-
એસએસ રાજામૌલીની ફિલ્મ RRRનું નાટૂ નાટૂ ગીતને ગોલ્ડન ગ્લોબ એવોર્ડથી સન્માનિત કરવામાં આવ્યું છે. આ સાથે આ પ્રકારનો એવોર્ડ જીતનાર પહેલી ભારતીય ફિલ્મ બની ગઇ છે.
-
આપને જણાવી દઇએ કે ફિલ્મ આરઆરઆર પહેલા કેટલીક ભારતીય ફિલ્મને આ એવોર્ડ માટે નોમિનેટ કરવામાં આવી હતી. પરંતુ તે આ એવોર્ડ જીતી શકી ન હતી.
-
વર્ષ 1957માં રિલીઝ થયેલી ફિલ્મ ‘દો આંખે બારહ હાથ’ સૌપ્રથમ ભારતીય ફિલ્મ હતી જે ગોલ્ડન ગ્લોબ માટે નોમિનેટ થઇ હતી. આ ફિલ્મમાં વી.શાંતારામ અને સંધ્યા લીડ રોલમાં હતા. આ ફિલ્મનું ‘માલિક તેરે બંદે હમ’ ગીત ખુબ પોપ્યુલર થયું હતું.
-
વર્ષ 1961માં સત્યજીત રેએ બંગાળીમાં ‘ધ વર્લ્ડ ઓફ અપ્પુ’ નામની ફિલ્મ બનાવી હતી. આ ફિલ્મને ગોલ્ડન ગ્લોબ એવોર્ડ્સમાં પણ નોમિનેશન મળ્યું હતું. જો કે તે એવોર્ડ મેળવી શકી નહોતી.
-
મીરા નાયરની ફિલ્મ ‘સલામ બોમ્બે”ને વર્ષ 1989માં ગોલ્ડન ગ્લોબ એવોર્ડ્સમાં શ્રેષ્ઠ વિદેશી ફીચર ફિલ્મની શ્રેણીમાં નામાંકિત કરવામાં આવી હતી.
-
2002માં મીરા નાયરની બીજી ફિલ્મ ‘મોનસૂન વેડિંગ’ શ્રેષ્ઠ બિન-અંગ્રેજી ભાષાની ફિલ્મ શ્રેણીમાં ગોલ્ડન ગ્લોબ માટે નામાંકિત થઈ હતી. મીરા નાયરની ફિલ્મ પણ એવોર્ડ જીતી શકી નથી.
