Ind vs Eng 2nd Test Day 4 : બીજી ટેસ્ટ, ભારત જીતથી 7 વિકેટ દૂર, ઇંગ્લેન્ડ હજુ 536 રન પાછળ

શુભમન ગિલની શાનદાર સદી (161)ની મદદથી ભારતે ઇંગ્લેન્ડ સામેની બીજી ટેસ્ટમાં પકડ મજબૂત બનાવી લીધી છે. ભારતે આપેલા 608 રનના પડકાર સામે ઇંગ્લેન્ડે ચોથા દિવસના અંતે 16 ઓવરમાં 3 વિકેટે 72 રન બનાવી લીધા છે. દિવસના અંતે ઓલી પોપ 24 અને હેરી બ્રુક 15 રને રમતમાં છે. ઇંગ્લેન્ડ હજુ 536 રન પાછળ છે અને તેની 7 વિકેટો બાકી છે.

જો રુટ 16 બોલમાં 1 ફોર સાથે 6 રન બનાવી આકાશદીપની ઓવરમાં બોલ્ડ થયો. ઇંગ્લેન્ડે 50 રનમાં ત્રીજી વિકેટ ગુમાવી.

ઝેક ક્રોલી 7 બોલમાં ખાતું ખોલાયા વિના સિરાજની ઓવરમાં અને બેન ડકેટ 15 બોલમાં 5 ફોર સાથે 25 રન આકાશદીપની ઓવરમાં આઉટ થયા. ઇંગ્લેન્ડે 30 રને 2 વિકેટ ગુમાવી દીધી છે.

ભારતે 83 ઓવરમાં 6 વિકેટે 427 રન બનાવી બીજો દાવ ડિકલેર કર્યો છે. લીડ સાથે ભારતના 607 રન થઇ ગયા છે. ઇંગ્લેન્ડને જીતવા માટે 608 રનનો પડકાર આપ્યો છે. જાડેજા 69 રને અને વોશિંગ્ટન સુંદર 12 રને અણનમ રહ્યા હતા.

રવિન્દ્ર જાડેજાએ 94 બોલમાં 3 ફોર અને 1 સિક્સર સાથે અડધી સદી ફટકારી. જાડેજાએ પ્રથમ દાવમાં પણ અડધી સદી ફટકારી હતી.

શુભમન ગિલે 129 બોલમાં 9 ફોર અને 3 સિક્સરની મદદથી સદી ફટકારી. ભારતે ટી લંચ સુધી 68 ઓવરમાં 4 વિકેટે 304 રન બનાવ્યા. શુભમન ગિલ 100 અને જાડેજા 25 રને રમતમાં છે.

ઋષભ પંત 58 બોલમાં 8 ફોર અને 3 સિક્સર સાથે 65 રન બનાવી શોએબ બશીરની ઓવરમાં કેચ આઉટ થયો. ભારતે 236 રને ચોથી વિકેટ ગુમાવી.

શુભમન ગિલે 57 બોલમાં 6 ફોર અને 2 સિક્સર સાથે અડધી સદી ફટકારી. જ્યારે ઋષભ પંતે 48 બોલમાં 6 ફોર અને 2 સિક્સર સાથે અડધી સદી ફટકારી.

ભારતે લંચ સમયે 38 ઓવરમાં 3 વિકેટે 177 રન બનાવી લીધા છે. શુભમન ગિલ 24 અને ઋષભ પંત 41 રને રમતમાં છે. ભારતે લીડ સાથે 357 રન બનાવી લીધા છે.

કેએલ રાહુલે 84 બોલમાં 10 ફોર સાથે 55 રન બનાવી જોશ ટંગની ઓવરમાં બોલ્ડ થયો. ભારતે 126 રને ત્રીજી વિકેટ ગુમાવી.

કેએલ રાહુલે 78 બોલમાં 9 ફોર સાથે અડધી સદી ફટકારી. ભારતે 22.5 ઓવરમાં 100 રન પુરા કર્યા.

કરુણ નાયર 46 બોલમાં 5 ફોર સાથે 26 રન બનાવી બ્રાયડન કાર્સની ઓવરમાં કેચ આઉટ થયો. ભારતે 96 રને બીજી વિકેટ ગુમાવી.

ભારત અને ઇંગ્લેન્ડ વચ્ચે બીજી ટેસ્ટનો આજે ચોથો દિવસ છે. ભારતે ત્રીજા દિવસના અંતે બીજા દાવમાં 13 ઓવરમાં 1 વિકેટે 64 રન બનાવી લીધા છે કેએલ રાહુલ 28 અને કરુણ નાયર 7 રને રમતમાં છે. ભારતને પ્રથમ દાવમાં 180 રનની લીડ મળી હતી. લીડ સાથે ભારતના 244 રન થઇ ગયા છે.