India vs Australia 1st Test 2023 Live Match Score: ટીમ ઇન્ડિયાએ 4 ટેસ્ટ શ્રેણીની પ્રથમ મેચમાં ઓસ્ટ્રેલિયા (IND vs AUS) ને ઇનિંગ્સ અને 132 રનથી હરાવ્યું. સિરીઝમાં 1-0ની લીડ મેળવી લીધી. નાગપુરના વિદર્ભ ક્રિકેટ એસોસિએશન સ્ટેડિયમમાં ત્રીજા દિવસના બીજા સત્રમાં ઓસ્ટ્રેલિયન ટીમ 91 રનમાં ઓલઆઉટ થઈ ગઈ હતી. આ પહેલા ટીમ ઈન્ડિયા 400 રનમાં ઓલઆઉટ થઈ ગઈ હતી. ટીમ પાસે 223 રનની લીડ છે. ઓસ્ટ્રેલિયા પ્રથમ દિવસે પ્રથમ દાવમાં 177 રનમાં ઓલઆઉટ થઈ ગયું હતું. ટીમ ઈન્ડિયા માટે રોહિત શર્માએ સદી ફટકારી હતી. આ સાથે જ રવિન્દ્ર જાડેજા અને અક્ષર પટેલે અડધી સદી ફટકારી હતી. ઓસ્ટ્રેલિયા તરફથી ટોડ મર્ફીએ 7 વિકેટ ઝડપી હતી.
ટીમ ઈન્ડિયાએ વર્ષ 2013 બાદ ઓસ્ટ્રેલિયાને એક દાવથી હરાવ્યું છે
નાગપુર ટેસ્ટમાં ઓસ્ટ્રેલિયન ક્રિકેટ ટીમે બીજા દાવમાં સરેન્ડર કર્યું હતું. ટીમ એક પણ સિઝન રમી શકી નથી. રવિચંદ્રન અશ્વિને 5 વિકેટ લીધી હતી, આ ઉપરાંત રવિન્દ્ર જાડેજા અને મોહમ્મદ શમીને 2-2 વિકેટ મળી હતી. અક્ષર પટેલે 1 વિકેટ લીધી હતી. સ્ટીવ સ્મિથે ઓસ્ટ્રેલિયા માટે થોડી લડત આપી. તેણે અણનમ 25 રન બનાવ્યા હતા. ટીમ ઈન્ડિયાએ વર્ષ 2013 બાદ ઓસ્ટ્રેલિયાને એક દાવથી હરાવ્યું છે.
આ પણ વાંચો – કેએલ રાહુલ માટે અંતિમ તક? છેલ્લી 10 ટેસ્ટ ઇનિંગ્સમાં ફક્ત 180 રન જ બનાવ્યા
IND vs AUS: ટીમ ઈન્ડિયાનો એક દાવ અને 132 રને વિજય થયો
ટીમ ઈન્ડિયાએ 4 ટેસ્ટ સીરીઝની પ્રથમ મેચમાં ઓસ્ટ્રેલિયાને એક દાવ અને 132 રને હરાવ્યું હતું. સિરીઝમાં 1-0ની લીડ મેળવી હતી. નાગપુરના વિદર્ભ ક્રિકેટ એસોસિએશન સ્ટેડિયમમાં ત્રીજા દિવસના બીજા સત્રમાં ઓસ્ટ્રેલિયન ટીમ 91 રનમાં ઓલઆઉટ થઈ ગઈ હતી. છેલ્લી વિકેટ સ્કોટ બોલેન્ડ તરીકે પડી. મોહમ્મદ શમીએ વિકેટ લીધી હતી.
રોહિત શર્માની સદી
ભારતે બીજા દિવસની શરૂઆત 1 વિકેટે 77 રનથી કરી હતી. અશ્વિન 23 રન બનાવી આઉટ થયો હતો. ચેતેશ્વર પૂજારા (7), વિરાટ કોહલી (12) અને ડેબ્યૂ કરનાર સૂર્યકુમાર યાદવ (8)સસ્તામાં આઉટ થતા ભારતે 168 રનમાં 5 વિકેટ ગુમાવી દીધી હતી. રોહિત શર્માએ એક છેડો સાચવી રાખતા કારકિર્દીની નવમી ટેસ્ટ સદી ફટકારી હતી. રોહિત શર્મા 15 ફોર અને 2 સિક્સર સાથે 120 રન બનાવી આઉટ થયો હતો. રોહિત ટેસ્ટ, વન-ડે અને ટી-20માં કેપ્ટન તરીકે સદી ફટકારનાર દુનિયાનો પ્રથમ ક્રિકેટર બન્યો છે.
જાડેજા બોલિંગ પછી બેટિંગમાં પણ ઝળક્યો
વિકેટકીપર શ્રીકાર ભરત ખાસ કમાલ કરી શક્યો ન હતો અને 8 રને એલબી થયો હતો. જાડેજાએ બોલિંગ પછી બેટિંગમાં પણ કમાલ કરતા અડધી સદી ફટકારી હતી. અક્ષર પટેલે જાડેજાને સારો સાથ આપ્યો હતો અને તેણે પણ અડધી સદી ફટકારી હતી. જાડેજા અને અક્ષર વચ્ચે 81 રનની અણનમ ભાગીદારી નોંધાઇ છે. જાડેજાએ 9 ફોર સાથે 66 રન અને અક્ષર પટેલે 8 ફોર સાથે 52 રન બનાવ્યા છે
