India vs Sri Lanka 3rd ODI Team India Playing 11: ટીમ ઈન્ડિયાએ શ્રીલંકા સામેની ત્રણ મેચની ODI સિરીઝમાં 2-0થી લીડ મેળવી લીધી છે. ત્રીજી વનડે રવિવારે તિરુવનંતપુરમમાં રમાશે. આવી સ્થિતિમાં ટીમ ઈન્ડિયાના પ્લેઈંગ 11માં 4 ફેરફાર થઈ શકે છે. સૂર્યકુમાર યાદવ, ઈશાન કિશન, વોશિંગ્ટન સુંદર અને અર્શદીપ સિંહને તક મળી શકે છે.
રોહિત શર્માની આગેવાનીમાં ટીમમાં ઓપનિંગમાં ફેરફાર થઈ શકે છે. શુભમન ગિલની જગ્યાએ ઈશાન કિશનને તક આપવામાં આવી શકે છે. કિશને બાંગ્લાદેશ સામેની છેલ્લી વનડેમાં બેવડી સદી ફટકારી હતી. ગિલને પ્રથમ બે મેચમાં તક મળી હતી, તેને ત્રીજી મેચમાં બહાર બેસાડવામાં આવી શકે છે. સાથે જ શ્રેયસ ઐયરની જગ્યાએ સૂર્યકુમાર યાદવને રમાડવામાં આવી શકે છે. શ્રેયસ અય્યર પ્રથમ બે વનડેમાં સારા રન બનાવી શક્યો નથી.
વોશિંગ્ટન સુંદર અને અર્શદીપ સિંહને તક મળશે
આ સિવાય અક્ષર પટેલની જગ્યાએ વોશિંગ્ટન સુંદરને અજમાવી શકાય છે. રવીન્દ્ર જાડેજાની ગેરહાજરીમાં અક્ષર પ્રભાવશાળી રહ્યો છે. બીજી તરફ, સુંદરે પણ તેને મળેલા મોકામાં સારું પ્રદર્શન કર્યું છે. બોલિંગમાં એક ફેરફાર થઈ શકે છે. મોહમ્મદ શમીની જગ્યાએ અર્શદીપ સિંહને તક મળી શકે છે. બંને મેચમાં શમીનું પ્રદર્શન કંઈ ખાસ રહ્યું નથી. આ સિવાય કુલદીપ યાદવે પણ સારું પ્રદર્શન કર્યું હતું, તેથી યુઝવેન્દ્ર ચહલની વાપસીની શક્યતા ઓછી છે.
આ પણ વાંચો – ભારત વિ. શ્રીલંકા બીજી વન-ડે : ટીમ ઇન્ડિયાનો 4 વિકેટે વિજય, શ્રેણીમાં 2-0થી અજેય સરસાઇ મેળવી
શ્રીલંકા સામેની છેલ્લી ઓડીઆઈમાં ટીમ ઈન્ડિયાના આ 11 ખેલાડીઓ રમી શકે છે
રોહિત શર્મા (કેપ્ટન), શુભમન ગિલ/ઈશાન કિશન, વિરાટ કોહલી, સૂર્યકુમાર યાદવ/શ્રેયસ ઐયર, કેએલ રાહુલ, હાર્દિક પંડ્યા, વોશિંગ્ટન સુંદર, કુલદીપ યાદવ, મોહમ્મદ શમી/અર્શદીપ સિંહ, ઉમરાન મલિક, મોહમ્મદ સિરાજ.
