Photos : વિશ્વનું સૌથી મોટું ઘર ગુજરાતમાં, તમે પણ જોવા જઈ શકો છો, જાણો તેની કિંમત, ટિકિટ, સુવિધા સહિત બધુ જ

Lakshmi Vilas Palace The Worlds Largest Residential House : વિશ્વનું સૌથી મોટું ઘર ગુજરાતના વડોદરા શહેરમાં છે, જેનું નામ લક્ષ્મી વિલાસ પેલેસ છે, જે મહારાજા સયાજીરાવ ગાયકવાડે ઈ.સ. 1880 માં બનાવડાવ્યો હતો. તમે પણ આ પેલેસ જોવા જઈ શકો છો. તો જોઈએ મહેલની અંદાજીત કિંમત કેટલી છે? મહેલ જોવાની કેટલી ટિકિટ પ્રાઈસ છે? તે કેટલો મોટો છે? તેમાં કેવી સુવિધાઓ છે વગેરે વગેરે બધુ જ. (ફોટો - ગુજરાત ટુરિઝમ)

લક્ષ્મી વિલાસ પેલેસ કિંમત (અંદાજીત) - અંદાજ મુજબ, હાલમાં લક્ષ્મી વિલાસ પેલેસની કિંમત લગભગ 1,80,000 પાઉન્ડ (20 હજાર કરોડ રૂપિયા) છે. આ સ્થાપત્યની દૃષ્ટિએ ભવ્ય મહેલ હાલમાં HRH સમરજિતસિંહ ગાયકવાડ, તેમની પત્ની રાધિકારાજે ગાયકવાડ અને તેમની બે પુત્રીઓનું ઘર છે. (ફોટો - ગુજરાત ટુરિઝમ)

લક્ષ્મી વિલાસ પેલેસ જોવા માટે કેટલો ખર્ચ થાય - લક્ષ્મી વિલાસ પેલેસ પ્રવાસ : આ મહેલમાં યુરોપિયન ઘરની ઝલક જોવા મળે છે. સૌથી મહત્વની વાત એ છે કે આ મહેલ સામાન્ય લોકો માટે પણ ખુલ્લો છે. હા, તમે 150 રૂપિયાની ટિકિટ ખરીદીને લક્ષ્મી વિલાસ પેલેસની મુલાકાત લઈ શકો છો, જ્યારે મ્યુઝિયમની ટિકિટની કિંમત 60 રૂપિયા છે.

લક્ષ્મી વિલાસ પેલેસ પ્રવાસ કેવી રીતે જવાય? - લક્ષ્મી વિલાસ પેલેસ ગુજરાતના વડોદરા શહેરમાં આવેલો છે, વડોદરા એરપોર્ટ, રેલવે સ્ટેશન અને નેશનલ રોડ સાથે જોડાયેલું શહેર છે. એરપોર્ટથી લક્ષ્મી વિલાસ પેલેસનું અંતર 7 કિલોમીટર છે. એરપોર્ટ પરથી કેબ લઈને તમે સરળતાથી એરપોર્ટ પર પહોંચી શકો છો. તો લક્ષ્મી વિલાસ પેલેસ વડોદરા રેલવે સ્ટેશનથી માત્ર 4 કિલોમીટર દૂર છે.

લક્ષ્મી વિલાસ પેલેસ ઈતિહાસ - મહારાજા સયાજીરાવ ગાયવાડ ત્રીજાને મોટા ઘરની જરૂરિયાત અનુભવાઈ અને તેમણે જરૂરી સુવિધાઓ વિશે તે સમયના જાણીતા આર્કિટેક્ટ મેજર ચાર્લ્સ માન્ટનો સંપર્ક કર્યો. જો કે, જ્યારે મહેલ બાંધવામાં આવી રહ્યો હતો ત્યારે માન્ટનું અવસાન થયું અને આર્કિટેક્ટ રોબર્ટ ફેલોઝ ચિસોલ્મ દ્વારા અધૂરું કામ પૂર્ણ થયું. આ મહેલનું નિર્માણ મહારાજા સયાજીરાવ ગાયકવાડે 1880માં કરાવ્યું હતું. આ ઈમારતમાં ઈન્ડો-સારાસેનિક રિવાઈવલ માસ્ટરપીસ એક સમયે વિશ્વની સૌથી મોટી ખાનગી મિલકત હતી. લક્ષ્મી વિલાસ પેલેસ, બહુ રંગીન આરસપહાણ, ભવ્ય કલાકૃતિઓ અને ફુવારાઓ સાથે, બકિંગહામ પેલેસ કરતા ચાર ગણું કદ ધરાવે છે.

લક્ષ્મી વિલાસ પેલેસમાં શું સુવિધાઓ છે? - 18મી સદીમાં બનેલો આ મહેલ હવે આધુનિક સુવિધાઓથી સજ્જ છે. ત્યાં આંતરિક ટેલિફોન એક્સચેન્જો, એલિવેટર્સ અને અવિરત વીજ પુરવઠો છે. આ મહેલનો બહારનો ભાગ સોનગઢની ખાણોમાંથી લાવવામાં આવેલા સુવર્ણ પથ્થરથી બનેલો છે.

આ મહેલમાં બે ખૂબ જ મોટા આંગણા છે જે વૃક્ષો, છોડ અને ફુવારાઓ સાથે ઠંડકનું વાતાવરણ પ્રદાન કરે છે. ભવ્ય અને વૈભવી આંતરિક, મોંઘા માર્બલ, પથ્થર અને ભવ્ય કલાકૃતિઓથી આ મહેલ અત્યંત સુંદર લાગે છે. (ફોટો - ગુજરાત ટુરિઝમ)

આ પેલેસમાં પ્રખ્યાત કલાકાર રાજા રવિ વર્મા દ્વારા બનાવેલા ઘણા ચિત્રો છે. આ સિવાય આ પેલેસમાં ગોલ્ફ કોર્સ, એલવીપી બેન્ક્વેટ અને મોતી બાગ પેલેસ અને મહારાજા ફતેહ સિંહ મ્યુઝિયમ બિલ્ડિંગ છે. આ ઉપરાંત આ પેલેસમાં મોતી બાગ ક્રિકેટ ગ્રાઉન્ડ, બરોડા ક્રિકેટ એસોસિએશનની ઓફિસ, ઇન્ડોર ટેનિસ અને બેડમિન્ટન કોર્ટ છે. આ મહેલમાં નાનું પ્રાણી સંગ્રહાલય અને મહેલના બાળકો માટે રેલવે ટ્રેક પણ છે.

લક્ષ્મી વિલાસ પેલેસમાં હાલમાં કોણ રહે છે? - વડોદરાના રાજવી પરિવારના સમરજિત સિંહ ગાયકવાડ, તેમની પત્ની રાધિકારાજે ગાયકવાડ અને તેમની બે પુત્રીઓ હજુ પણ આ મહેલમાં રહે છે.

લક્ષ્મી વિલાસ પેલેસ બ્રિટનના બકિંગહામ પેલેસ કરતાં કેટલો મોટો છે? - આ મહેલ 700 એકરમાં ફેલાયેલો છે અને બકિંગહામ પેલેસ કરતાં 4 ગણો મોટો છે. લક્ષ્મી વિલાસ પેલેસમાં કુલ 170 રૂમ છે. (ફોટો - ગુજરાત ટુરિઝમ)