Ind vs Eng 4th Test : ચોથી ટેસ્ટ, પ્રથમ દિવસે સુદર્શન અને જયસ્વાલ ઝળક્યા

ઇંગ્લેન્ડ સામેની ચોથી ટેસ્ટના પ્રથમ દિવસે ભારતનું પ્રભુત્વ જોવા મળ્યું હતું. સાંઇ સુદર્શન અને યશસ્વી જયસ્વાલની અડધી સદીની મદદથી ભારતે પ્રથમ દિવસના અંતે 83 ઓવરમાં 4 વિકેટે 264 રન બનાવી લીધા છે. દિવસના અંતે રવિન્દ્ર જાડેજા 19 અને શાર્દુલ ઠાકુર 19 રને રમતમાં છે. ઇંગ્લેન્ડ તરફથી બેન સ્ટોક્સે સૌથી વધારે 2 વિકેટ ઝડપી.

સાંઇ સુદર્શન 151 બોલમાં 7 ફોર સાથે 61 રન બનાવી સ્ટોક્સની ઓવરમાં કેચ આઉટ થયો. ભારતે 235 રને ચોથી વિકેટ ગુમાવી.

ઋષભ પંત 48 બોલમાં 2 ફોર અને 1 સિક્સરની મદદથી 37 રન બનાવી રિટાયર્ડ હર્ટ થયો.

સાંઇ સુદર્શને 134 બોલમાં 6 ફોર સાથે અડધી સદી ફટકારી.

ભારતે 64.5 ઓવરમાં 200 રન પુરા કર્યા. સાંઇ સુદર્શન અને ઋષભ પંત રમતમાં છે.

ભારતે 60 ઓવરમાં 3 વિકેટે 182 રન બનાવી લીધા છે. સાંઇ સુદર્શન 39 અને ઋષભ પંત 17 રને રમતમાં છે.

શુભમન ગિલ 23 બોલમાં 1 ફોર સાથે 12 રને સ્ટોક્સની ઓવરમાં એલબી આઉટ થયો. ભારતે 140 રને ત્રીજી વિકેટ ગુમાવી દીધી.

યશસ્વી જયસ્વાલ 107 બોલમાં 10 ફોર અને 1 સિક્સર સાથે 58 રન બનાવી લિયામ ડોસનની ઓવરમાં કેચ આઉટ થયો. ભારતે 120 રને બીજી વિકેટ ગુમાવી.

યશસ્વી જયસ્વાલે 96 બોલમાં 9 ફોર અને 1 સિક્સર સાથે અડધી સદી ફટકારી. ભારતે 33.3 ઓવરમાં 100 રન પુરા કર્યા.

કેએલ રાહુલ 98 બોલમાં 4 ફોર સાથે 46 રન બનાવી વોક્સની ઓવરમાં કેચ આઉટ થયો. ભારતે 94 રને પ્રથમ વિકેટ ગુમાવી.

ભારતે લંચ સમયે 26 ઓવરમાં વિના વિકેટે 78 રન બનાવી લીધા છે. યશસ્વી જયસ્વાલ 36 અને કેએલ રાહુલ 40 રને રમતમાં છે.

ભારતે 20 ઓવરમાં વિના વિકેટે 58 રન બનાવી લીધા છે. યશસ્વી જયસ્વાલ 19 અને કેએલ રાહુલ 37 રને રમતમાં છે. ટીમ ઇન્ડિયાએ 17.4 ઓવરમાં 50 રન પુરા કર્યા.

ભારતે 10 ઓવરમાં વિના વિકેટે 27 રન બનાવી લીધા છે. યશસ્વી જયસ્વાલ 8 અને કેએલ રાહુલ 27 રને રમતમાં છે.

યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), ઋષભ પંત, રવિન્દ્ર જાડેજા, વોશિંગ્ટન સુંદર, શાર્દુલ ઠાકુર, મોહમ્મદ સિરાજ, જસપ્રીત બુમરાહ, અંશુલ કંબોજ.

ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ, જોફ્રા આર્ચર, ક્રિસ વોક્સ, બ્રાયડન કાર્સ, લિયામ ડોસન.

ચોથી ટેસ્ટમાં ઇંગ્લેન્ડના કેપ્ટન બેન સ્ટોક્સે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ ટેસ્ટ મેચ માન્ચેસ્ટરમાં રમાઇ રહી છે.

ભારતીય ટીમમાં ફાસ્ટ બોલર અંશુલ કંબોજનું ટેસ્ટ ડેબ્યૂ થયું છે.

ભારત અને ઈંગ્લેન્ડ વચ્ચે માન્ચેસ્ટરમાં કુલ 9 ટેસ્ટ મેચ રમાઇ છે. જેમાં 5 મેચ ડ્રો થઇ છે અને 4 મેચમાં ભારતનો પરાજય થયો છે. ટીમ ઇન્ડિયા એકપણ મેચ જીતી શક્યું નથી. 1936, 1946, 1971, 1982 અને 1990માં રમાયેલી મેચો ડ્રો થઈ હતી. 1952માં એક ઈનિંગ અને 207 રનથી પરાજય થયો હતો. 1959માં 171 રનથી પરાજય થયો હતો. 1974માં 113 રનથી હાર મળી હતી. 2014માં એક ઈનિંગ અને 54 રનથી પરાજય થયો હતો.

શુભમન ગિલની આગેવાની હેઠળની ટીમમાંથી માત્ર 1 ખેલાડીને જ માન્ચેસ્ટરમાં રમવાનો અનુભવ છે. તે ખેલાડીનું નામ રવિન્દ્ર જાડેજા છે. જસપ્રીત બુમરાહ અને કેએલ રાહુલ જેવા ખેલાડીઓને પણ અહીં રમવાનો અનુભવ નથી.

ભારત અને ઇંગ્લેન્ડ વચ્ચે બુધવારથી ચોથી ટેસ્ટનો પ્રારંભ થશે. આ ટેસ્ટ મેચ માન્ચેસ્ટરમાં રમાશે. માન્ચેસ્ટરમાં ભારતનો રેકોર્ડ ઘણો ખરાબ છે. ભારત 1936માં અહીં પ્રથમ ટેસ્ટ રમ્યું હતું. ભારતીય ટીમ અહીં 89 વર્ષથી જીતની રાહ જોઈ રહી છે. પાંચ મેચની ટેસ્ટ શ્રેણીમાં ઇંગ્લેન્ડ 2-1થી આગળ છે.