AUS vs IND Live: ભારત વિરુદ્ધ ઓસ્ટ્રેલિયા ટેસ્ટ મેચ બીજી ઇનિંગમાં ભારતનો સ્કોર વિના વિકેટ 172 રન

બીજા દિવસની રમતના અંત સુધીમાં ભારતનો સ્કોર વિના વિકેટ પર 172 રન છે. યશસ્વી જયસ્વાલ 90 રન પર અને કે એલ રાહુલ 62 રન બનાવી રમતમાં છે. ભારત પ્રથમ ટેસ્ટ મેચમાં મજબૂત સ્થિતિમાં છે. ભારતે આ સાથે ઓસ્ટ્રેલિયા પર 218 રનની લીડથી આગળ છે.

ભારતીય ઓપનર યશસ્વી જયસ્વાલ અર્ધી સદી પુરી કરી. જયસ્વાલે 123 બોલમાં 50 રન બનાવ્યા છે. કે એલ રાહુલ (41 રન) સાથે રમતમાં છે. ભારતનો સ્કોર વિના વિકેટ 100 રન છે.

ભારતીય ઓપનર જયસ્વાલ અને કે એલ રાહુલે ધીરજપૂર્વક રમત બતાવતાં ભારત લંચ સુધીમાં વિના વિકેટ 84 રન બનાવ્યા છે. જયસ્વાલ 42 અને કે એલ રાહુલ 34 રન બનાવી રમતમાં છે. બીજા સેશનના અંત સુધીમાં ભારતે ઓસ્ટ્રેલિયા પર 130 રનની લીડ મેળવી છે.

ઓસ્ટ્રેલિયાને 104 રનમાં પ્રથમ ઇનિંગમાં ઓલઆઉટ કર્યા બાદ ટીમ ઇન્ડિયા બીજી ઇનિંગ માટે મેદાનમાં ઉતરી છે. 21 ઓવરમાં ભારતે વિના વિકેટ 75 રન બનાવ્યા છે. જયસ્વાલ 38 રન અને કે એલ રાહુલ 29 રન બનાવી રમતમાં છે.

ઓસ્ટ્રેલિયા પ્રથમ ઇનિંગમાં 51.2 ઓવરમાં 104 રનના સ્કોર પર ઓલ આઉટ. આ સાથે ભારતને મળી 46 રનની લીડ મળી છે. હર્ષિત રાણાના બાઉન્સર પર મારવા જતાં સ્ટાર્ક વિકેટકિપર ઋષભ પંતના હાથમાં કેચ પકડાયો

બૂમ બૂમ બૂમરાહ! ભારતીય બોલર જસપ્રીત બુમરાહ ઓસ્ટ્રેલિયન ખેલાડી માટે ઘાતક બન્યો. બુમરાહે 16 ઓવરમાં 5 મેડન અને 29 રન આપી મહત્વની 5 વિકેટ ઝડપી જ્યારે મોહમ્મદ સિરાજ અને હર્ષિત રાણાએ 2-2 વિકેટ ઝડપી છે. નીતીશ રેડ્ડીને વિકેટ મળી નથી.

39.3 ઓવરના અંતે ઓસ્ટ્રેલિયાનો સ્કોર 9 વિકેટ પર 93 રન છે. સ્ટાર્ક 18 રન પર અને હેઝલવુડ 5 રને રમતમાં છે.

બીજા દિવસે રમત આગળ વધારતાં ઓસ્ટ્રેલિયાએ 70 રનના સ્કોર પર એ કેરી આઉટ થતાં 8મી વિકેટ અને 79 રનના સ્કોર પર લાયન આઉટ થતાં 9મી વિકેટ ગુમાવી હતી.

બોર્ડર ગાવસ્કર ટ્રોફી 2024 અંતર્ગત ભારત અને ઓસ્ટ્રેલિયા વચ્ચે શુક્રવારે 1લી ટેસ્ટ મેચનો પ્રથમ દિવસ ભારે રોમાંચક રહ્યો હતો. ભારત પ્રથમ ઇનિંગમાં 150 રનમાં ઓલ આઉટ થયું હતું અને જવાબમાં ભારતીય બોલર્સે પણ પોતાની શક્તિનો પરચો આપ્યો હતો. દિવસના અંત સુધીમાં ભારતે ઓસ્ટ્રેલિયાની 7 વિકેટ 67 રનમાં પાડી હતી.