Ind vs SA 1st ODI : વિરાટ કોહલીની સદી, પ્રથમ વન ડે માં ભારતનો વિજય

વિરાટ કોહલીની સદી (135), કેએલ રાહુલ (60) અને રોહિત શર્માની અડધી સદી (57) બાદ કુલદીપ યાદવ (4 વિકેટ) અને હર્ષિત રાણા (3 વિકેટ)ની શાનદાર બોલિંગની મદદથી ભારતે દક્ષિણ આફ્રિકા સામેની પ્રથમ વન ડેમાં 17 રને વિજય મેળવ્યો છે. ભારતે 50 ઓવરમાં 8 વિકેટે 349 રન બનાવ્યા હતા. જવાબમાં દક્ષિણ આફ્રિકા 49.2 ઓવરમાં 332 રનમાં ઓલઆઉટ થઇ ગયું હતું. આ જીત સાથે ભારતે 3 મેચની વન ડે શ્રેણીમાં 1-0થી લીડ મેળવી લીધી છે. શ્રેણીની બીજી વન ડે 3 ડિસેમ્બરે રાયપુરમાં રમાશે.

નાન્દ્રે બર્ગર 23 બોલમાં 2 ફોર સાથે 17 રને અર્શદીપ સિંહનો શિકાર બન્યો. જ્યારે કોર્બીન બોશ 51 બોલમાં 5 ફોર અને 4 સિક્સર સાથે 67 રને પ્રસિદ્ધ ક્રિષ્નાની ઓવરમાં કેચ આઉટ થયો.

કોર્બીન બોશે 40 બોલમાં 5 ફોર અને 2 સિક્સરની મદદથી અડધી સદી ફટકારી. દક્ષિણ આફ્રિકાએ 44 ઓવરમાં 300 રન પુરા કર્યા.

પ્રેનેલન સુબ્રાયન 16 બોલમાં 1 ફોર અને 1 સિક્સર સાથે 17 રને કુલદીપ યાદવનો શિકાર બન્યો. દક્ષિણ આફ્રિકાએ 270 રને આઠમી વિકેટ ગુમાવી.

કુલદીપ યાદવે એક ઓવરમાં બે સેટ બેટ્સમેનને આઉટ કરીને ભારતની સ્થિતિ મજબૂત બનાવી દીધી છે. માર્કો જેન્સન 39 બોલમાં 8 ફોર અને 3 સિક્સર સાથે 70 રને અને મેથ્યુ બ્રેટ્ઝકે 80 બોલમાં 8 ફોર અને 1 સિક્સર સાથે 72 રને કુલદીપ યાદવનો શિકાર બન્યા.

માર્કો જેન્સને 26 બોલમાં 5 ફોર અને 3 સિક્સર સાથે અડધી સદી ફટકારી. દક્ષિણ આફ્રિકાએ 29.3 ઓવરમાં 200 રન પુરા કર્યા.

મેથ્યુ બ્રેટ્ઝકે 55 બોલમાં 7 ફોર અને 1 સિક્સર સાથે અડધી સદી ફટકારી. દક્ષિણ આફ્રિકાએ 24.1 ઓવરમાં 150 રન પુરા કર્યા.

ડેવાલ્ડ બ્રેવિસ 28 બોલમાં 2 ફોર અને 3 સિક્સર સાથે 37 રન બનાવી હર્ષિત રાણાની ઓવરમાં કેચ આઉટ થયો. દક્ષિણ આફ્રિકાએ 130 રને પાંચમી વિકેટ ગુમાવી.

એડન માર્કરામ 15 બોલમાં 1 ફોર સાથે 7 રને અર્શદીપ સિંહની ઓવરમાં કેચ આઉટ થયો. જ્યારે ટોની ડી જોર્ઝી 35 બોલમાં 7 ફોર સાથે 39 રને કુલદીપ યાદવનો શિકાર બન્યો. દક્ષિણ આફ્રિકાએ 77 રને ચોથી વિકેટ ગુમાવી.

રેયાન રિકલ્ટન 1 બોલમાં ખાતું ખોલાયા વિના અને ડી કોક 2 બોલમાં ખાતું ખોલાયા વિના હર્ષિત રાણાનો શિકાર બન્યા. દક્ષિણ આફ્રિકાએ 7 રને 2 વિકેટ ગુમાવી.

દક્ષિણ આફ્રિકા સામેની પ્રથમ વન ડેમાં ભારતે 50 ઓવરમાં 8 વિકેટે 349 રન બનાવી લીધા છે. દક્ષિણ આફ્રિકાને જીતવા માટે 350 રનનો પડકાર મળ્યો છે.

કેએલ રાહુલ 56 બોલમાં 2 ફોર અને 3 સિક્સર સાથે 60 રન બનાવી જાન્સેનની ઓવરમાં કેચ આઉટ થયો. ભારતે 341 રને છઠ્ઠી વિકેટ ગુમાવી.

કેએલ રાહુલે 50 બોલમાં 2 ફોર અને 2 સિક્સર સાથે અડધી સદી ફટકારી. ભારતે 44.5 ઓવરમાં 300 રન પુરા કર્યા.

વિરાટ કોહલી 120 બોલમાં 11 ફોર અને 7 સિક્સર સાથે 135 રન બનાવી બર્ગરની ઓવરમાં કેચ આઉટ થયો. ભારતે 276 રને પાંચમી વિકેટ ગુમાવી.

વિરાટ કોહલીએ 102 બોલમાં 7 ફોર અને 5 સિક્સર સાથે વન ડે કારકિર્દીની 52મી સદી ફટકારી.

વોશિંગ્ટન સુંદર 19 બોલમાં 1 સિક્સર સાથે 13 રન બનાવી બાર્ટમેનનો બીજો શિકાર બન્યો. ભારતે 200 રને ચોથી વિકેટ ગુમાવી. ટીમ ઇન્ડિયાએ 30.2 ઓવરમાં 200 રન પુરા કર્યા હતા.

ઋતુરાજ ગાયકવાડ 14 બોલમાં 8 રન બનાવી બાર્ટમેનની ઓવરમાં કેચ આઉટ થયો. ભારતે 183 રને ત્રીજી વિકેટ ગુમાવી.

રોહિત શર્મા 51 બોલમાં 5 ફોર અને 3 સિક્સર સાથે 57 રન બનાવી જાન્સેનની ઓવરમાં એલબી આઉટ થયો. ભારતે 161 રને બીજી વિકેટ ગુમાવી.

વિરાટ કોહલીએ 48 બોલમાં 4 ફોર અને 3 સિક્સર સાથે અડધી સદી ફટકારી. રોહિત શર્માએ 43 બોલમાં 5 ફોર અને 2 સિક્સર સાથે અડધી સદી ફટકારી.

ભારતે 15 ઓવરમાં 1 વિકેટે 119 રન બનાવી લીધા છે. રોહિત શર્મા 43 અને વિરાટ કોહલી 44 રને રમતમાં છે. ભારતે 13.3 ઓવરમાં 100 રન પુરા કર્યા હતા.

યશસ્વી જયસ્વાલ 16 બોલમાં 2 ફોર અને 1 સિક્સર સાથે 18 રન બનાવી બર્ગરને કેચ આઉટ થયો. ભારતે 25 રને પ્રથમ વિકેટ ગુમાવી.

એડન માર્કરામ, રેયાન રિકલ્ટન, ક્વિન્ટન ડી કોક, મેથ્યુ બ્રેટ્ઝકે, ટોની ડી જોર્ઝી, ડેવાલ્ડ બ્રેવિસ, માર્કો જાન્સેન, કોર્બીન બોશ, પ્રેનેલન સુબ્રાયન, નાન્દ્રે બર્ગર, ઓટ્ટનિલ બાર્ટમેન.

યશસ્વી જયસ્વાલ, રોહિત શર્મા, વિરાટ કોહલી, રુતુરાજ ગાયકવાડ, વોશિંગ્ટન સુંદર, કેએલ રાહુલ, રવિન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ, પ્રસિદ્ધ ક્રિષ્ના.

ભારત સામેની પ્રથમ વન ડેમાં દક્ષિણ આફ્રિકાના કેપ્ટન એડન માર્કરામે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

ભારત અને સાઉથ આફ્રિકા વચ્ચે અત્યાર સુધીમાં કુલ 94 વન ડે રમાઈ છે. જેમાંથી ભારતનો 40 મેચમાં વિજય થયો છે. જ્યારે સાઉથ આફ્રિકાએ 51 મેચ જીતી છે. ટીમ ઈન્ડિયા ભારતમાં યોજાયેલી 32માંથી 18 મેચ જીતી ચૂક્યું છે, જ્યારે પ્રોટીઝ 14 મેચ જીતી છે. બંને ટીમો સાઉથ આફ્રિકામાં 38 વખત ટકરાઈ ચૂકી છે, જેમાંથી 26 મેચ પ્રોટીઝે અને 12 મેચ ભારતે જીતી છે. છેલ્લી 10 વન ડેની વાત કરીએ તો ભારતનો હાથ ઉપર છે અને ટીમ ઈન્ડિયા કુલ 8 વખત જીતી ચૂકી છે.

ભારત અને સાઉથ આફ્રિકા વચ્ચે અત્યાર સુધીમાં કુલ 14 દ્વિપક્ષીય વન ડે શ્રેણી રમાઈ ચૂકી છે. જેમાંથી સાત શ્રેણી ભારતની ભૂમિ પર અને સાત શ્રેણી સાઉથ આફ્રિકામાં રમાઈ છે. બંને ટીમોનું પોતપોતાના ઘરઆંગણે પલડું ભારે રહ્યું છે. ભારતમાં રમાયેલી 7 શ્રેણીમાંથી ભારતીય ટીમ 5 અને પ્રોટીઝ માત્ર એક જ શ્રેણી જીતી શકી છે. જ્યારે પ્રોટીઝે સાઉથ આફ્રિકામાં સાતમાંથી પાંચ શ્રેણી જીતી છે, જ્યારે ભારતીય ટીમે બે શ્રેણી જીતવા સફળ રહ્યું છે.

ભારત અને સાઉથ આફ્રિકા વચ્ચેની ટેસ્ટ શ્રેણી બાદ હવે વન ડે શ્રેણી રમાશે. પ્રથમ વન ડે રાંચીમાં રમાશે. કેપ્ટન ટેમ્બા બાવુમાએ ટીમને શ્રેણીમાં 2-0થી જીતી અપાવીને ભારતમાં ટેસ્ટ શ્રેણી જીતવાના 25 વર્ષના દુકાળનો અંત આણ્યો હતો. હવે તેમની નજર વન-ડે શ્રેણીમાં પણ કંઈક આવા જ રેકોર્ડ પર રહેશે. સાઉથ આફ્રિકાએ છેલ્લે 2015માં ભારતમાં વન ડે શ્રેણી જીતી હતી.