Dec 02, 2025
દૂધીનો હાંડવો એક પૌષ્ટિક નાસ્તો છે. શિયાળામાં તેને ખાવો જોઈએ. તે હેલ્ધી અને ટેસ્ટી છે.
દૂધીનો સ્વાદીષ્ટ હાંડવો તમે ઘરે સરળતાથી તૈયાર કરી શકો છો. અહીં તેની રેસીપી જણાવી રહ્યા છીએ.
દૂધી, રવો, ચણાનો લોટ, આદુ-લસણ પેસ્ટ, તલ, રાઈ, લાલ મરચું પાવડર, લીંબુનો રસ, મીઠો લીમડો, ખાવાના સોડા, ગરમ મસાલો, અજમો, કોથમીર.
દૂધીને છોલીને ધોઈને એક વાસણમાં છીણી લેવી. ત્યારબાદ તેમાં રવો, ચણાનો લોટ, આદુ-લસણ પેસ્ટ, અજમો, મરચાં પાવડર, લીબુંનો રસ, મીઠું, ગરમ મસાલો કોથમીર ઉમેરી લો.
આ બધી સામગ્રીને સારી રીતે મિક્સ કરી લો અને 15 મિનિટ સુધી આ તેને ઢાંકીને એકબાજુએ મૂકી દો.
આ પછી તેમાં દહીં અને તેલ ઉમેરીને મિક્સ કરી લો. હવે તેની ઉપર 2 ચપટી સોડા અને ઉપર 1 ચમચી પાણી નાખીને મિક્સ કરી લો. મિશ્રણ થોડું ઢીલું હોવું જોઈએ.
ઢોકળા બાફીએ તે રીતે વાસણમાં પાણી ઉમેરી દો અને ગેસ પર ગરમ થવા મૂકી દો. એક થાળીમાં તેલ ચોપળીને આ ખીરુ તેમાં પાથરી દો.
આ થાળીને ઢોકળાના વાસણમાં રીંગ પર મૂકીને વાસણ ઢાંકી દો અને ગેસની મધ્યમ આંચે 15-20 મિનિટ સુધી બફાવા દો. ત્યારબાદ તેમાં ચપ્પૂ નાખીને તપાસી લો.
જો ચપ્પૂમાં મિશ્રણ ચોંટ્યું ન હોય તો દૂધીનો હાંડવો તૈયાર છે. હવે તેના તમે યોગ્ય રીતે કટકા કરી લો.
એક કડાઇ તેલ ગરમ કરી તેમાં રાઈનો વઘાર કરો. રાઈ તતડે એટલે તલ, મીઠા લીમડાના પાન વઘારીને તેમાં હાંડવાના પીસ ગોઠવી દો. ગેસની મધ્યમ આંચે બંને બાજુએથી શેકી લો.