પાત્રા રેસીપી, ક્રિસ્પી અને મસાલેદાર વરસાદી માહોલ માટે પરફેક્ટ નાસ્તો

પાત્રા કોને ન ભાવે ! અળવીના પાનમાંથી બનતી આ વાનગી સ્વાદમાં અદ્ભુત હોવા ઉપરાંત સ્વાસ્થ્ય માટે પણ ખૂબ ફાયદાકારક છે.

પાત્રા રેસીપી સામગ્રી

10-12 નંગ અળવીના પાન, 2 કપ ચણાનો લોટ, 1/4 કપ ચોખાનો લોટ (પાત્રાને ક્રિસ્પી બનાવવા માટે)

પાત્રા મસાલા રેસીપી

2 ચમચી આદુ-મરચાંની પેસ્ટ, 1 ચમચી લસણની પેસ્ટ, 1 ચમચી લાલ મરચું પાવડર, 1/2 ચમચી હળદર, 2 ચમચી ધાણા-જીરું પાવડર, 1/4 ચમચી હિંગ, 1/2 ચમચી ગરમ મસાલો, 1 ચમચી આમચૂળ પાવડર, ૨ ચમચી લીંબુનો રસ, 2-3 ચમચી ગોળ, મીઠું સ્વાદ અનુસાર, 2 ચમચી તેલ

પાત્રા રેસીપી વઘાર માટે

2-3 ચમચી તેલ, 1/2 ચમચી રાઈ, 1/2 ચમચી જીરું, 1 ચમચી સફેદ તલ, 1/4 ચમચી હિંગ, 8-10 મીઠા લીમડાના પાન, કોથમીર

પાત્રા રેસીપી

સૌ પ્રથમ, અળવીના પાનને પાણીથી બરાબર ધોઈ લો, તેની જાડી નસોને કાઢી નાખો.

ચણાં લોટનું બેટર બનાવો

એક મોટા બાઉલમાં ચણાનો લોટ, તેમાં આદુ-મરચાંની પેસ્ટ, લસણની પેસ્ટ, લાલ મરચું પાવડર, હળદર, ધાણા-જીરું પાવડર, હિંગ, ગરમ મસાલો, આમચૂર પાવડર, ગોળનું પાણી, મીઠું અને 2 ચમચી તેલ ઉમેરો.

પાન પર બેટર લગાવો

એક મોટી થાળી પર એક અળવીનું પાન મૂકો, તૈયાર કરેલા બેસનના ખીરાને પાન પર એકસરખી પાતળી પરત લગાવો. તેના પર બીજું પાન મૂકો અને ફરીથી ખીરું લગાવો.

પાત્રા રોલ કરો

પાનની બંને બાજુથી થોડી કિનારીઓને અંદરની તરફ વાળી લો અને બાફવા માટે મુકો. મધ્યમ આંચ પર 20 મિનિટ સુધી બાફો.

વઘાર કરો

એક કડાઈમાં તેલ ગરમ કરો, તેમાં રાઈ ઉમેરો. રાઈ તતડે એટલે જીરું, સફેદ તલ, હિંગ અને મીઠા લીમડાના પાન ઉમેરો, તેમાં કાપેલા પાત્રાના ટુકડા ઉમેરો.

વઘાર કરો

ધીમા તાપે પાત્રાને બંને બાજુથી ગોલ્ડન બ્રાઉન અને ક્રિસ્પી થાય ત્યાં સુધી શેકી લો, ગરમાગરમ પાત્રાને લીલા ધાણાથી સજાવી સર્વ કરો.

અળવીના પાનના ફાયદા :

અળવીના પાન ફાઈબર, વિટામિન્સ એ અને સી હોય છે અને ખનિજોથી ભરપૂર હોય છે. તે પાચનતંત્ર માટે ફાયદાકારક છે અને રોગપ્રતિકારક શક્તિ વધારવામાં પણ મદદ કરે છે.

ટામેટાના ભજીયા રેસીપી, નાસ્તામાં ચા સાથે મજા માણો !