Nov 06, 2025
બટાકા પૌવાને સવારના નાસ્તા તરીકે બેસ્ટ માનવામાં આવે છે. ઘણા લોકો ચા સાથે આ નાસ્તો કરે છે.
અહીં સરળ રીતે બટાકા પૌવા બનાવવાની રેસીપી જણાવી રહ્યા છીએ. જેનો સ્વાદ એકદમ હટકે આવશે.
પૌવા, બટાકા, તેલ, રાઈ, જીરૂ, મીઠું, સમારેલા લીલા મરચાં, ખાંડ, લીંબુ નો રસ, ગરમ મસાલો, હળદર, હિંગ, સીંગદાણા, સમારેલા ટામેટા, ઝીણી સમારેલી ડુંગળી , ધાણા, સેવ, દાડમ.
પૌવાને સૌ પ્રથમ એક મોટી ચાળણીમાં રાખો અને તેને પાણીમાં એક-બે વખત ધોઇ લો. ધોઈને પાંચ મિનિટ માટે મુકી રાખો.
એક કડાઇમાં તેલ ગેસ પર ગરમ કરવા મુકો. તેમાં રાઇ નાખો. રાઇ ફુટવા લાગે ત્યારે જીરુ,હીંગ, લીલુ મરચું, મીઠો લીમડો, હળદર, સીંગદાણા નાખો અને થોડીવાર પકાવો.
આ પછી તેમાં સમારેલી ડુંગળી નાખો અને હળવી ગુલાબી રંગની થાય ત્યાં સુધી સાંતળો. તેમાં સમારેલું બટાકું અને મીઠું ઉમેરો. આ પછી બરાબર મિક્સ કરો.
આ પછી તેને ઢાંકી દો અને બટાકા નરમ થાય ત્યાં સુધી પકાવો. ત્યારબાદ તેમાં પૌવા નાખો અને બધાને બરાબર મિક્સ કરી લો અને 2-3 મિનિટ માટે પકાવો.
આ રીતે બટાકા પૌવા તૈયાર થઇ જશે. તેની ઉપર સીંગદાણા, ટામેટા, ધાણા, દાડમ અને ગરમ મસાલો નાખી ગરમાગરમ પૌવા સર્વ કરો.
પૌવાને તમે ચા સાથે નાસ્તામાં ખાઇ શકો છો.