ભારત વિ ઓસ્ટ્રેલિયા : પાંચમી ટી 20 મેચ રદ, ભારતે 2-1થી શ્રેણી જીતી

પાંચ મેચની ટી 20 શ્રેણીમાં 40.75ની એવરેજ અને 161.38ની સ્ટ્રાઇક રેટથી 163 રન બનાવનાર અભિષેક શર્માને મેન ઓફ ધ સિરીઝ જાહેર કરાયો હતો.

ભારત અને ઓસ્ટ્રેલિયા વચ્ચેની પાંચમી ટી 20 મેચ વરસાદને કારણે મેચ રદ થઇ હતી. આ મેચ રદ થતા ભારતે પાંચ મેચની શ્રેણી 2-1થી જીતી લીધી છે. ભારે વરસાદ અને વીજળીના કારણે રમત અટકી ત્યારે ભારતે 4.5 ઓવરમાં વિના વિકેટે 52 રન બનાવી લીધા હતા. શુભમન ગિલે 16 બોલમાં 6 ફોર સાથે 29 અને અભિષેક શર્માએ 13 બોલમાં 1 ફોર અને 1 સિક્સર સાથે 23 રન બનાવ્યા હતા.

પાંચમી ટી 20 મેચમાં ઓસ્ટ્રેલિયા સામે ભારતે 4.5 ઓવરમાં વિના વિકેટે 52 રન બનાવી લીધા છે. હાલ ખરાબ હવામાનના કારણે મેચ અટકાવી છે. શુભમન ગિલ 29 અને અભિષેક શર્મા 23 રને રમતમાં છે.

અભિષેક શર્મા, શુભમન ગિલ, સૂર્યકુમાર યાદવ (કેપ્ટન), શિવમ દુબે, અક્ષર પટેલ, રિંકુ સિંહ, વોશિંગ્ટન સુંદર, જીતેશ શર્મા, અર્શદીપ સિંહ, વરુણ ચક્રવર્તી, જસપ્રીત બુમરાહ.

મિશેલ માર્શ (કેપ્ટન), મેટ શોર્ટ, જોશ ઇંગ્લિસ, ટિમ ડેવિડ, ગ્લેન મેક્સવેલ, જોશ ફિલિપે, માર્કસ સ્ટોઇનિસ, બેન દ્વારશુઇશ, ઝેવિયર બાર્ટલેટ, નાથન એલિસ, એડમ ઝમ્પા.

ભારત સામેની પાંચમી ટી 20 મેચમાં ઓસ્ટ્રેલિયાના કેપ્ટન મિચેલ માર્શે ટોસ જીતીને ફિલ્ડિંગ કરવાનો નિર્ણય કર્યો છે. હાલ પાંચ મેચની શ્રેણીમાં ભારત 2-1થી આગળ છે