બોલિવૂડ અભિનેત્રી નેહા ધૂપિયા (Neha Dhupia) જે આજે પોતાનો જન્મદિવસ ઉજવી રહી છે તે તેના અભિનય કરતાં તેની સ્પષ્ટવક્તા માટે વધુ ધ્યાન ખેંચે છે. જો કે તેના ચાહકોને પણ તેની સ્ટાઈલ ઘણી પસંદ છે.
Source: social-media
અભિનેત્રી નેહા ધૂપિયાનો જન્મ 27 ઓગસ્ટ 1980ના રોજ કોચીમાં થયો હતો. આજે તેમના જન્મદિવસ પર અહીં તેની સાથે જોડાયેલી કેટલીક ખાસ વાતો વિશે વાત કરીશું.
Source: social-media
નેહાનો જન્મ શીખ પરિવારમાં થયો હતો. તેમના પિતા પ્રદીપ સિંહ ધૂપિયા ભારતીય નેવીમાં હતા. અભિનેત્રીને બાળપણથી જ અભિનયમાં રસ હતો. આ કારણે તેણે વર્ષ 2000 દરમિયાન મનોરંજન જગતમાં પહેલું પગલું ભર્યું હતું.
Source: social-media
તેણે પોતાના કરિયરની શરૂઆત ટીવી એક્ટ્રેસ તરીકે કરી હતી. તે પહેલીવાર સિરિયલ 'રાજધાની'માં જોવા મળી હતી. આ પછી તે બીજી ઘણી સિરિયલોમાં જોવા મળી હતી.
Source: social-media
નેહાએ વર્ષ 2003માં ફિલ્મ 'કયામત ધ સિટી અંડર થ્રેટ' દ્વારા અભિનેત્રી તરીકે બોલિવૂડમાં ડેબ્યૂ કર્યું હતું. આ ફિલ્મ સિવાય તે 'ક્યા કૂલ હૈ હમ', 'ચુપકે ચુપકે', 'હે બેબી', 'દસ કહાનિયાં' જેવી ઘણી ફિલ્મોમાં પણ જોવા મળી હતી.
Source: social-media
તેણે 2004માં રિલીઝ થયેલી તેની ફિલ્મ 'જૂલી'માં ખૂબ જ બોલ્ડ સીન્સ આપ્યા હતા. આ ફિલ્મના પ્રમોશન દરમિયાન તેણે એક નિવેદન આપ્યું હતું જે ખૂબ ચર્ચામાં આવ્યું હતું. તેણે કહ્યું હતું કે બોલિવૂડમાં માત્ર સેક્સ અને શાહરૂખ જ વેચાય છે. આ નિવેદન ખૂબ જ વિવાદાસ્પદ હતું.
Source: social-media
અભિનેત્રીએ વર્ષ 2018માં અંગદ બેદી સાથે લગ્ન કર્યા હતા. આ પહેલા બંને લાંબા સમયથી એકબીજાને ડેટ કરી રહ્યા હતા. બંનેએ ગુરુદ્વારામાં ખૂબ જ ખાનગી રીતે લગ્ન કર્યા હતા.
Source: social-media
લગ્નના છ મહિના પછી જ તેણે પુત્રીને જન્મ આપ્યો. આ કારણે તેને ઘણી ટ્રોલીંગ સહન કરવી પડી હતી, પરંતુ અભિનેત્રીએ તેનો હિંમતપૂર્વક સામનો પણ કર્યો હતો. હવે તેમને બે બાળકો છે.