Sep 30, 2025
ભેળ ભારતની ફેમસ ચાટમાંથી એક છે, જે ખાવામાં એકદમ સ્વાદિષ્ટ લાગે છે.
ભેળ બનાવવી એકદમ સરળ છે. અહીં તેની રેસીપી જણાવી રહ્યા છીએ.
સાદા મમરા, સેવ, બાફેલા બટાકા, બારીક સમારેલી ડુંગળી, બારીક સમારેલા ટમેટા, બારીક સમારેલું લીલું મરચું, ખજૂર આંબલીની ચટણી, લીલી ચટણી, લસણની ચટણી, સમારેલી કોથમીર, ચાટ મસાલો, લીંબુ.
મમરા શેકવા માટે એક કડાઈમાં મધ્યમ આંચ ઉપર તેલ ગરમ કરો. તેમાં મમરા, હળદર અને મીઠું નાખો.
ચમચાથી સતત હલાવતા રહીને મમરા ક્રિસ્પી થાય ત્યાં સુધી શેકો. જ્યારે મમરા ક્રિસ્પી થઈ જાય ત્યારે તેને એક મોટા બાઉલમાં કાઢી લો.
એક મોટા બાઉલમાં મમરા લો. તેમાં બાફેલા બટાકા, સમારેલા ટમેટા, સમારેલી ડુંગળી અને બારીક સમારેલું લીલું મરચું નાખો.
તેમાં ખજૂર આંબલીની ચટણી, લીલી ચટણી અને લસણની ચટણી નાખો. તેમાં ઝીણી સેવ અને ચાટ મસાલો નાંખો.
આ પછી ચમચાથી બરાબર હલાવીને બધી વસ્તુને સારી રીતે મિક્સ કરી લો. આ રીતે તમારા ટેસ્ટી ભેળ તૈયાર થઇ જશે.
તમે તેના પર લીબુંનો રસ અને કોથમીર નાખી સર્વ કરી શકો છો. તમે ઉપર દાડમના દાણા પણ નાખી શકો છો.