Oct 09, 2025
દિવાળીનો તહેવાર નજીક આવી રહ્યો છે ત્યારે માર્કેટમાં ઢગલા બંધ મીઠાઈઓ મળવા લાગી છે.
દિવાળીનો તહેવાર મીઠાઈ વગર અધૂરો છે ત્યારે માર્કેટમાં ભેળસેળનો ખતરો પણ વધારે રહે છે.
આવી સ્થિતિમાં તમે ઘરે અલગ પ્રકારની કાજુ કતરી બનાવી શકો છો. તમે સાદી કાજુ કતરીને રોઝ અને પીસ્તાનો ટ્વીસ્ટ આપી શકો છો.
ઓછી સામગ્રીમાંથી આ રોઝ પીસ્તા કાજુ કતરી બનાવી એકદમ સરળ છે. તો નોંધી લો સ્ટેપ બાય સ્ટેપ રેસીપી.
કાજુ, ખાંડ, ગુલાબની સુકી પાંખડીઓ, પીસ્તા, ગુલાબ જળ, મીલ્ક પાઉડર, ઘી, ફૂડ કલર (ઓપ્શનલ)
સૌથી પહેલા જરૂર પ્રમાણેના કાજુ લઈને તેને મીક્સર જારમાં નાંખી ગ્રાઈન્ડ કરી પાઉડર બનાવો.
એક પેનમાં ખાંડ અને થોડુ પાણી લઈને એક તારની ચાસણી બને ત્યાં સુધી ગરમ કરો. તેમાં ગુલાબ જળ અને મીલ્ક પાઉડર નાંખી હલાવો.
આ મીક્સરમાં કાજુનો પાઉડર ઉમેરી હલાવો અને ત્યારબાદ ગુલાબની પાંખડીઓ અને ચોપ કરેલા પીસ્તા નાંખીને સારી રીતે મીક્સ કરો. ફૂડ કલર ઉમેરો જો તમે ઈચ્છો તો.
હવે મિક્સરને બટર પેપરમાં લઈને મેસ કરતા જઈ ઠંડુ કરો અને બટર પેપરમાં પાથરી કતરીના આકારમાં કાપી લો.