ચોમાસાના વરસાદમાં લોકોને ચટપટી વાનગી ખાવાની ઇચ્છા છે. અહીં એક ચટપટી ખાસ ચાટ બનાવવાની રેસીપી આપી છે. આ ચાટ પાલકના પકોડા માંથી બને છે. સાંજે બજારની લારી જેવી કોઇ વાનગી ખાવાની ઇચ્છા થાય તો પાલક ચાટ રેસીપી ટ્રાય કરી શકાય છે.
પાલકના તાજા પાન, ચણાનો લોટ, ચોખાનો લોટ, હળદર અને લાલ મરચા પાઉડર, તેલ, પાણી, ખાવાનો સોડા, દહીં, ખાટીમીઠી ચટણી, લીલી ચટણી, ચાટ મસાલો, લીલું કોથમીર, ફુદીનાના પાન
સૌથી પહેલા પાલકના પાન પાણીમાં ધોઇ લો
એક બાઉસમાં ચણાનો લોટ, મીઠું, હળદર અને લાલ મરચા પાઉડર, પાણી અને બેકિંગ સોડા ઉમેરી પકોડાનું ખીરું બનાવો
ગેસ પર તેલ ગરમ કરો, ત્યાર પછી પકોડાના ખીરામાં પાલકના આખા પાન ડબોડી તેલમાં મીડિયમ તાપે તળો
પકોડા બંને બાજુથી ક્રિસ્પી અને સહેજ બ્રાઉન રંગના તળો
હવે એક બાઉલમાં પાલકના પકોડા મૂકો, તેના પર ફ્રેશ દહીં, ચાટ મસાલો, આમલી ગોળની ચટણી, તીખી ચટણી ઉમેરો
ત્યાર પછી તેમા ઝીણી સેવ, તીખી મમરી, દાડમના દાણા, સમારેલું તાજું લીલું કોથમીર અને ફુદીનાના પાન વડે ગાર્નિશ કરી
તમારી ટેસ્ટી પાલક ચાટ તૈયાર છે. ચોમાસાના વરસાદમાં કંઇક ચટપટું ખાવાની ઇચ્છા થાય તો પાલક ચાટ ટ્રાય કરી શકાય છે.