Benefits of Soaked Fenugreek Water | ખાલી પેટ મેથી દાણા પાણીમાં પલાળીને પીવો, પેટની સમસ્યાઓમાં મળશે રાહત
મેથીના પાણીનું સેવન કરવાના સ્વાસ્થ્ય લાભો | મેથીના પાણીનું સેવન કરવાના સ્વાસ્થ્ય લાભો | પાચન (Digestion) એ પેટનું મુખ્ય કાર્ય છે. જો પાચન યોગ્ય રીતે ન થાય, તો તે વિવિધ સ્વાસ્થ્ય સમસ્યાઓ તરફ દોરી શકે છે. પરંતુ ચિંતા કરશો નહિ! પલાળેલા મેથીના પાણી તમારું પેટ સાફ કરવામાં મદદ કરશે, અહીં જાણો
Soaked Fenugreek Seeds Benefits for Stomach | પાચન (Digestion) એ પેટનું મુખ્ય કાર્ય છે. જો પાચન યોગ્ય રીતે ન થાય, તો તે વિવિધ સ્વાસ્થ્ય સમસ્યાઓ તરફ દોરી શકે છે. અનહેલ્ધી ફાસ્ટ ફૂડ ખાવાથી પેટમાં કચરો જમા થાય છે. આનાથી ઘણી સ્વાસ્થ્ય સમસ્યાઓ થઈ શકે છે. તેથી, પેટને સાફ રાખવું ખૂબ જ મહત્વપૂર્ણ છે. પરંતુ ચિંતા કરશો નહિ! પલાળેલા મેથીના પાણી તમારું પેટ સાફ કરવામાં મદદ કરશે, અહીં જાણો
પલાળેલી મેથીનું પાણી : આયુર્વેદમાં મેથીને ઔષધીય ગુણોનો ખજાનો માનવામાં આવે છે. રસોડામાં મસાલા તરીકે ઉપયોગમાં લેવાતી મેથી, ખાસ કરીને પલાળેલી મેથીનું પાણી, પેટ સંબંધિત અનેક સમસ્યાઓ માટે રામબાણ ઇલાજ સાબિત થઈ શકે છે સવારે ખાલી પેટે તેનું સેવન કરવાથી શરીરને અઢળક ફાયદા થાય છે. અહીં જાણો પલાળેલી મેથીનું પાણી પેટ માટે કેવી રીતે ફાયદાકારક છે.
પલાળેલી મેથીનું પાણી કેવી રીતે બનાવવું? : મેથીનું પાણી બનાવવું ખૂબ જ સરળ છે. રાત્રે સૂતા પહેલા એક થી બે ચમચી મેથીના દાણાને એક ગ્લાસ શુદ્ધ પાણીમાં પલાળી દો. સવારે ઉઠ્યા બાદ આ પાણીને ગાળી લો અને ખાલી પેટે તેનું સેવન કરો. જો તમે ઈચ્છો તો પલાળેલા મેથીના દાણા પણ ચાવી શકો છો.
પાચન સુધારે : મેથીમાં ભરપૂર પ્રમાણમાં ફાઈબર હોય છે, જે પાચનતંત્રને સુધારવામાં મદદ કરે છે. તે કબજિયાત, ગેસ અને અપચો જેવી પેટની સમસ્યાઓમાં રાહત આપે છે. મેથીમાં રહેલા પાચન ઉત્સેચકો ખોરાકને સરળતાથી પચાવવામાં મદદ કરે છે.
એસિડિટી અને ગેસમાં રાહત: આજના સમયમાં અનિયમિત ખાનપાન અને જીવનશૈલીને કારણે ઘણા લોકોને એસિડિટી અને ગેસની સમસ્યા રહે છે. પલાળેલી મેથીનું પાણી કુદરતી એન્ટાસિડ તરીકે કામ કરે છે અને પેટમાં બળતરા, ગેસ અને એસિડિટીથી છુટકારો અપાવે છે.
કબજિયાત દૂર કરે : મેથીમાં હાજર ફાઈબર મળને નરમ બનાવે છે અને આંતરડાની ગતિને સુધારે છે, જેનાથી કબજિયાતની સમસ્યા દૂર થાય છે. તે આંતરડાને સાફ રાખવામાં મદદ કરે છે. સવારે ખાલી પેટ મેથીનું પાણી પીવાથી શરીરમાં રહેલા ઝેરી તત્વો બહાર નીકળી જાય છે, જેનાથી પેટ અને આંતરડા સ્વચ્છ રહે છે.
પલાળેલી મેથીનું પાણી પીવાના અન્ય ફાયદા : બ્લડ સુગર લેવલને નિયંત્રિત કરે છે (ખાસ કરીને ડાયાબિટીસના દર્દીઓ માટે), કોલેસ્ટ્રોલ ઘટાડવામાં મદદ કરે છે, સાંધાના દુખાવામાં રાહત આપે છે, રોગપ્રતિકારક શક્તિ (ઇમ્યુન સિસ્ટમ) ને મજબૂત બનાવે છે, વાળ અને ત્વચાના સ્વાસ્થ્ય માટે પણ ફાયદાકારક છે.
જો તમને કોઈ ગંભીર બીમારી હોય અથવા તમે કોઈ દવા લઈ રહ્યા હોવ, તો મેથીના પાણીનું સેવન કરતા પહેલા તમારા ડોક્ટરની સલાહ લેવી હિતાવહ છે. ગર્ભવતી મહિલાઓ અને સ્તનપાન કરાવતી માતાઓએ પણ ડોક્ટરની સલાહ વગર તેનું સેવન ન કરવું જોઈએ. વધુ પડતા સેવનથી ઝાડા જેવી સમસ્યા થઈ શકે છે.
