GT vs CSK IPL 2023 Final : ચેન્નઇ સુપર કિંગ્સ પાંચમી વખત ચેમ્પિયન, રવિન્દ્ર જાડેજા બન્યો હીરો

ચેન્નઇ સુપર કિંગ્સ પાંચમી વખત આઈપીએલમાં ચેમ્પિયન બન્યું છે. આ પહેલા 2021, 2018, 2011 અને 2010માં ટ્રોફી જીતી ચુક્યું છે. ધોનીએ પાંચમી વખત ટ્રોફી જીતી રોહિત શર્માની પાંચ વખત ટ્રોફી જીતવાની બરાબરી કરી.

ડેવોન કોનવેમા 47, શિવમ દુબેના 32 અને રવિન્દ્ર જાડેજાના આક્રમક 15 રનની મદદથી ચેન્નઇ સુપર કિંગ્સે આઈપીએલ 2023ની ફાઇનલમાં ગુજરાત ટાઇટન્સ સામે ડકવર્થ લુઇસ નિયમ પ્રમાણે 5 વિકેટે વિજય મેળવ્યો છે. ગુજરાતે 20 ઓવરમાં 4 વિકેટે 214 રન બનાવ્યા હતા. વરસાદ પડતા ચેન્નઇને 15 ઓવરમાં 171 રનનો પડકાર મળ્યો હતો. જે 15 ઓવરમાં 5 વિકેટ ગુમાવી વટાવી લીધો હતો. ચેન્નઇને જીત માટે અંતિમ ઓવરમાં 13 રન અને અંતિમ 2 બોલમાં 10 રનની જરૂર હતી. જાડેજાએ અંતિમ બે બોલમાં સિક્સર અને ફોર ફટકારી ટીમને જીત અપાવી હતી.

રવિન્દ્ર જાડેજાએ અંતિમ બે બોલમાં સિક્સર અને ફોર સાથે કુલ 10 રન બનાવી ટીમને જીત અપાવી. ચેન્નઇ સુપર કિંગ્સ પાંચમી વખત ચેમ્પિયન બન્યું.

ચેન્નઇ સુપર કિંગ્સને 6 બોલમાં જીત માટે 13 રનની જરૂર છે

મહેન્દ્રસિંહ ધોની પ્રથમ બોલે શૂન્ય રન બનાવી મોહિત શર્માની ઓવરમાં આઉટ. સીએસકેએ 149 રને પાંચમી વિકેટ ગુમાવી.

અંબાતી રાયડુ 8 બોલમાં 1 ફોર 2 સિક્સરની મદદથી 19 રન બનાવી મોહિત શર્માની ઓવરમાં કેચ આઉટ થયો.

ચેન્નઇના 12 ઓવરમાં 3 વિકેટે 133 રન. શિવમ દુબે 25 અને રાયડુ 3 રને રમી રહ્યા છે. જીત માટે 18 બોલમાં 38 રનની જરૂર.

અજિંક્ય રહાણે 13 બોલમાં 2 ફોર, 2 સિક્સરની મદદથી 27 રન બનાવી મોહિત શર્માની ઓવરમાં કેચ આઉટ થયો.

ચેન્નઇ સુપર કિંગ્સે 9.1 ઓવરમાં 100 રન પુરા કર્યા.

ડેવોન કોનવે 25 બોલમાં 4 ફોર, 2 સિક્સરની મદદથી 47 રન બનાવી નૂરનો શિકાર બન્યો. ચેન્નઇએ 78 રને બીજી વિકેટ ગુમાવી.

ઋતુરાજ ગાયકવાડ 16 બોલમાં 3 ફોર, 1 સિક્સર સાથે 26 રને નૂર અહમદનો શિકાર બન્યો. સીએસકેએ 74 રને પ્રથમ વિકેટ ગુમાવી.

ચેન્નઇ સુપર કિંગ્સના 5 ઓવરમાં વિના વિકેટે 58 રન. ગાયકવાડ 24 અને ડેવોન કોનવે 31 રમે રમી રહ્યા છે

ચેન્નઇ સુપર કિંગ્સે 4 ઓવરમાં 50 રન પુરા કર્યા. રાશિદ ખાનની ઓવરમાં 17 રન ફટકાર્યા.

ચેન્નઇ સુપર કિંગ્સે મોહમ્મદ શમીની પ્રથમ ઓવરમાં 10 રન ફટકાર્યા. ગાયકવાડ અને કોનવે રમી રહ્યા છે.

5 ઓવરનો પાવરપ્લે રહેશે. એક બોલર 3 ઓવર ફેંકી શકશે.

ક્રિકેટ પ્રશંસકો માટે સારા સમાચાર છે. 12.10 કલાકે મેચ શરુ થશે. આ મેચ હવે 15 ઓવરની રમાશે. જેમાં 170 રનનો ટાર્ગેટ મળ્યો છે.

જો ઓવરમાં કટોતી થશે તો ડકવર્થ લુઇસ નિયમ પ્રમાણે ચેન્નઇ સુપર કિંગ્સ માટે આવો આવી શકે છે ટાર્ગેટ

5 ઓવરમાં 66 રન

10 ઓવરમાં 123 રન

15 ઓવરમાં 171 રન

Express photo: Devendra Pandey

અમદાવાદના નરેન્દ્ર મોદી સ્ટેડિયમમાં વરસાદ રોકાઇ ગયો છે. પિચનું ઇન્સ્પેક્શન 10.45 કલાકે કરવામાં આવશે.

(તસવીર – એક્સપ્રેસ)

ગુજરાત ટાઇટન્સે આઈપીએલ 2023ની ફાઇનલમાં ચેન્નઇ સુપર કિંગ્સ સામે 20 ઓવરમાં 4 વિકેટે 214 રન બનાવ્યા છે. ચેન્નઇને જીતવા માટે 215 રનનો પડકાર મળ્યો છે.

રાશિદ ખાન 2 બોલમાં 00 રન બનાવી પાથિરાનાનો શિકાર બન્યો.

સાઇ સુદર્શનના 47 બોલમાં 8 ફોર, 6 સિક્સરની મદદથી 96 રન. પાથિરાનાની ઓવરમાં એલબી આઉટ થયો.

ગુજરાત ટાઇટન્સે 19 ઓવરમાં 200 રન પુરા કર્યા.

સાઇ સુદર્શને તુષાર દેશપાંડેની 17મી ઓવરમાં 20 રન ફટકાર્યા. ઓક સિક્સર, ત્રણ ફોર ફટકારી.

ગુજરાત ટાઇટન્સના 16 ઓવરમાં 2 વિકેટે 153 રન. સાઇ સુદર્શન 57 અને હાર્દિક પંડ્યા 1 રને રમી રહ્યા છે.

ગુજરાત ટાઇટન્સે 15.4 ઓવરમાં 150 રન પુરા કર્યા.

સાઇ સુદર્શને 33 બોલમાં 3 ફોર, 3 સિક્સરની મદદથી અડધી સદી ફટકારી.

ઋદ્ધિમાન સાહા 39 બોલમાં 5 ફોર, 1 સિક્સર સાથે 54 રન બનાવી ચાહરનો શિકાર બન્યો.

(Express photo by Nirmal Harindran)

ઋદ્ધિમાન સાહાએ 36 બોલમાં 5 ફોર, 1 સિક્સર સાથે અડધી સદી ફટકારી.

ગુજરાત ટાઇટન્સે 11.1 ઓવરમાં 100 રન પુરા કર્યા.

ગુજરાત ટાઇટન્સના 10 ઓવરમાં 1 વિકેટે 86 રન. સાહા 41 અને સાઇ સુદર્શન 6 રને રમતમાં છે.

શુભમન ગિલ 20 બોલમાં 7 ફોર સાથે 39 રન બનાવી જાડેજાની ઓવરમાં સ્ટમ્પિંગ આઉટ થયો. ગુજરાત ટાઇટન્સે 67 રને પ્રથમ વિકેટ ગુમાવી

ગુજરાત ટાઇટન્સે 5.2 ઓવરમાં 50 રન પુરા કર્યા.

દીપક ચાહરની ત્રીજી ઓવરમાં સાહાએ 16 રન ફટકાર્યા. 1 સિક્સર, 2 ફોર ફટકારી

ઋદ્ધિમાન સાહા અને શુભમન ગિલ ઓપનિંગમાં ઉતર્યા. દીપક ચાહરની પ્રથમ ઓવરમાં 4 રન બનાવ્યા

આઈપીએલ 2023ની ફાઇનલ મેચમાં ગુજરાત ટાઇટન્સ સામે ટોસ માટે મેદાનમા ઉતરતા જ ચેન્નઇ સુપર કિંગ્સના કેપ્ટન એમએસ ધોનીએ ઇતિહાસ રચ્યો છે. આ તેના આઈપીએલ કારકિર્દીની 250મી મેચ છે. આ સિદ્ધિ મેળવનાર તે પ્રથમ ખેલાડી બન્યો છે.

ઋદ્ધિમાન સાહા, શુભમન ગિલ, સાઇ સુદર્શન, વિજય શંકર, હાર્દિક પંડ્યા (કેપ્ટન), ડેવિડ મિલર, રાહુલ તેવાટિયા, રાશિદ ખાન, મોહમ્મદ શમી, મોહિત શર્મા, નૂર અહમદ.

ઋતુરાજ ગાયકવાડ, ડેવોન કોનવે, અજિંક્ય રહાણે, અંબાતી રાયડુ, મોઈન અલી, રવિન્દ્ર જાડેજા, એમએસ ધોની (કેપ્ટન), દીપક ચાહર, તુષાર દેશપાંડે, મહેશ તીક્ષણા, પાથિરાણા.

આઈપીએલ 2023ની ફાઇનલ મેચમાં ગુજરાત ટાઇટન્સ સામે ચેન્નઈ સુપર કિંગ્સના કેપ્ટન મહેન્દ્રસિંહ ધોનીએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે

IPL Winners List : આઈપીએલમાં સૌથી વધારે મુંબઈ ઇન્ડિયન્સ 5 વખત ચેમ્પિયન બન્યું છે. આ પછી ચેન્નઇ સુપર કિંગ્સ 4 વખત ચેમ્પિયન બન્યું છે. આઈપીએલ 2008થી અત્યાર સુધી કઇ-કઇ ટીમ ચેમ્પિયન બની તે વિશે જણાવી રહ્યા છીએ (સ્ટોરી વાંચવા માટે અહીં ક્લિક કરો)

તસવીર – Devendra Pandey

આઈપીએલના ઇતિહાસમાં પ્રથમ વખત ફાઇનલ રિઝર્વ ડે ના દિવસે રમાશે. અમદાવાદના નરેન્દ્ર મોદી સ્ટેડિયમમાં વરસાદના કારણે રવિવારે ગુજરાત ટાઇટન્સ અને ચેન્નઇ સુપર કિંગ્સ વચ્ચે મેચ રમાઇ શકી ન હતી.

ગુજરાત ટાઇટન્સ અને મુંબઈ ઇન્ડિયન્સ વચ્ચે આઈપીએલ 2023નો ફાઇનલ મુકાબલો આજે રિઝર્વ ડે ના દિવસે અમદાવાદના નરેન્દ્ર મોદી સ્ટેડિયમમાં રમાશે. રવિવારે મેચ રમાવાની હતી પણ વરસાદના કારણે ટોસ પણ થઇ શક્યો ન હતો.