250 ગ્રામ ચણાનો લોટ, ચપટી હળદર પાઉડર, ચપટી હિંગ અને સ્વાદ અનુસાર મીઠું
500 ગ્રામ બાફેલા બટાકા, સ્વાદ અનુસાર મીઠું, ચપટી હિંગ,ચપટી હળદર પાઉડર, 1/2 ચમચી મરી પાઉડર, 1 ચમચી તલ, 1 ચમચી લીલા મરચાની પેસ્ટ, 1 ચમચી આખા ધાણા, 1 ચમચી આદુની પેસ્ટ, 1 લીંબુનો રસ, 2 ચમચી કાજુ અને દ્રાક્ષ, 1 મુઠી કોથમીર
સૌ પ્રથમ બટાકા બાફી દો, બટાકા બાફયા બાદ તેની છાલ ઉતારી મેશ કરી લો. હવે તેમાં જરૂરી સામગ્રી જેમ કે મીઠું, હિંગ, મરી પાઉડર, તલ, લીલા મરચાની પેસ્ટ, આખા ધાણા, કાજુ અને દ્રાક્ષ, લીંબુનો રસ, હળદર પાઉડર, આદુની પેસ્ટ અને કોથમીર નાખો.
ત્યારબાદ બટાકાના મસાલાને સારી રીતે મિક્ષ કરો, પછી તેના ગોળ વડા તૈયાર કરો. તેને થોડી વાર મૂકી રાખો.
એક વાસણમાં ચણાનો લોટ લો, તેમાં હિંગ, હળદર પાઉડર અને સ્વાદ અનુસાર મીઠું ઉમેરો અને જરૂર મુજબ પાણી ઉમેરો, બટાકા વડાનું બેટર સહેજ જાડું રાખવું.
હવે એક કડાઈમાં તેલ ગરમ કરો, તેલ ગરમ થઇ જાય એટલે વડાને બેટરમાં ડુબોળી ડીપ ફ્રાય કરી લો, બધી સાઈડ ફ્રાય થઇ જાય એટલે ડીશમાં કાઢી લો.
ગરમ ગરમ બટાકાવડાને લીલી ચટણી અને ટોમેટો કેચઅપ સાથે સર્વ કરો.