scorecardresearch

જય શાહ બન્યા નાણાં સમિતિના વડા, ICCમાં ભારતને મળી મોટી જવાબદારી

Jay Shah in ICC : જય શાહને આઈસીસીના નાણાસમિતિના વડા બનાવતા ભારતીય ક્રિકેટ (Indian Cricket) ખેમામાં ખુશીની લહેર. ઈન્ટરનેશનલ ક્રિકેટ કાઉન્સિલ (ICC)માં ભારતને મોટી જવાબદારી મળી. આ સમિતિ ICC ઇવેન્ટ્સ માટે બજેટ ફાળવણી નક્કી કરે છે અને સભ્ય દેશોમાં ભંડોળના વિતરણનું ધ્યાન રાખે છે.

જય શાહ બન્યા નાણાં સમિતિના વડા, ICCમાં ભારતને મળી મોટી જવાબદારી
જય શાહ બન્યા નાણાં સમિતિના વડા બન્યા

Jay Shah in ICC: ઈન્ટરનેશનલ ક્રિકેટ કાઉન્સિલ (ICC)માં ભારતને મોટી જવાબદારી મળી છે. ભારતીય ક્રિકેટ કંટ્રોલ બોર્ડ (BCCI) ના સચિવ જય શાહને પ્રભાવશાળી નાણાં અને વાણિજ્યિક બાબતોની સમિતિના વડા બનાવવામાં આવ્યા છે. આ સમિતિ ICC ઇવેન્ટ્સ માટે બજેટ ફાળવણી નક્કી કરે છે અને સભ્ય દેશોમાં ભંડોળના વિતરણનું ધ્યાન રાખે છે.

આ સપ્તાહના અંતમાં મેલબોર્નમાં ICC બોર્ડની બેઠકોના એક અઠવાડિયા પહેલા, જય શાહ અને IPL અધ્યક્ષ અરુણ ધૂમલના નેતૃત્વમાં BCCIની ટીમ ઓસ્ટ્રેલિયા આવી પહોંચી હતી. શાહે ભારતના પૂર્વ કેપ્ટન સૌરવ ગાંગુલીને ICC બોર્ડ (BCCI પ્રમુખ 2019 થી ઓક્ટોબર સુધી) પર BCCI પ્રતિનિધિ તરીકે સ્થાન આપ્યું.

શાહ રોસ મેક્કુલમનું સ્થાન લેશે

ધૂમલ મુખ્ય કાર્યકારી સમિતિના સભ્ય હશે. ESPNcricinfo અનુસાર, શાહ F&CA ના સભ્ય પણ હશે અને ક્રિકેટ આયર્લેન્ડના પૂર્વ પ્રમુખ રોસ મેક્કુલમનું સ્થાન લેશે, જેઓ ટૂંક સમયમાં નિવૃત્ત થવાના છે. આગામી બેઠક માર્ચ 2023માં યોજાવાની છે. સમાચાર એજન્સી PTI અનુસાર, ICCના એક સૂત્રએ કહ્યું, “દરેક સભ્યએ જય શાહને નાણાં અને વાણિજ્યિક બાબતોની સમિતિના વડા તરીકે સ્વીકાર્યા છે. આઈસીસીના અધ્યક્ષ ઉપરાંત, તે એક સમાન શક્તિશાળી પેટા સમિતિ છે.

આ પણ વાંચોટી-20 વર્લ્ડ કપ 2022 : 13 નવેમ્બરે નહીં રમાય ફાઇનલ? શું પાકિસ્તાન અને ઇંગ્લેન્ડે શેર કરવી પડશે ટ્રોફી

શશાંક મનોહરના કાર્યકાળ દરમિયાન ભારતની તાકાતમાં ઘટાડો થયો હતો

અગાઉ, એન શ્રીનિવાસનના સમયમાં આ સમિતિના વડાનું પદ ભારત પાસે હતું, પરંતુ શશાંક મનોહરના ICC અધ્યક્ષ તરીકેના કાર્યકાળ દરમિયાન, BCCIની તાકાતમાં નોંધપાત્ર ઘટાડો થયો હતો. પ્રશાસકોની સમિતિના કાર્યકાળ દરમિયાન, એવો સમય આવ્યો જ્યારે નાણાં અને વાણિજ્યિક બાબતોની સમિતિમાં ભારતનું કોઈ પ્રતિનિધિત્વ નહોતું. ગયા વર્ષ સુધી બીસીસીઆઈના પૂર્વ અધ્યક્ષ સૌરવ ગાંગુલી આ સમિતિનો એક ભાગ હતા.

Web Title: Jai shah icc head of the finance committee india major responsibility at icc