IPL 2025 Kolkata Knight Riders vs Gujarat Titans Head To Head Records : આઈપીએલ 2025ની 39મી મેચમાં કોલકાતા નાઇટ રાઇડર્સ વિ ગુજરાત ટાઇટન્સ વચ્ચે મુકાબલો થશે. આ મેચ 21 એપ્રિલના રોજ કોલકાતાના ઇડન ગાર્ડન્સ સ્ટેડિયમમાં રમાશે. બન્ને વચ્ચે અત્યાર સુધીની આઈપીએલમાં હેડ ટુ હેડ મેચની વાત કરીએ તો ગુજરાતનું પલડું ભારે છે.
કોલકાતા નાઇટ રાઇડર્સ વિ ગુજરાત ટાઇટન્સ હેડ ટુ હેડ
આઈપીએલમાં કોલકાતા અને ગુજરાત વચ્ચે અત્યાર સુધીમાં 4 મુકાબલા થયા છે. જેમાંથી 2 મેચમાં ગુજરાતનો વિજય થયો છે જ્યારે 1 મેચમાં કોલકાતાનો વિજય થયો છે. એક મેચ રદ થઇ હતી. બન્ને વચ્ચેના મુકાબલામાં કોલકાતાનો હાઈએસ્ટ સ્કોર 207 રન અને લોએસ્ટ સ્કોર 148 રન છે. જ્યારે ગુજરાતનો હાઇએસ્ટ સ્કોર 204 અને લોએસ્ટ સ્કોર 156 રન છે.
છેલ્લા 3 મુકાબલાનો રેકોર્ડ
આઈપીએલમાં ગુજરાત અને કોલકાતા વચ્ચેના છેલ્લા 3 મેચના રેકોર્ડ પર નજર કરવામાં આવે તો બન્ને ટીમનું સમાન પ્રભુત્વ છે. છેલ્લી 3 મેચમાંથી બન્ને ટીમનો 1-1 મેચમાં વિજય થયો છે. એક મેચ રદ થઇ હતી. 2024ની સિઝનમાં બન્ને વચ્ચે 1 મેચ રમાઇ હતી અને તે મેચ રદ થઇ હતી.
આ પણ વાંચો – શું તમે જાણો છો IPL માં કોણ પસંદ કરે છે પ્લેયર ઓફ ધ મેચ? કોની ભૂમિકા હોય છે મહત્વની, જાણો નિયમ
કોલકાતા નાઇટ રાઇડર્સના હોમગ્રાઉન્ડ વાનખેડે સ્ટેડિયમમાં ગુજરાત અને કોલકાતા વચ્ચે 1 મેચ રમાઇ છે. જેમાં ગુજરાતનો વિજય થયો છે.
બન્ને સંભવિત ટીમો આ પ્રમાણે છે
કોલકાતા નાઈટ રાઈડર્સ : સુનીલ નારાયણ, ક્વિન્ટન ડી કોક, અજિંક્ય રહાણે (કેપ્ટન), વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, એનરિચ નોર્ત્જે, વૈભવ અરોરા, હર્ષિત રાણા, વરૂણ ચક્રવર્તી.
ગુજરાત ટાઇટન્સ : શુભમન ગિલ (કેપ્ટન), જોસ બટલર, સાઇ સુદર્શન, રાહુલ તેવટિયા, શાહરુખ ખાન, રાશિદ ખાન, સાંઇ કિશોર, અરશદ ખાન, મોહમ્મદ સિરાજ, પ્રસિદ્ધ ક્રિષ્ના, ઇશાંત શર્મા.
