા હતા. આ સિરિયલમાં સર્વદમન ડી બેનર્જીએ શ્રી કૃષ્ણની ભૂમિકા ભજવી હતી. આ સિરિયલમાં સ્વપ્નિલ જોશીએ કિશોર શ્રી કૃષ્ણનું પાત્ર ભજવ્યું હતું.
