KKR vs PBKS: આઈપીએલ 2025, વરસાદના કારણે કોલકાતા અને પંજાબ વચ્ચેની મેચ રદ, બન્નેને 1-1 પોઇન્ટ મળ્યા

આઈપીએલ 2025માં કોલકાતા નાઇટ રાઇડર્સ અને પંજાબ કિંગ્સ વચ્ચેની મેચ વરસાદના કારણે રદ જાહેર કરવામાં આવી છે. બન્ને ટીમને 1-1 પોઇન્ટ આપવામાં આવ્યા છે. પંજાબે પ્રથમ બેટિંગ કરતા 20 ઓવરમાં 4 વિકેટે 201 રન બનાવ્યા હતા. જવાબમાં કોલકાતાએ 1 ઓવરમાં વિના વિકેટે 7 રન બનાવ્યા હતા. આ પછી વરસાદના કારણે મેચ રદ જાહેર કરવામાં આવી હતી.

202 રનના પડકાર સામે કોલકાતા નાઇટ રાઇડર્સે 1 ઓવરમાં વિના વિકેટે 7 રન બનાવી લીધા છે. હાલ વરસાદના કારણે મેચ અટકાવી છે.

આઈપીએલ 2025ની 44મી મેચમાં પંજાબ કિંગ્સે 20 ઓવરમાં 4 વિકેટે 201 રન બનાવી લીધા છે. કોલકાતા નાઇટ રાઇડર્સને જીતવા માટે 202 રનનો પડકાર મળ્યો છે.

શ્રેયસ ઐયરના 16 બોલમાં 1 ફોર અને 1 સિક્સર સાથે અણનમ 25 રન. જોશ ઇંગ્લિશના 6 બોલમાં 2 ફોર સાથે અણનમ 11 રન.

માર્કો જેન્સન 7 બોલમાં 3 રન બનાવી વૈભવ અરોરાનો શિકાર બન્યો. પંજાબે 184 રને ચોથી વિકેટ ગુમાવી.

ગ્લેન મેક્સવેલ 8 બોલમાં 1 ફોર સાથે 7 રન બનાવી વરુણ ચક્રવર્તીની ઓવરમાં બોલ્ડ થયો. પંજાબે 172 રને ત્રીજી વિકેટ ગુમાવી.

પ્રભસિમરન સિંહ 49 બોલમાં 6 ફોર અને 6 સિક્સર સાથે 83 રન બનાવી વૈભવ અરોરાની ઓવરમાં કેચ આઉટ. પંજાબે 160 રને બીજી વિકેટ ગુમાવી.

પ્રિયાંશ આર્યા 35 બોલમાં 8 ફોર અને 4 સિક્સર સાથે 69 રને રસેલનો શિકાર બન્યો. પંજાબે 120 રને પ્રથમ વિકેટ ગુમાવી.

પ્રિયાંશ આર્યાએ 27 બોલમાં 8 ફોર અને 2 સિક્સર સાથે અડધી સદી ફટકારી.

પંજાબ કિંગ્સે 4.3 ઓવરમાં 50 રન પુરા કર્યા. પ્રભસિમરન સિંહ અને પ્રિયાંશ આર્યા રમતમાં છે.

સુનીલ નારાયણ, રહમાનુલ્લાહ ગુરબાઝ, અજિંક્ય રહાણે (કેપ્ટન), વેંકટેશ ઐયર, રિંકુ સિંહ, આન્દ્રે રસેલ, રોવમન પોવેલ, વૈભવ અરોરા, ચેતન સાકરીયા, હર્ષિત રાણા, વરૂણ ચક્રવર્તી.

પ્રભસિમરન સિંહ, પ્રિયાંશ આર્યા, શ્રેયસ ઐયર (કેપ્ટન), જોશ ઈંગ્લિસ, નેહલ વાઢેરા, શશાંક સિંહ, ગ્લેન મેક્સવેલ, અઝમતુલ્લાહ ઓમરજાઇ, માર્કો જોન્સન, અર્શદીપ સિંહ, યુઝવેન્દ્ર ચહલ.

આઈપીએલ 2025ની 44મી મેચમાં કોલકાતા નાઇટ રાઇડર્સ સામે પંજાબ કિંગ્સના કેપ્ટન શ્રેયસ ઐયરે ટોસ જીતીને પ્રથમ બેટિંગ કરવાનો નિર્ણય કર્યો છે. આ મેચ કોલકાતાના ઇડન ગાર્ડન્સ સ્ટેડિયમમાં રમાઇ રહી છે.

કોલકાતા અને પંજાબ વચ્ચે અત્યાર સુધીની આઈપીએલમાં હેડ ટુ હેડ મેચની વાત કરીએ તો કેકેઆરનું પલડું ભારે છે. આઈપીએલમાં પંજાબ અને કોલકાતા વચ્ચે અત્યાર સુધીમાં 34 મુકાબલા થયા છે. જેમાંથી 21 મેચમાં કોલકાતાનો વિજય થયો છે જ્યારે 13 મેચમાં પંજાબનો વિજય થયો છે. બન્ને વચ્ચેના મુકાબલામાં પંજાબનો હાઈએસ્ટ સ્કોર 262 રન અને લોએસ્ટ સ્કોર 111 રન છે. જ્યારે કોલકાતાનો હાઇએસ્ટ સ્કોર 261 અને લોએસ્ટ સ્કોર 95 રન છે.

આઈપીએલ 2025ની 44મી મેચમાં પંજાબ કિંગ્સ અને કોલકાતા નાઇટ રાઇડર્સ વચ્ચે મુકાબલો થશે. આ મેચ કોલકાતાના ઇડન ગાર્ડન્સ સ્ટેડિયમમાં રમાશે. આઈપીએલ 2025માં પંજાબ 8 મેચ રમ્યું છે. જેમાં 5 મેચમાં વિજય મેળવ્યો છે અને 3 માં પરાજય થયો છે. જ્યારે કોલકાતા નાઇટ રાઇડર્સનો 8 મેચમાંથી 3 માં વિજય થયો છે અને 5 માં પરાજય થયો છે.