Oct 22, 2025
બટાકા પૌવા સવારના નાસ્તા તરીકે બેસ્ટ છે. ઘણા લોકો ચા સાથે આ નાસ્તો કરે છે.
અહીં સરળ રીતે બટાકા પૌવા બનાવવાની રેસીપી જણાવી રહ્યા છીએ. જેનો સ્વાદ એકદમ હટકે આવશે.
પૌવા, બટાકા, તેલ, રાઈ, જીરૂ, મીઠું, સમારેલાં લીલા મરચાં, ગરમ મસાલો, હળદર, હિંગ, સીંગદાણા, સમારેલા ઝીણા ટામેટા, ઝીણી સમારેલી ડુંગળી , ધાણા, સેવ, દાડમ, ખાંડ, લીંબુ નો રસ.
પૌવાને સૌ પ્રથમ એક મોટી ચાળણીમાં રાખો અને તેને પાણીમાં એક-બે વખત ધોઇ લો. ધોઈને 5-10 મિનિટ માટે મુકી રાખો.
ગેસ પર એક કડાઇમાં તેલ ગરમ કરવા મુકો. તેમાં રાઇ નાખો. રાઇ ફુટવા લાગે ત્યારે જીરુ, હીંગ, લીલા મરચા, મીઠો લીમડો, હળદર, સીંગદાણા નાખો અને થોડીવાર ફ્રાય કરો.
આ પછી તેમાં કાપેલી ડુંગળી નાખો અને હળવી ગુલાબી રંગની થાય ત્યાં સુધી સાંતળો. તેમાં સમારેલું બટાકું અને મીઠું ઉમેરો. આ પછી બરાબર મિક્સ કરો.
આ પછી તેને ઢાંકી દો અને બટાકા નરમ થાય ત્યાં સુધી પકાવો. ત્યારબાદ તેમાં પૌવા નાખો અને બધાને બરાબર મિક્સ કરી લો અને 2-3 મિનિટ માટે પકાવો.
આ રીતે બટાકા પૌવા તૈયાર થઇ જશે. તેની ઉપર સીંગદાણા, ટામેટા, ધાણા, દાડમ અને ગરમ મસાલો નાખો.
પૌવાને ગરમાગરમ ચા કે કોફી સાથે સર્વ કરો.