KKR vs SRH IPL 2024 Qualifier 1 Highlights : આઈપીએલ 2024, કોલકાતા નાઈટ રાઈડર્સ ફાઇનલમાં, હૈદરાબાદને બીજી તક મળશે

બીજી તરફ હૈદરાબાદ હવે ક્વોલિફાયર-2 મુકાબલામાં રમશે. આ મુકાબલો 24 મે ના રોજ રમાશે. આ પહેલા 22 મે ના રોજ એલિમિનેટરમાં રોયલ ચેલેન્જર્સ બેંગ્લોર અને રાજસ્થાન રોયલ્સ ટકરાશે. જેની વિજેતા ટીમ સામે હૈદરાબાદ ટકરાશે.

કોલકાતા નાઈટ રાઈડર્સ આઈપીએલ 2024ની ફાઇનલમાં પહોંચી ગયું છે.મિચેલ સ્ટાર્ક (3 વિકેટ) સહિત બોલરોના શાનદાર પ્રદર્શન બાદ શ્રેયસ ઐયર (અણનમ 58) અને વેંકટેશ ઐયરની (અણનમ 51)અડધી સદીની મદદથી કોલકાતા નાઈટ રાઈડર્સે આઈપીએલ 2024માં સનરાઇઝર્સ હૈદરાબાદ સામે 8 વિકેટે આસાન વિજય મેળવ્યો હતો. હૈદરાબાદ 19.3 ઓવરમાં 159 રનમાં ઓલઆઉટ થઇ ગયું હતું. જવાબમાં કોલકાતાએ 13.4 ઓવરમાં 2 વિકેટ ગુમાવી પડકાર મેળવી લીધો હતો.

શ્રેયસ ઐયરના 24 બોલમાં 5 ફોર 4 સિક્સર સાથે અણનમ 58 રન અને વેંકટેશ ઐયરના 28 બોલમાં 5 ફોર 4 સિક્સર સાથે અણનમ 51 રન.

શ્રેયસ ઐયરે 23 બોલમાં 5 ફોર 3 સિક્સર સાથે અડધી સદી ફટકારી.

વેંકટેશ ઐયરે 28 બોલમાં 5 ફોર 4 સિક્સર સાથએ અડધી સદી ફટકારી.

કોલકાતા નાઈટ રાઇડર્સે 9.4 ઓવરમાં 100 રન પુરા કર્યા.

સુનીલ નારાયણ 16 બોલમાં 4 ફોર સાથે 21 રન બનાવી કમિન્સની ઓવરમાં કેચ આઉટ થયો. કેકેઆરે 67 રને બીજી વિકેટ ગુમાવી.

કોલકાતા નાઈટ રાઇડર્સે 4.2 ઓવરમાં 50 રન પુરા કર્યા.

રહેમાનુલ્લા ગુરબાઝ 14 બોલમાં 2 ફોર 2 સિક્સર સાથે 23 રન બનાવી નટરાજનની ઓવરમાં કેચ આઉટ થયો.

કેકેઆર તરફથી મિચેલ સ્ટાર્કે સૌથી વધારે 3 વિકેટ ઝડપી. વરુણ ચક્રવર્તીને 2 વિકેટ મળી.

સનરાઇઝર્સ હૈદરાબાદ 19.3 ઓવરમાં 159 રન બનાવી ઓલઆઉટ. કોલકાતાને જીતવા માટે 160 રનનો પડકાર મળ્યો છે.

પેટ કમિન્સ 24 બોલમાં 2 ફોર 2 સિક્સર સાથે 30 રન બનાવી રસેલની ઓવરમાં કેચ આઉટ થયો.

ભુવનેશ્વર કુમાર 4 બોલમાં ખાતું ખોલાયા વિના વરુણ ચક્રવર્તીની ઓવરમાં એલબી આઉટ થયો.

અબ્દુલ સમદ 12 બોલમાં 2 સિક્સર સાથે 16 રન બનાવી હર્ષિત રાણાની ઓવરમાં કેચ આઉટ થયો.

ઇમ્પેક્ટ પ્લેયર સનવીર સિંહ પ્રથમ બોલે ખાતું ખોલાયા વિના સુનીલ નારાયણની ઓવરમાં બોલ્ડ થયો.

રાહુલ ત્રિપાઠી 35 બોલમાં 7 ફોર 1 સિક્સર સાથે 55 રન બનાવી રન આઉટ થયો

હેનરિચ ક્લાસેન 21 બોલમાં 3 ફોર 1 સિક્સર સાથે 32 રન બનાવી વરુણ ચક્રવર્તીની ઓવરમાં કેચ આઉટ થયો.

રાહુલ ત્રિપાઠીએ 29 બોલમાં 7 ફોર 1 સિક્સર સાથે અડધી સદી ફટકારી.

સનરાઇઝર્સ હૈદરાબાદે 10.4 ઓવરમાં 100 રન પુરા કર્યા.

સનરાઇઝર્સ હૈદરાબાદે 7 ઓવરમાં 50 રન પુરા કર્યા.

શાહબાઝ અહમદ પ્રથમ બોલે ખાતું ખોલાયા વિના સ્ટાર્કની ઓવરમાં બોલ્ડ થયો. હૈદરાબાદે 39 રને ચોથી વિકેટ ગુમાવી.

નીતિશ કુમાર રેડ્ડી 10 બોલમાં 1 ફોર સાથે 9 રન બનાવી સ્ટાર્કની ઓવરમાં કેચ આઉટ થયો.

અભિષેક શર્મા 4 બોલમાં 3 રન બનાવી વૈભવ અરોરાની ઓવરમાં કેચ આઉટ થયો. હૈદરાબાદે 13 રને બીજી વિકેટ ગુમાવી.

ટ્રેવિસ હેડ પ્રથમ ઓવરના બીજા જ બોલે ખાતું ખોલાયા વિના સ્ટાર્કની ઓવરમાં બોલ્ડ થયો.

અભિષેક શર્મા, ટ્રેવિસ હેડ, રાહુલ ત્રિપાઠી, નીતિશ કુમાર રેડ્ડી, હેનરિક ક્લાસેન, અબ્દુલ સમદ, શાહબાઝ અહેમદ, પેટ કમિન્સ (કેપ્ટન), ભુવનેશ્વર કુમાર, વિજયકાંત વ્યાસકાંથ, ટી નટરાજન.

રહેમાનુલ્લા ગુરબાઝ, સુનીલ નારાયણ, શ્રેયસ ઐયર (કેપ્ટન), વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, મિશેલ સ્ટાર્ક, વૈભવ અરોરા, હર્ષિત રાણા, વરુણ ચક્રવર્તી.

કોલકાતા નાઇટ રાઇડર્સ સામે સનરાઇઝર્સ હૈદરાબાદના કેપ્ટન પેટ કમિન્સે ટોસ જીતીને પ્રથમ બેટિંગ કરવાનો નિર્ણય કર્યો છે.

નરેન્દ્ર મોદી સ્ટેડિયમમાં સનરાઈઝર્સ હૈદરાબાદના રેકોર્ડની વાત કરવામાં આવે તો 3 મેચ રમ્યું છે. જેમાં હૈદરાબાદનો 1 મેચમાં વિજય થયો છે અને 2 મેચમાં પરાજય થયો છે. હાઇએસ્ટ સ્કોર 162 રન છે અને લોએસ્ટ સ્કોર 134 રન છે.

અમદાવાદના નરેન્દ્ર મોદી સ્ટેડિયમમાં બન્ને ટીમોના રેકોર્ડની વાત કરવામાં આવે તો કોલકાતા નાઈટ રાઇડર્સ આ સ્ટેડિયમમાં 5 મેચ રમ્યું છે. જેમાં 2 મેચમાં વિજય થયો છે અને 3 મેચમાં પરાજય થયો છે. તેનો બેસ્ટ સ્કોર 207 છે અને લોએસ્ટ સ્કોર 134 રન છે.

આઈપીએલમાં હૈદરાબાદ અને કોલકાતા વચ્ચે અત્યાર સુધીમાં 26 મેચો રમાઇ છે. જેમાં 17 મેચમાં કોલકાતાનો વિજય થયો છે અને 9 મેચમાં હૈદરાબાદનો વિજય થયો છે. બન્ને વચ્ચેના મુકાબલામાં કોલકાતાનો હાઈએસ્ટ સ્કોર 208 અને લોએસ્ટ સ્કોર 101 રન છે. જ્યારે હૈદરાબાદનો હાઇએસ્ટ સ્કોર 228 અને લોએસ્ટ સ્કોર 115 રન છે. 2024ની સિઝનમાં પ્રથમ રાઉન્ડમાં ટકરાયા ત્યારે કોલકાતાનો 4 રને રોમાંચક વિજય થયો હતો.

આઈપીએલ 2024ની ક્વોલિફાયર 1 મેચમાં સનરાઈઝર્સ હૈદરાબાદ અને કોલકાતા નાઈટ રાઇડર્સ વચ્ચે મુકાબલો થશે. આ મેચ અમદાવાદના નરેન્દ્ર મોદી સ્ટેડિયમમાં રમાશે.