IND vs NZ 2nd Test : ન્યૂઝીલેન્ડ સામેની બીજી ટેસ્ટ મેચમાં રવિચંદ્રન અશ્વિને એક રેકોર્ડ બનાવ્યો હતો. તે ટેસ્ટ ક્રિકેટમાં સૌથી વધુ વિકેટ ઝડપનારની યાદીમાં 7માં નંબરે પહોંચી ગયો હતો. રવિચંદ્રન અશ્વિને ઓસ્ટ્રેલિયાના દિગ્ગજ સ્પિનર નાથન લિયોનને પાછળ છોડી દીધો છે. અશ્વિનના નામે હવે ટેસ્ટ ક્રિકેટમાં 531 વિકેટ છે.
ટેસ્ટ ક્રિકેટમાં અત્યાર સુધી માત્ર 9 બોલર જ 500 કે તેથી વધુ વિકેટ ઝડપી શક્યા છે. તેમાંથી બે ભારતીય છે. આ યાદીમાં સૌથી વધુ 3 બોલર ઓસ્ટ્રેલિયા (શેન વોર્ન, ગ્લેન મેકગ્રા અને નાથન લિયોન)ના છે, જ્યારે ઇંગ્લેન્ડના 2 બોલરો (જેમ્સ એન્ડરસન અને સ્ટુઅર્ટ બ્રોડ) છે.
રવિચંદ્રન અશ્વિને પૂણેના મહારાષ્ટ્ર ક્રિકેટ એસોસિએશન સ્ટેડિયમ ખાતે ન્યૂઝીલેન્ડ સામે રમાઈ રહેલી બીજી ટેસ્ટ મેચના પ્રથમ દિવસે ડેવોન કોનવેને લંચ બાદ પેવેલિયનનો રસ્તો બતાવ્યો હતો. આ વિકેટ સાથે જ તેણે નાથન લિયોનને પાછળ છોડી દીધો હતો. ખાસ વાત એ છે કે અશ્વિને 25 ટેસ્ટ ઓછી રમીને નાથન લિયોનને પાછળ છોડી દીધો છે.
આ પણ વાંચો – ઝિમ્બાબ્વેએ ટી 20 ઇન્ટરનેશનલ ક્રિકેટમાં બનાવ્યો સૌથી મોટો સ્કોર, સિકંદર રઝાએ 33 બોલમાં સદી ફટકારી
ટેસ્ટ ક્રિકેટમાં 500 કરતા વધારે વિકેટ ઝડપનાર બોલરો
| ખેલાડી | ટેસ્ટ કારકિર્દી | મેચ | ઇનિંગ્સ | બોલ ફેંક્યા | ઓવરો | મેઇડન | રન આપ્યા | વિકેટ | એક ઇનિંગ્સમાં શ્રેષ્ઠ બોલિંગ | એવરેજ | ઇકોનોમી | સ્ટ્રાઇક રેટ | એક ઈનિંગ્સમાં 4 વિકેટ | એક ઈનિંગ્સમાં 5 વિકેટ |
| મુથૈયા મુરલીધરન (આઈસીસી/શ્રીલંકા) | 1992-2010 | 133 | 230 | 44039 | 7339.5 | 1794 | 18180 | 800 | 9/51 | 22.72 | 2.47 | 55.04 | 45 વખત | 67 વખત |
| શેન વોર્ન (ઓસ્ટ્રેલિયા) | 1992-2007 | 145 | 273 | 40705 | 6784.1 | 1761 | 17995 | 708 | 8/71 | 25.41 | 2.65 | 57.49 | 48 વખત | 37 વખત |
| જેમ્સ એન્ડરસન (ઇંગ્લેન્ડ) | 2003-2024 | 188 | 350 | 40037 | 6672.5 | 1730 | 18627 | 704 | 7/42 | 26.45 | 2.79 | 56.87 | 32 વખત | 32 વખત |
| અનિલ કુંબલે (ભારત) | 1990-2008 | 132 | 236 | 40850 | 6808.2 | 1576 | 18355 | 619 | 10/74 | 29.65 | 2.69 | 65.99 | 31 વખત | 35 વખત |
| સ્ટુઅર્ટ બ્રોડ (ઇંગ્લેન્ડ) | 2007-2023 | 167 | 309 | 33698 | 5616.2 | 1304 | 16719 | 604 | 8/15 | 27.68 | 2.97 | 55.79 | 28 વખત | ૨૦ વખત |
| ગ્લેન મેકગ્રાથ (ઓસ્ટ્રેલિયા) | 1993-2007 | 124 | 243 | 29248 | 4874.4 | 1470 | 12186 | 563 | 8/24 | 21.64 | 2.49 | 51.95 | 28 વખત | 29 વખત |
| રવિચંદ્રન અશ્વિન (ભારત) | 2011-2024 | 104* | 196 | 26742 | 4457 | 899 | 12603 | 531 | 7/59 | 23.75 | 2.82 | 50.40 | 25 વખત | 37 વખત |
| નાથન લિયોન (ઓસ્ટ્રેલિયા) | 2011-2024 | 129 | 242 | 32761 | 5460.1 | 1044 | 16052 | 530 | 8/50 | 30.28 | 2.93 | 61.81 | 24 વખત | 24 વખત |
| કર્ટની વોલ્શ (વેસ્ટ ઈન્ડિઝ) | 1984-2001 | 132 | 242 | 30019 | 5003.1 | 1144 | 12688 | 519 | 7/37 | 24.44 | 2.53 | 57.84 | 32 વખત |
ડેવોન કોનવે અને રચિન રવિન્દ્રએ અડધી સદી ફટકારી
ભારત વિરુદ્ધ ન્યૂઝીલેન્ડની બીજી ટેસ્ટ મેચની વાત કરીએ તો આ સમાચાર લખાયા ત્યાં સુધી 67 ઓવરમાં ન્યૂઝીલેન્ડનો સ્કોર 6 વિકેટે 226 રન હતો. રચિન રવિન્દ્રએ અડધી સદી ફટકારી હતી. તેણે 105 બોલમાં 5 ફોર અને 1 સિક્સર સાથે 65 રન બનાવ્યા હતા. ડેવોન કોનવે 141 બોલમાં 11 ચોગ્ગાની મદદથી 76 રન બનાવી આઉટ થયો હતો. ભારત તરફથી અશ્વિન અને વોશિંગ્ટન સુંદરે 3-3 વિકેટ ઝડપી હતી.
