ભારત 700 ઈન્ટરનેશનલ મેચ હારનારી ત્રીજી ટીમ, જાણો પાકિસ્તાન, ઈંગ્લેન્ડ અને ઓસ્ટ્રેલિયા કેટલી મેચ હાર્યા

Ind vs Eng: રાજકોટના નિરંજન શાહ સ્ટેડિયમમાં 28 જાન્યુઆરી 2025 એ ઈંગ્લેન્ડ એ ભારતને 26 રને હરાવી દીધુ. પાંચ ટી20 મેચની સિરીઝમાં ભારતની આ પ્રથમ હાર હતી. એટલું જ નહીં ભારતીય ટીમ ટી20 ઈન્ટરનેશનલમાં નવેમ્બર 2024 બાદ કોઈ મેચ હાર્યું ન હતું. આ હારના કારણે ટીમ ઈન્ડિયા 700 કે તેથી વધુ આંતરરાષ્ટ્રીય મેચ હારનાર દુનિયાની ત્રીજી ટીમ બની ગઈ છે. ભારત સિવાય ઈંગ્લેન્ડ અને વેસ્ટ ઈન્ડિઝ એ પણ 700 થી વધુ ઈન્ટરનેશનસ મેચ હારી છે.

ભારતે 1932 થી અત્યાર સુધીમાં 1882 આંતરરાષ્ટ્રીય મેચ રમી છે. જેમાંથી તેને 902 મેચમાં જીત મળી છે જ્યારે 700 માં હારનો સામનો કરવો પડ્યો છે. આ દરમિયાન 17 મેચ ટાઈ રહી, 223 મેચ ડ્રો પર છૂટી અને 50 મેચનું કોઈ પરિણામ આવ્યું નહીં. ટી20 ઈન્ટરનેશનલ ફોર્મેટની વાત કરીએ તો ભારતે 2006 થી અત્યાર સુધીમાં 245 મેચ રમી છે. જેમાંથી તેને 162 મેચમાં જીત હાંસલ કરી છે. જ્યારે 71 મેચમાં તે હાર્યું છે. છ મેચ ટાઈ રહી, જ્યારે 6 મેચનું પરિણામ આવ્યું નહીં.

વનડે ઈન્ટરનેશનલમાં ભારતે 1974થી 1058 મેચ રમી છે. જેમાંથી તેને 559 જીતી છે જ્યારે 445 માં હાર મળી છે. આ સિવાય 10 મેચ ટાઈ રહી અને 44 નું પરિણામ આવ્યું નહીં. ટેસ્ટ ફોર્મેટમાં ભારતે 1932 થી અત્યાર સુધીમાં 589 મેચ રમી છે. જેમાંથી તેને 181માં જીત હાંસલ કરી છે. જ્યારે 184 માં હાર્યું છે. એક મેચ ટાઈ રહી અને 223 મેચ ડ્રો થઈ હતી.

આવું છે ભારતનું ઈન્ટરનેશનલ ક્રિકેટમાં પ્રદર્શન

આ છે 100 થી વધુ આંતરરાષ્ટ્રીય મેચ હારનારી ટીમ