Nov 13, 2024
બોલિવૂડ અભિનેત્રી નિમરત કૌરે (Nimrat Kaur) તેના મજબૂત અભિનય કૌશલ્યથી ફિલ્મ ઈન્ડસ્ટ્રીમાં પોતાની અલગ ઓળખ બનાવી છે. એક દાયકાથી વધુના સમયથી તે ફિલ્મ કરિયરમાં છે.
અભિનેત્રી આગામી પીરિયડ એરિયલ ડ્રામા 'સ્કાય ફોર્સ'નો ભાગ બની ગઈ છે. આ ફિલ્મમાં અક્ષય કુમાર અને સારા અલી ખાન પણ મુખ્ય ભૂમિકામાં છે.
રિપોર્ટ અનુસાર તે આવતા વર્ષે રિલીઝ થનારી બહુપ્રતિક્ષિત ફિલ્મ 'સ્કાય ફોર્સ'માં અક્ષય કુમાર સાથે સ્ક્રીન સ્પેસ શેર કરશે.
જો રિપોર્ટ સાચો સાબિત થશે તો અક્ષય અને નિમરત 8 વર્ષ પછી મોટા પડદા પર સાથે જોવા મળશે. આ પહેલા બંને 2016ની ફિલ્મ 'એરલિફ્ટ'માં સાથે જોવા મળ્યા હતા.
નિમરત કૌર ફિલ્મોમાં તેના દમદાર રોલ માટે જાણીતી છે. 'ધ લંચબૉક્સ'માં તેના શાનદાર અભિનયથી લઈને 'એરલિફ્ટ'માં તેની કમાન્ડિંગ ભૂમિકા અને 'સાજિની શિંદે કા વાયરલ વીડિયો' માં જોવા મળી હતી.
નિમરત 'સ્કાય ફોર્સ'માં મહત્વની ભૂમિકા ભજવશે. જો અહેવાલોનું માનીએ તો, અક્ષય કુમાર, સારા અલી ખાન, વીર પહાડિયા અને નિમરત કૌર અભિનીત દિનેશ વિજનની 'સ્કાય ફોર્સ' 2025 ના ગણતંત્ર દિવસના સપ્તાહના અંતે થિયેટરોમાં આવશે.
સ્કાય ફોર્સ'ના ટ્રેલરની માહિતી પણ સામે આવી છે. રિપોર્ટ મુજબ ફિલ્મનું ટ્રેલર ક્રિસમસ 2024 પર રિલીઝ થવા જઈ રહ્યું છે, ત્યારબાદ એક મહિના સુધી પ્રચાર અભિયાન ચાલશે.