IND vs ENG 3rd T20 : રાજકોટમાં ટીમ ઇન્ડિયાનો પરાજય, ત્રીજી ટી 20માં જીત સાથે ઇંગ્લેન્ડે શ્રેણી જીવંત રાખી

બેન ડટેકની અડધી સદી (51)પછી બોલરોના શાનદાર પ્રદર્શનની મદદથી ઇંગ્લેન્ડે ભારત સામેની ત્રીજી ટી 20માં 26 રને વિજય મેળવ્યો છે. ઇંગ્લેન્ડે 20 ઓવરમાં 9 વિકેટે 171 રન બનાવ્યા હતા. જવાબમાં ભારત 20 ઓવરમાં 9 વિકેટે 146 રન બનાવી શક્યું હતું. આ જીત સાથે ઇંગ્લેન્ડે પાંચ મેચની શ્રેણી જીવંત રાખી છે. જોકે ભારત હજુ 2-1થી આગળ છે. શ્રેણીની ચોથી ટી 20 મેચ 31 જાન્યુઆરીએ પૂણેમાં રમાશે.

હાર્દિક પંડ્યા 35 બોલમાં 1 ફોર 2 સિક્સર સાથે 40 રન બનાવી ઓવરટનની ઓવરમાં કેચ આઉટ થયો. ભારતે 131 રને સાતમી વિકેટ ગુમાવી.

અક્ષર પટેલ 16 બોલમાં 2 ફોર સાથે 15 રન બનાવી આર્ચરની ઓવરમાં કેચ આઉટ થયો.

વોશિંગ્ટન સુંદર 15 બોલમાં 6 રન બનાવી ઓવરટનની ઓવરમાં કેચ આઉટ થયો. ભારતે 85 રને પાંચમી વિકેટ ગુમાવી.

તિલક વર્મા 14 બોલમાં 1 ફોર 1 સિક્સર સાથે 18 રન બનાવી રાશિદની ઓવરમાં બોલ્ડ થયો.

અભિષેક શર્મા 14 બોલમાં 5 ફોર સાથે 24 રને અને સૂર્યકુમાર યાદવ 7 બોલમાં 1 ફોર 1 સિક્સર સાથે 14 રને આઉટ થયો. ભારતે 28 રને ત્રીજી વિકેટ ગુમાવી.

સંજુ સેમસન 6 બોલમાં 3 રન બનાવી જોફ્રા આર્ચરની ઓવરમાં કેચ આઉટ થયો. ભારતે 16 રને પ્રથમ વિકેટ ગુમાવી.

ભારત તરફથી વરુણ ચક્રવર્તીએ 24 રનમાં 5 વિકેટ ઝડપી હતી. હાર્દિક પંડ્યાને 2 અને રવિ બિશ્નોઇ, અક્ષર પટેલને 1-1 વિકેટ મળી હતી.

ત્રીજી ટી 20માં ઇંગ્લેન્ડે 20 ઓવરમાં 9 વિકેટે 171 રન બનાવી લીધા છે. ભારતને જીતવા માટે 172 રનનો પડકાર મળ્યો છે.

લિવિંગસ્ટોન 24 બોલમાં 1 ફોર 5 સિક્સર સાથે 43 રન બનાવી હાર્દિક પંડ્યાની ઓવરમાં કેચ આઉટ થયો.

હેરી બ્રુક 8, જેમી સ્મિથ 6, જેમી ઓવરટોન 0, બ્રાયડન કાર્સ 3 અને જોફ્રા આર્ચર ખાતું ખોલાયા વિના આઉટ થયો. ઇંગ્લેન્ડે 127 રને આઠમી વિકેટ ગુમાવી. વેંકટેશ ઐયરે 24 રનમાં 5 વિકેટ ઝડપી.

બેન ડકેટ 28 બોલમાં 7 ફોર 2 સિક્સર સાથે 51 રન બનાવી અક્ષર પટેલની ઓવરમાં કેચ આઉટ થયો. ઇંગ્લેન્ડે 87 રને ત્રીજી વિકેટ ગુમાવી.

જોશ બટલર 22 બોલમાં 1 ફોર 1 સિક્સર સાથે 24 રન બનાવી વરુણ ચક્રવર્તીની ઓવરમાં કેચ આઉટ થયો.

ઇંગ્લેન્ડે 5.1 ઓવરમાં 50 રન પુરા કર્યા. ઇંગ્લેન્ડના 6 ઓવરમાં 1 વિકેટે 52 રન.

ફિલિપ સોલ્ટ 7 બોલમાં 1 ફોર સાથે 5 રન બનાવી હાર્દિક પંડ્યાની ઓવરમાં કેચ આઉટ થયો.

બેન ડકેટ, ફિલિપ સોલ્ટ, જોસ બટલર (કેપ્ટન), હેરી બ્રુક, લિયામ લિવિંગસ્ટોન, જેમી સ્મિથ, જેમી ઓવરટન, બ્રાયડન કાર્સ, જોફ્રા આર્ચર, આદિલ રાશીદ, માર્ક વુડ.

ભારત : સંજુ સેમસન, અભિષેક શર્મા, તિલક વર્મા, સૂર્યકુમાર યાદવ (કેપ્ટન), હાર્દિક પંડ્યા, ધ્રુવ જુરેલ, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઇ, મોહમ્મદ શમી.

ઇંગ્લેન્ડ સામેની ત્રીજી ટી 20માં ભારતના કેપ્ટન સૂર્યકુમાર યાદવે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

ભારત અને ઈંગ્લેન્ડ વચ્ચે ત્રીજી ટી 20 મેચ રાજકોટના નિરંજન શાહ સ્ટેડિયમમાં રમાશે. પાંચ મેચની શ્રેણીમાં ભારત 2-0થી આગળ છે. ભારત લીડ મેળવવા માંગશે. જ્યારે ઇંગ્લેન્ડ શ્રેણી સરભર કરવાના ઇરાદા સાથે ઉતરશે. આ મેચ ભારતીય સમય પ્રમાણે સાંજે 7.00 કલાકેથી શરુ થશે.