Jan 30, 2025
બોક્સ ઓફિસ ટ્રેકિંગ પોર્ટલ Sacknilk અનુસાર ફિલ્મે બુધવાર સુધીમાં 26,220 ટિકિટ વેચી છે. 7,074 શો માટે બુકિંગ થઈ ચૂક્યું છે. ફિલ્મે એડવાન્સ બુકિંગથી કુલ 64.05 લાખ રૂપિયાની કમાણી કરી છે.
જો બ્લોક સીટોને પણ સામેલ કરવામાં આવે તો આ આંકડો વધીને 1 કરોડ 28 લાખ રૂપિયા થઈ ગયો છે. નોંધનીય બાબત એ છે કે આ આંકડા અંતિમ નથી, મોડી રાત સુધી ફેરફાર શક્ય છે.
આંકડાઓના આધારે અનુમાન લગાવવામાં આવી રહ્યું છે કે 'દેવા' તેના પહેલા દિવસે લગભગ 4 થી 5 કરોડ રૂપિયાની કમાણી કરી શકે છે.
ફિલ્મનું બજેટ લગભગ 85 કરોડ રૂપિયા હોવાનું કહેવાય છે. આવી સ્થિતિમાં, બોક્સ ઓફિસ પર સારી શરૂઆત કરવા માટે, ફિલ્મને પહેલા દિવસે તેની કિંમતના ઓછામાં ઓછા 10 ટકા કમાણી કરવી પડશે.
ફિલ્મમાં શાહિદ કપૂર પોલીસ ઓફિસરની ભૂમિકામાં છે. તે જ સમયે, પૂજા હેગડે પત્રકારના રોલમાં જોવા મળશે. રોશન એન્ડ્રુઝ દ્વારા નિર્દેશિત આ ફિલ્મમાં પાવેલ ગુલાટી પણ મહત્વની ભૂમિકામાં છે. આ ફિલ્મ 31 જાન્યુઆરીએ સિનેમાઘરોમાં રિલીઝ થવા જઈ રહી છે.
દેવા ફિલ્મની ટક્કર સ્કાય ફોર્સ ફિલ્મ સાથે થશે, જે 24 જાન્યુઆરીએ રિલીઝ થઈ છે. ફિલ્મ બોક્સ ઓફિસ પર સારું પ્રદર્શન કરી રહી છે. જે 100 કરોડના ક્લબમાં સામેલ થઇ શકે છે.