દરરોજ નાસ્તામાં એકને એક વસ્તુ ખાઇને કંટાળી ગયા હોય તો તમે દહીં ઉપમા રેસીપી ટ્રાય કરી શકો છો.
આ રેસીપી તમારા પાચન માટે સારી રહેશે અને સરળતાથી પચી પણ જશે. દહીં ઉપમા બનાવવાની રેસીપી જણાવી રહ્યા છીએ.
સોજી, દહીં, પાણી, આદુનો નાનો ટુકડો, લીલા મરચા, લીલા ધાણા, મીઠું, દેશી ઘી, રાઇ, લાલ મરચું પાઉડર, ચણાની દાળ, મગફળી, કાજુ, મીઠો લીમડો.
દહીં ઉપમા બનાવવા માટે એક બાઉલમાં દહીં કાઢીને તેને ફેંટી લો. હવે આ દહીંમાં બારીક સમારેલા લીલા મરચા, લીલા ધાણા, બારીક સમારેલું આદુ, મીઠું ઉમેરો. ફેંટીને પાણી ઉમેરીને તેને પાતળું કરો.
હવે એક કડાઈમાં તેલ ગરમ કરો અને રાઇના દાણા નાખો. લાલ મરચાંનો પાવડર અને ચણાની દાળ ઉમેરો અને ફ્રાય કરો.
થોડા ફ્રાય કર્યા પછી મગફળી ઉમેરો અને શેકો. આ પછી કાજુ અને મીઠો લીમડો નાખ્યા પછી બારીક સમારેલી ડુંગળી ઉમેરો અને ફ્રાય કરો.
જ્યારે ડુંગળી થોડી સોનેરી થવા લાગે ત્યારે સોજી ઉમેરો. સોજીને બધી સામગ્રી સાથે ધીમા તાપે સારી રીતે શેકી લો.
જ્યારે સોજી શેકાઇ જાય ત્યારે તેમાં ફેટેલા દહીંને પાણી સાથે મિક્સ કરો. ધીમા તાપે હલાવતા મિક્સ કરો અને રાંધો.
થોડીવારમાં તે ખૂબ ઘટ્ટ થઈ જશે અને દહીં ઉપમા તૈયાર થઈ જશે. જો તમે ઇચ્છો તો તમે તેમાં તમારી પસંદગીના શાકભાજી પણ મિક્સ કરી શકો છો.