પેરિસ ઓલિમ્પિક્સ 2024 મેડલ ટેલી (Paris Olympics 2024 Medal Tally)

ઓલિમ્પિક ગેમમાં ભારતના પ્રદર્શનની વાત કરીએ તો અત્યાર સુધી ભારતે કુલ 35 મેડલ જીત્યા છે. જેમાં 10 ગોલ્ડ, 9 સિલ્વર અને 16 કાંસ્ય મેડલનો સમાવેશ થાય છે. ઓલિમ્પિક શરુઆતના દાયકામાં ભારતીય હોકી ટીમનો ભારે દબદબો હતો. જોકે વર્ષ 2020 માં યોજાયેલ ટોકયો ઓલિમ્પિક ભારત માટે ખાસ રહ્યો હતો. એ વર્ષે ભારતીય 124 ખેલાડીઓએ ભાગ લીધો હતો અને ભારતના અત્યાર સુધીના ઇતિહાસમાં સૌથી વધુ 7 મેડલ જીત્યા હતા.

ઓલિમ્પિક ગેમમાં વર્ષ 2020 સુધીમાં ભારતે જીતેલા કુલ 35 મેડલની વાત કરીએ તો 10 ગોલ્ડ મેડલ જીત્યા છે. જેમાં ફિલ્ડ હોકીમાં 8, શૂટિંગ અને એથ્લેટિક્સમાં એક એક ગોલ્ડ જીત્યો છે. જ્યારે હોકીમાં 1, શૂટિંગમાં 2, એથ્લેટિક્સ 2, કુસ્તી 2, બેડમિંટન 1 અને વેઈટ લિફ્ટિંગ 1 મળી કુલ 9 સિલ્વર મેડલ જીત્યા છે. ભારતે કુલ 16 બ્રોન્ઝ મેડલ જીત્યા છે. જેમાં ફિલ્ડ હોકી 3, શૂટિંગ 1, કુસ્તી 5, બેડમિંટન 2, વેઈટ લિફ્ટિંગ 1, બોક્સિંગ 3 અને ટેનિસમાં 1 મેડલ જીત્યા છે. ભારતે અત્યાર સુધી સૌથી વધુ 8 ગોલ્ડ, 1 સિલ્વર અને 3 બ્રોન્ઝ મળી કુલ 12 મેડલ હોકીમાં જીત્યા છે.