SRH vs GT Highlights, IPL 2024 : આઈપીએલ 2024, વરસાદના કારણે મેચ રદ, હૈદરાબાદ પ્લેઓફમાં પહોંચ્યું

હૈદરાબાદ પ્લેઓફમાં પ્રવેશ કરનાર ત્રીજી ટીમ બની છે. હવે પ્લેઓફની ચોથી ટીમનો નિર્ણય 18 મે ના રોજ બેંગલુરુ અને ચેન્નાઈ વચ્ચેની મેચમાં થશે.

વરસાદના કારણે આ મેચ રદ થતા દિલ્હી કેપિટલ્સ સત્તાવાર રીતે બહાર થઈ ગયું છે કારણ કે તેનો નેટ રન રેટ (-0.377) RCB (+0.387) કરતાં ઘણો પાછળ છે અને તેમની પાસે કોઈ મેચ બાકી નથી. જ્યારે એલએસજી માટે પ્લેઓફમાં પ્રવેશ કરવો ઘણો મુશ્કેલ બની જશે. તેનો નેટ રન રેટ -0.787 છે. તેણે બેંગલુરુથી આગળ જવા માટે ઓછામાં ઓછા 400 રનથી મેચ જીતવી પડશે. એટલે કે દિલ્હી અને લખનૌ બંનેની સફર લગભગ સમાપ્ત થઈ ગઈ છે.

વરસાદના કારણે સનરાઇઝર્સ હૈદરાબાદ અને ગુજરાત ટાઇટન્સ વચ્ચેની મેચ રદ થઇ ગઇ છે. બન્ને ટીમને 1-1 પોઇન્ટ મળ્યા છે. વરસાદના કારણે આ મેચ રદ થતા હૈદરાબાદને ફાયદો થયો છે. તે 15 પોઇન્ટ સાથે પ્લેઓફમાં પહોંચી ગયું છે.

જો આ મેચ વરસાદને કારણે નહીં રમાય તો હૈદરાબાદની ટીમ પ્લેઓફમાં પહોંચી જશે. હૈદરાબાદની ટીમ આ સિઝનમાં પ્લેઓફમાં પહોંચનારી ત્રીજી ટીમ બની જશે. આ પહેલા કેકેઆર અને રાજસ્થાન પ્લેઓફમાં પહોંચી ચૂક્યા છે.

હૈદરાબાદમાં સતત વરસાદે મેચની મજા બગાડી નાખી છે. જો આ મેચ 10.30 વાગ્યે શરૂ થાય છે, તો 5-5 ઓવરની મેચ રમી શકાય છે. જોકે 5-5 ઓવર મેચ માટે પણ વરસાદ રોકવો જરૂરી છે. વરસાદ બંધ થયા પછી મેદાનને રમવા યોગ્ય બનાવવામાં પણ ઘણો સમય લાગશે. હાલમાં વરસાદ પડી રહ્યો છે અને ચાહકો ખેલાડીઓની સાથે છે હજુ પણ રાહ જોઈ રહ્યા છીએ.

હૈદરાબાદમાં વરસાદના કારણે ગુજરાત ટાઇટન્સ અને સનરાઇઝર્સ હૈદરાબાદ વચ્ચેની મેચમાં ટોસમાં વિલંબ થશે.

આઈપીએલમાં ગુજરાત અને હૈદરાબાદ વચ્ચે અત્યાર સુધીમાં 4 મુકાબલા થયા છે. જેમાં 3 મેચમાં ગુજરાતનો વિજય થયો છે. જ્યારે 1 મેચમાં હૈદરાબાદનો વિજય થયો છે. બન્ને વચ્ચેના મુકાબલામાં ગુજરાતનો હાઈએસ્ટ સ્કોર 199 અને લોએસ્ટ સ્કોર 162 રન છે. જ્યારે હૈદરાબાદનો હાઇએસ્ટ સ્કોર 195અને લોએસ્ટ સ્કોર 154 રન છે. 2024ની સિઝનમાં પ્રથમ રાઉન્ડમાં બન્ને ટકરાયા ત્યારે ગુજરાતનો 7 વિકેટે વિજય થયો હતો.

આઈપીએલ 2024ની 66મી મેચમાં ગુજરાત ટાઇટન્સ અને સનરાઇઝર્સ હૈદરાબાદ વચ્ચે મુકાબલો થશે. આ મેચ હૈદરાબાદના રાજીવ ગાંધી સ્ટેડિયમમાં રમાશે.