IND vs AUS 2st Test Day 1 : પ્રથમ દિવસે ઓસ્ટ્રેલિયાનું પ્રભુત્વ, ભારત 180 રનમાં ઓલઆઉટ

બીજી પિંક ટેસ્ટના પ્રથમ દિવસે ઓસ્ટ્રેલિયાએ ભારત સામે પ્રભુત્વ બનાવી લીધું છે. ભારતના 180 રનના જવાબમાં ઓસ્ટ્રેલિયાએ 33 ઓવરમાં 1 વિકેટે 86 રન બનાવી લીધા છે
ઓસ્ટ્રેલિયા 94 રન પાછળ છે અને તેની 9 વિકેટો બાકી છે . દિવસના અંતે નાથન મેકસ્વીને 38 અને લાબુશેન 20 રને રમતમાં છે. ભારત તરફથી એકમાત્ર વિકેટ બુમરાહે ઝડપી છે.

ઉસ્માન ખ્વાજા 35 બોલમાં 2 ફોર સાથે 13 રન બનાવી બુમરાહની ઓવરમાં કેચ આઉટ થયો. ઓસ્ટ્રેલિયાએ 24 રને પ્રથમ વિકેટ ગુમાવી.

ભારત અને ઓસ્ટ્રેલિયા વચ્ચે પિંક બોલ ટેસ્ટ શ્રેણીની બીજી ટેસ્ટ મેચનો પહેલો દિવસ છે. પહેલા દિવસે ટોસ જીતીને ભારતે બેટિંગ લેવાનો નિર્ણય કર્યો હતો. ભારતી ક્રિકેટરોએ પહેલા દાવમાં 180 રન બનાવ્યા હતા. ભારતી ટીમ 44.1 ઓવરમાં ઓલ આઉટ થઈ હતી. નિતીશ રેડ્ડીના સારા દેખાવના પગલે ભારતી ટીમ 200ની નજીક પહોંચી શકી હતી. જ્યારે યશસ્વી જયસ્વાલ ખાતું ખોલાયા વગર જ પેવેલિયન ભેગો થયો હતો.

ભારત અને ઓસ્ટ્રેલિયા વચ્ચે બીજી ટેસ્ટનો પહેલો દિવસ ચાલું છે. ટી બ્રેક બાદ બીજું સેશનની રમત શરુ થઈ છે. બીજા સેશનમાં ઋષભ પંત અને રોહિત શર્મા ક્રિઝ ઉપર હતા. ભારતનો સ્કોર 23 ઓવરમાં ચાર વિકેટની નુકસાન પર 82 રન હતા. બીજા સેશનની રમત શરુ થતાં જ કેપ્ટન રોહિત શર્માને સ્કોટ બોલેંડે એલબીડબ્લ્યુ કર્યો હતો. રોહિત શર્માએ ત્રણ રન બનાવ્યા હતા. ત્યારબાદ ઋષભ પંતને પણ પેટ કમિંસે પેવેલિયન ભેગો કર્યો હતો. પંત પી રવિચંદ્રન અશ્વિન અને હર્ષિત રાણાને મિચેલ સ્ટાર્કે આઉટ કર્યા હતા. આમ બીજા સેશનની રમતમાં જ રોહિત શર્મા, ઋષભ પંત, આર અશ્વિન અને હર્ષિત રાણાની વિકેટ પડી હતી.

પિંક બોલ ટેસ્ટના પહેલા દિવસે ટી બ્રેક પડ્યો છે. ભારતે 23 ઓવરમાં 4 વિકેટ પર 82 રન બનાવ્યા છે. ઋષભ પંત 4 અને રોહિત શર્મા 1 રન બનાવીને ક્રિઝ ઉપર છે. યશસ્વી જયસ્વાલ મેચના પહેલા જ બોલમાં આઉટ થયો હતો. જ્યારે કેએલ રાહુલે 37 રન, શુભમન ગીલે 31 રન, વિરાટ કોહલી 7 રન બનાવીને આઉટ થયો છે. ઋષભ પંચ 4 અને રોહિત શર્મા 1 રન બનાવી ક્રીઝ પર છે.

કેએલ રાહુલ, વિરાટ કોહલી બાદ હવે શુભમન ગિલ પણ પેવેલીય ભેગો થયો છે. મિચેલ સ્ટાર્કે વિરાટ કોહલી અને કેએલ રાહુલને આઉટ કર્યો હતો. આમ ભારતે 81 રનમાં ચાર વિકેટ ગુમાવી છે.

ભારતની બેટિંગ શરૂ થઈ છે. યશસ્વી જયસ્વાલ અને કેએલ રાહુલ ક્રીઝ પર ઉપર્યા હતા. મિચેલ સ્ટાર્કે ઓસ્ટ્રેલિયા તરફથી પહેલા બોલિંગ કરવા આવ્યા હતા. જયસ્વાલને મેચના પહેલા બોલ પર સ્ટાર્કે આઉટ કર્યો હતો. જયસ્વાલ એલબીડબ્લ્યુ થયો હતો. તેમણે કેએલ રાહુલ સાથે વાત કરીને રિવ્યૂ નહીં લેવાનો નિર્ણય કર્યો હતો.

ભારત ઓસ્ટ્રેલિયા બીજી ટેસ્ટના પહેલા દિવસે વરસાદ અને વાવાઝોડાની સંભાવના છે. જેના પગલે રમતમાં અવરોધ આવી શકે છે. આ બીજા દિવસે પણ યથાવત રહી શકે છે.

ઓસ્ટ્રેલિયાના એડિલેડમાં ભારત અને ઓસ્ટ્રેલિયા વચ્ચે બીજી ટેસ્ટ મેચનો આજે પહેલો દિવસ છે. આ મેચ માટે ટોસ થયો છે. ભારતે ટોસ જીતીને પહેલા બેટિંગ કરવાનો નિર્ણય કર્યો છે. જેના પગલે ઓસ્ટ્રેલિયા હવે બોલિંગ કરશે.

યશસ્વી જયસ્વાલ, કેએલ રાહુલ, શુભમન ગિલ, વિરાટ કોહલી, ઋષભ પંત (વિકેટ કિપર), રોહિત શર્મા (કેપ્ટન), આર અશ્વિન, નીતિશ કુમાર રેડ્ડી, જસપ્રિત બુમરાહ, મોહમ્મદ સિરાજ, હર્ષિત રાણા

નાથન મેકસ્વીની, ઉસ્માન ખ્વાજા, માર્નસ લેબુશેન, સ્ટીવ સ્મિથ, ટ્રેવિસ હેડ, મિચ માર્શ, એલેક્સ કેરી, પેટ કમિન્સ, મિશેલ સ્ટાર્ક, નાથન લિયોન, સ્કોટ બોલેન્ડ

ભારતીય ટીમે જસપ્રીત બુમરાહની કેપ્ટન્સીમાં પ્રથમ ટેસ્ટ મેચ રમી હતી. રોહિત શર્મા બીજી ટેસ્ટ મેચમાં સુકાની તરીકે જોવા મળશે. ભારતીય ટીમ પ્લેઇંગ 11માં 3 ફેરફાર કરી શકે છે. દેવદત્ત પડિકલ અને ધ્રુવ જુરેલની જગ્યાએ રોહિત શર્મા અને શુભમન ગિલને રમવાની ખાતરી છે.

ભારત અને ઓસ્ટ્રેલિયા વચ્ચે 5 મેચની ટેસ્ટ શ્રેણીની બીજી મેચ શુક્રવાર (6 ડિસેમ્બર)થી એડિલેડના એડિલેડ સ્ટેડિયમમાં રમાશે. ભારતીય ટીમે પર્થમાં રમાયેલી પ્રથમ ટેસ્ટ જીતીને 1-0ની લીડ મેળવી હતી.