OTT This Week : આ અઠવાડિયે ઓટીટી પર રિલીઝ થશે મજાની મુવીઝ અને સિરીઝ, જુઓ લિસ્ટ
OTT This Week : ચાહકો ઘણી વખત ઓટીટી (OTT) રિલીઝને લઈને ઉત્સાહિત હોય છે, કારણ કે દર અઠવાડિયે તેઓ નવી ફિલ્મો અને વેબ સિરીઝની રિલીઝની રાહ જુએ છે. ઓગસ્ટનું ત્રીજું અઠવાડિયું પણ શરૂ થઈ ગયું છે અને ઘણી ફિલ્મો અને વેબ સિરીઝ રિલીઝ થઇ રહી છે જે આ અઠવાડિયે ઓટીટી પર આવશે. આ અઠવાડિયે પણ ચાહકોને ખૂબ જ મનોરંજન મળી શકે છે. અહીં ઓટીટી પર આ વીકમાં રિલીઝ થશે એ ફિલ્મો અને સિરીઝની લિસ્ટ જુઓ, ક્યાં પ્લેટફોર્મ પર ક્યારે થશે રિલીઝ?
ચાહકો ઘણી વખત ઓટીટી (OTT) રિલીઝને લઈને ઉત્સાહિત હોય છે, કારણ કે દર અઠવાડિયે તેઓ નવી ફિલ્મો અને વેબ સિરીઝની રિલીઝની રાહ જુએ છે. ઓગસ્ટનું ત્રીજું અઠવાડિયું પણ શરૂ થઈ ગયું છે અને ઘણી ફિલ્મો અને વેબ સિરીઝ રિલીઝ થઇ રહી છે જે આ અઠવાડિયે OTT પર આવશે. આ અઠવાડિયે પણ ચાહકોને ખૂબ જ મનોરંજન મળી શકે છે. અહીં ઓટીટી પર આ વીકમાં રિલીઝ થશેએ ફિલ્મો અને સિરીઝની લિસ્ટ જુઓ, ક્યાં પ્લેટફોર્મ પર ક્યારે થશે રિલીઝ?
એમિલી ઈન પેરિસ સીઝન 4 : 'એમિલી ઇન પેરિસ' એમિલી કૂપરની આસપાસ સ્ટોરી છે, જે માર્કેટિંગ એક્ઝિક્યુટિવ તરીકેની પોતાની ડ્રીમ જોબ માટે પેરિસમાં રહે છે અને વર્ક, ફ્રેન્ડ્સ અને રોમાંસને સંતુલિત કરે છે. આ સિરીઝમાં લીલી કોલિન્સ, લુકાસ બ્રાવો અને લ્યુસિયન લેવિસકાઉન્ટ છે. તેની ચોથી સિઝન નેટફ્લિક્સ પર 15 ઓગસ્ટે રિલીઝ થશે.
શેખર હોમ : 'શેખર હોમ' સિરીઝ લોકપ્રિય કાલ્પનિક ડિટેક્ટીવ શેરલોક હોમ્સ પર આધારિત છે અને સર આર્થર કોનન ડોયલના સાહિત્યિક કાર્યને પ્રતિબિંબિત કરે છે. આ સિરીઝમાં કે કે મેનન, રસિકા દુગલ, રણવીર શૌરી, કીર્તિ કુલહરી અને દિવ્યેન્દુ ભટ્ટાચાર્ય છે. 'શેખર હોમ' 14 ઓગસ્ટે Jio સિનેમા પર રિલીઝ થશે.
લવ નેક્સ્ટ ડોર : 'લવ નેક્સ્ટ ડોર'માં જંગ હે-ઈન અને જંગ સો-મીન મુખ્ય ભૂમિકામાં છે. સિરીઝ એક મહિલા પર કેન્દ્રિત છે જે તેનું જીવન બદલવા માંગે છે, પરંતુ ધીમે ધીમે તેના બાળપણના મિત્ર સાથે પ્રેમમાં પડે છે. આ સીરિઝ નેટફ્લિક્સ પર 17 ઓગસ્ટે રિલીઝ થશે.
