હલવો ભારતની પરંપરાગત મીઠાઇ છે. સોજીનો શીરો દરેકે ખાધો જ હશે. જો તમે હલવો કે શીરો ખાવાના શોખીન છો, તો તમારે બેસન હલવો ટ્રાય કરવો જોઇએ.
બેસન હલવો ચણાના લોટ માંથી બને છે. પ્રોટીન જેવા પોષકતત્વોથી ભરપૂર બેસન હલવો 10 થી 15 મિનિટમં બન જાય છે.
ચણાનો લોટ, દૂધ, ઘી, ખાંડ કે બુરુ, એલચી પાઉડર, કાજુ બદામ અને સુકી દ્રાક્ષ
ગેસ ચાલુ કરી એક કઢાઇમાં ઘી ગરમ કરો, પછી મીડિયમ તાપે ચણાનો લોટ શેકો. ચણાનો લોટ શેકતા પહેલા તેને ચારણી વડે ચાળી લો, જેથી લોટમાં કોઇ ગાંગડા ન રહી જાય.
ચણાના લોટ સહેજ બ્રાઉન શેકવો જ્યાં સુધી સુગંઘ ન આવે.
ચણાનો લોટ બરાબર શકાશે ત્યારે ઘી છુંટુ પડવા લાગશે. પછી તેમા દૂધ, પાણી અને ખાંડ કે બૂરું નાંખી હલવાને પકવવા દો.
હલવાનું પાણી દૂધ બરાબર શોષાઇ ગયા બાદ તેમા એલચી પાઉડર, કાજુ, બદામ અને સુકી દ્રાક્ષના ટુકડા ઉમેરો 2 થી 3 મિનિટ પકવવા દો.
બેસન હલવો બરાબર રંધાઇ પછી ગેસ બંધ કરી દો.
ગરમાગરમ બેસન હલવા બહુ સ્વાદિષ્ટ હોય છે. સોજી કે ઘઉંના લોટની જેમ બેસન હલવો જરૂર ટ્રાય કરવો જોઇએ.